Акафист Рождеству Пресвятой Богородицы: текст, для чего читают

Кондак 1
Избраннии от всех племен и народов в язык свят, царское священие, сыны Света и наследники Царствия, приидите возрадуемся Господеви и Спасителю Богу, в Вифлееме нас ради пеленами повиваемому, с волхвы и пастыри поклонимся, ангельскую вси в веселии поюще песнь:
Слава в вышних Богу, и на земли мир, в человецех благоволение.

Икос 1
Ангелом неведомую, преславную тайну Твоего смотрения на конец веков открывая, Христе яко Младенец во убозем вертепе и безсловесных яслех миру являешися, Слове Божий, безначальне. Оле, страшного таинства! Оле, Божия снисхождения! Тем убо со страхом и радостию взирающе на неисповедимое истощание Твое, сице Тебе зовем:
Слава Тебе, Свете Тихий, от Девы миру возсиявый.
Слава Тебе, ангелов Радосте, в страну изгнания нашего пришедый,
Слава Тебе, Начальниче мира, спасение и мир погибельной земле благовестивый.
Слава Тебе, Сыне Божий, Себе Самаго в залог прощение от Бога миру даровавый.
Слава Тебе, Сияние Отчия славы, от смерти в живот и от тьмы в чудный Твой свет человеки призвавый.
Слава Тебе, Иисусе, снизшедый на землю и восход на небо всем земнородным устроивый.
Слава в вышних Богу, и на земли мир, в человецех благоволение!

Кондак 2
Видев нищету и погибель рода человеческаго, всемогущее Слово Твое, Господи, тихому молчанию содержащу вся и нощи, в своем течении преполовляющейся, с небеси, от престолов Царских, в средину погибельной земли сниде, во спасение поющих Ему: Аллилуиа.

Икос 2
Разумев духом пророк Аввакум пришествие Твое, ужасеся вопияше: Господи! Услышах слух Твой и убояхся, разумех дела Твоя и ужасохся. Мы же сбытие тайны сия зряще, поклоняемся яслем и пеленам Твоим, зовуще:
Слава Тебе, Божия Премудросте и Сило, мглою повиваяй землю и облаками небо, нас ради пеленами повиваемый.
Слава Тебе, одеваяй красотою крины сельныя и небо украсивый звездами, обнаженный ныне, да нашу наготу одеждою нетления и славы облечеши.
Слава Тебе, рубищем пеленаемый, разрешити осуждение первозданнаго и рубы грехов моих Грядый.
Слава Тебе, ходяй на крилу ветреню и содержай рукою всея земли концы, пеленами связуемый, да свяжеши моя греховныя вожделения.
Слава Тебе, зрак раба приемый, да нас от рабства страстей и диавола свободиши.
Слава Тебе, невместимый небесы, в яслех безсловесных повиваемый, да нас безсловесия избавиши.
Слава в вышних Богу, н на земли мир, в человецех благоволение!

Кондак 3
Силы небесных велиим гласом восхвалиша Тя, Светлое Солнце Славы, восходящее от девственнаго облака и просвещающее мир за милосердие безмерное, и в веселии воспеша: Аллилуиа.

Икос 3
Имеяй престол небо и подножие – землю, места же ни едина обретавши во обители, рожденный на земли: Чистая Дева, Мати Твоя, сокрывает Тя от мраза нощнаго в худем вертепе и во яслех скотиих полагает Тя, Сокровище горняго мира и Зиждителя всяческих. Тем убо дивящеся милосердию Твоему, сице Тебе зовем:
Слава Тебе, по нам обнищавый, да нас обогатиши неизреченною благодатию Твоею.
Слава Тебе, немощь нашу на Ся восприявый, да нас силою Твоею облечеши.
Слава Тебе, мраз нощный претерпевый, да мир весь согрееши теплотою Твоея любве.
Слава Тебе, преклонивый небеса схождением Твоим, на земли не имевый, где главы подклонити.
Слава Тебе, труды и болезни наша понести благоизволивый, да человека в небесных селениях упокоиши.
Слава в вышних Богу, и на земли мир, в человецех благоволение!

Кондак 4
Бурею сумнительных помышлений мятется Ирод и весь Иерусалим с ним; царие же восточнии Тебе, Царю царей, дары избранные приносят. С ними же и нас сподоби Тебе кланятися духом и истиною, и приносити Тебе: веру, яко злато; чистое житие, яко ливан; любовь же, яко смирну, зовуще: Аллилуиа.

Икос 4
Слышав Адам первозданный глас Тебе, Господа славы, ходящаго в раи, страхом скрыся, убоявся лица Твоего. Ныне же Ты, Спасе, сокрываешн страшную славу Твоего Божества и нисходиши на землю, зрак Адамов нося, взыскати погибшаго, вопиюща Тебе:
Слава Тебе, Сыне Бога живаго, Сыном человеческим за милосердие быти благоволивый,
Слава Тебе, долу низшедый, да человека горе вознесеши.
Слава Тебе, наказание мое на Ся восприявый и язвою Твоею мя исцеливый.
Слава Тебе, приобщивыйся моея плоти, да ми образ Божий возвратиши.
Слава Тебе, студную наготу первозданнаго ризою Твоея славы покрывый.
Слава Тебе, вочеловечивыйся нас ради и существо земнородных обоживый.
Слава в вышних Богу, и на земли мир, в человецех благоволение!

Кондак 5
Боготечная звезда с высоты показует звездословцем Тя, издавна предвозвещенную мысленную Звезду, от Иакова возсиявшую. Сподоби и нас узрети чистыми очесы души нашея разумеваемую во убозем вертепе паче звезд и солнца Просиявшую славу Твоего Божества и воспети Тебе: Аллилуиа.

Икос 5
Провидев издалеча день Твой, Христе, праотец Твой Авраам возрадовася духом; мы же видяще Тя, Света невечерняго, на объятиях Девы, Матери Твоея, яко на престоле почивающа, радостно сретаем Тя пении сими:
Слава Тебе, носяй всяческая силою Твоею, рукама Девы-Отроковицы носимый.
Слава Тебе, млеком питаемый, манием питаяй всякое дыхание и тварь.
Слава Тебе, Сыне Девы – Еммануиле, Отроча младо, Бог Превечный, Отец будущаго века сый,
Слава Тебе, на плещу херувимов носимый, нас ради на руку Девичу почиваяй.
Слава Тебе, младенствуяй на земли, да нас чады Божии соделаеши.
Слава Тебе, безмерно себе умаливый, яко да мя паче слова возвеличиши истощанием Твоим.
Слава в вышних Богу, и на земли мир, в человецех благоволение!

Кондак 6
Проповедует миру милостивое Твое пришествие пророк Илия фесвитянин, тому бо на Хоривстей горе явил еси тихое сияние Твоея славы; не бо в бури, огни и трусе, но во гласе хлада тонка сошел еси на землю, Господи, просвещая и спасая вся зовущия: Аллилуиа.

Икос 6
Возсия иногда свет Небесный пастырем вифлеемским, совершающим стражу нощную о стаде своем, тем убо в нощи сего жития лености сон отрясем, в молитве бдяще, да с пастырьми зрителие славы Спаса рождшагося явимся и тако Ему воззовем:
Слава Тебе, Хлебе животний, всех души питаяй и глада смертнаго мир избавляяй.
Слава Тебе, Грозде Божественный, вино новое источаяй и жажды греховныя мир изъимаяй.
Слава Тебе, Источниче безсмертия, грядый даровати миру воду животную, от нея же вси пиющии не вжаждутся во веки.
Слава Тебе, светлое Солнце правды, светом Истины и теплотою Духа оляденевшую землю согреваяй.
Слава Тебе, Небесный Дождю, орошаяй лице земли и весну благодати даруяй естеству человеческому.
Слава Тебе, девственный Цвете от корене Иессеова, землю цветами украсивый и мир весь облагоухавый прозябением Твоим.
Слава в вышних Богу, и на земли мир, в человецех благоволение!

Кондак 7
Хотя исправити гордыню первозданнаго человека, смирил еси Себе Самаго, Слове Божий, до яслей и смерти крестныя, нам образ дая, да вси обращающии сердца свои к Тебе, облекутся в царское одеяние смирения Твоего и воцарятся над страстъми и демонами, Тебе, Победителю всяческих, зовуще: Аллилуиа.

Икос 7
Дивную тайну Божественнаго воплощения Христа смирившагося воспевающе днесь, приидите, возвысимся от земных страстей, чистою мыслию приступим и прикоснемся Младенцу, в яслех лежащему, во умилении зовуще:
Слава Тебе, рождейся на земли и Рождеством Твоим Божественное возрождение миру даровавый.
Слава Тебе, написавыйся повелением кесаревым с рабы, да наши имена в Книзе живота напишеши на небеси.
Слава Тебе, Содетелю всея твари, емуже горе служат тысящи и тьмы ангел, послужити пришедый всеродному Адаму.
Слава Тебе, небо с землею и Бога с человеком примиривый Рождеством Твоим.
Слава Тебе, радость вечную и всякий дар свыше от Отца светов в сию юдоль плача с Собою принесый.
Слава Тебе, пеленами Твоими человека в любви с Богом неразлучно связавый.
Слава в вышних Богу, и на земли мир, в человецех благоволение!

Кондак 8
Странна и пришельца нас ради – Бога видяще на земли, устранимся суетнаго мира и Небесного нашего Отечества взыщем, славу вечнующую, веселие нетленное, свет невечерний и вся, яже дарова Сын Божий пришельствующим на земли и любовию поющим Ему: Аллилуиа.

Икос 8
Весь был еси горе – на Престоле и долу в яслех, непостижиме Господи, егда ангели воспеваху Тя яко Превечнаго Бога, человецы же зряху Младенца повита, Ему же, яко миро, приносим слезы умиления, сице глаголюще:
Слава Тебе, недр Отеческих не отступивый и с дольними человеки неизреченно поживый.
Слава Тебе, неприступную славу Твоего Божества сокрывый, да грешным приступен будеши.
Слава Тебе, Источниче чистоты и святыни, пред Ним же нечисты светлейшие звезды небесныя, с мытари и грешники вечерявый.
Слава Тебе, блудницу и разбойника не отринувый и света Твоего причастники оных показавый.
Слава Тебе, вся от покаяния к Тебе пришедшия в лик другов Твоих вчинивый.
Слава в вышних Богу, и на земли мир, в человецех благоволение!

Кондак 9
Все богатство любве Твоея излиял еси на ны, Иисусе Всецарю, егда Себе Самаго яко Младенца грешному миру во очищение даровал еси. Сего ради роды родов, спасеннии явлением Твоим, во веки благодарственне зовут Ти: Аллилуиа.

Икос 9
Ветия многовещанныя недоумеют воспети недомыслимое и неизреченное Рождество Твое: кий бо язык, ангельский и человеческий, возглаголет сию бездну милости Твоея, Спасе? Приими убо благодарный плач земнородных, искупленных Твоею Кровию, Тебе припадающих и вопиющих:
Слава Тебе, изобретый всяк путь художества и с человеки соединивыйся.
Слава Тебе, стpанно во Своя пpишедый, yстpанившиися от Бога на небо пpизываяй.
Слава Тебе, вертеп обителию Себе сотворивый, да ми Небесныя обители уготовиши.
Слава Тебе, в вертеп вселивыйся, да мя, вертеп разбойников бывша, храм Твой покажеши.
Слава Тебе, грех мира вземляй и немощи человеческия исцеляяй.
Слава Тебе, труждающияся и обремененныя к себе призываяй и упокоеваяй.
Слава в вышних Богу, и на земли мир, в человецех благоволение!

Кондак 10
Спасение соделал еси миру странным истощанием Твоим и врата милосердия Божия и вышняго Царствия отверзл еси сошествием Твоим: отныне бо сынове человечестии общники ангелом бывают и радуяся легкоходною стезею в небеса восходят, немолчно зовуще: Аллилуиа.

Икос 10
Царю Небесный, рождейся на земли человека ради, Христе Боже! Покажи ны достойны Твоего осияния, даждь нам во вся дни живота нашего поминати Твоя благодеяния и чистым сердцем воспевати Тебе сицевая:
Слава Тебе, Царю веков, вышнее Царство верным отверзаяй и в них царствуяй.
Слава Тебе, Пастырю добрый, заблудших овец от пустынных холмов на пажить цветоносную призываяй.
Слава Тебе, Ключу Давидов, Едема врата, преслушанием заключенная, всем нам отверзый.
Слава Тебе, Ключу Божественный, едине ведый отверзати сердца человеческия к приятию благодати.
Слава Тебе, Манно Небесная, в пустыни жития сего странствующих питающая.
Слава Тебе, Иисусе Боже, Новый Израиль в землю обетованную вводяй.
Слава в вышних Богу, и на земли мир, в человецех благоволение!

Кондак 11
Песнь благодарения прими от нас, Слове Божий, и сподоби нас, дольних, срести чистыми деяньми и подъяти духом Тя, Христа, плотию младенствующа; Христа, волею обнищавша; Христа, нас ради на землю низшедша, Егоже горе поют непрестанно ангели Божии, зовуще: Аллилуиа.

Икос 11
Светом одеяйся, яко ризою, безславен и наг в мир сей входит, и Божие Слово, носящее вся глаголом силы Своея, немотствующим Младенцем зрится на земли. Ему же покланяющеся вси глаголем:
Слава Тебе, немотствуяй на земли, да нас молчанию и хранению дара слова научиши.
Слава Тебе, Животе, повитый пелены, пленицы смертныя разрешити грядый.
Слава Тебе, Агнче Божий, на заклание в мир пришедый и смертию Твоею живот нам даровавый,
Слава Тебе, благовестити нищим пришедый, исцели сокрушенные сердцем.
Слава Тебе, проповедуяй слепым прозрение, пленным свободу, отпускаяй сокрушенныя во отраду.
Слава Тебе, суетную славу и красная мира сего презирати научаяй и от любви земныя к любви Божией всех возводяй.
Слава в вышних Богу, и на земли мир, в человецех благоволение!

Кондак 12
Благодать спасительная всем человеком явися и всех избавление приспе: славы бо Господь нисходит на землю милости ради. Горы и холми, поля и дебри, человецы и ангели, всякое дыхание и тварь, веселия Божественнаго исполняеми, воскликните в сретение Тому: Аллилуиа.

Икос 12
Поюще велие таинство Твоего вочеловечения, Господи, молим Тя, раби Твои, егда приидеши паки на землю с силою и славою многою, помилуй и спаси всех, чтущих Твое, еже от Девы неизреченное Рождество, и любовию зовущих Ти:
Слава Тебе, до земли и до глубин адовых снизшедый во взыскание падшаго человека.
Слава Тебе, сокровища благодати Твоея нам открываяй и удобен путь к небеси показуяй.
Слава Тебе, милостивне объятия Свои отверзаяй кающимся, аще и тьмами тем пред Тобою согрешаем.
Слава Тебе, водами крещения естество человеческое убеливый и Божественными тайнами сие обоживый.
Слава Тебе, по исходе от временнаго жития Царство Твое, славу и веселие Иерусалима горняго в безконечныя веки в наследие человеком обещавый.
Слава в вышних Богу, и на земли мир, в человецех благоволение!

Кондак 13
О неизследимая и неизглаголанная Бездно Любве и Щедрот, младенствуяй плотию Иисусе! Приими приносимое Тебе убогое сие моление и не возгнушайся внити и возлещи в яслех безсловесныя моея души. О, Свете мира незаходимый! Просвети мя сиянием Твоим, прииди и обитель у мене сотвори, да во веки пою Ти: Аллилуиа.
Сей Кондак читается трижды, затем Икос 1 и Кондак 1

Молитва
О, Сладчайший Иисyсе, Слове Божий, Девы Сыне, Тебе нас pади на земли явльшагося, вся тваpь исповеда быти Твоpца и Владыкy всяческих, волны моpския подстилашася Ти под нозе ходящy, yмолкахy ветpы Твоим повелением, меpтвии словом Твоим возстах, солнце Тебе yмиpающy помеpче, земля Тебе потpясеся, небо Тебе возходящy отвеpзеся.
Тем yбо и ныне молим Тя, pаби Твои, Владыко, постели под нозе Твои вся наша помышления и чyвства сеpдечная, запpети волнению стpастей, возстави ны от смеpти гpеховныя, сотвоpи, да пpед светом любве Твоея помеpкнyт для нас навсегда вся славная и кpасная сyетнаго миpа, да потpясyтся стpахом дyщи наша и отвеpзyтся сеpдца к пpиятию Тебе, Hевечеpняго света, пpосвещающаго всякаго человека, гpядyщаго в миp.
Сподоби ныне изыти любовию в сpетение Тебе, нисходящемy на землю нас pади и в день исхода нашего от вpеменнаго жития сего, yсpящи нас, возходящих от земли милосеpдием Твоим, пpиими в небесныя Твоя селения и сотвоpи пpичастники славнаго Цаpствия Твоего, да со Ангелы святыми поем и славим Тя, Спаса дyш наших, со Безначальным Твоим Отцем и с Пpесвятым Дyхом, Единаго в Тpоице Бога, Егоже славят солнце и лyна, пpевозносят все тваpи, славословит pод человеческий и немолчо гоpе воспевают силы небесныя в безконечныя веки. Аминь.

Происхождение сего акафиста имеет две версии:
1. В прошлом веке, в 1873 году, девица Елизавета Трофимовна Обухова, духовная дочь епископа Димитровского ЛЕОНИДА (Краснопевкова), желая иноческой жизни, была пострижена в монахини с именем ЛЕОНИДА. Была она личностью, безусловно, духовно и творчески одаренной, глубоко чтила святителя ФИЛАРЕТА (Дроздова), митрополита Московского, была знакома со многими знаменитыми людьми своего времени. Она написала акафист Рождеству Христову, предлагаемый вашему вниманию.
2. По другим данным акафист был написан священномучеником Александром Хотовицким около 1920-1923 г.

Код для размещения ссылки на данный материал:

Как будет выглядеть ссылка:

Происхождение сего акафиста имеет две версии: 1. В прошлом веке, в 1873 году, девица Елизавета Трофимовна Обухова, духовная дочь епископа Димитровского ЛЕОНИДА (Краснопевкова), желая иноческой жизни, была пострижена в монахини с именем ЛЕОНИДА. Была она личностью, безусловно, духовно и творчески одаренной, глубоко чтила святителя ФИЛАРЕТА (Дроздова), митрополита Московского, была знакома со многими знаменитыми людьми своего времени. Она написала акафист Рождеству Христову, предлагаемый вашему вниманию. 2. По другим данным акафист был написан священномучеником Александром Хотовицким около 1920-1923 г.

Акафист Рождеству Пресвятой Богородицы

Кондак 1

Избранней от человеческого рода и рождшейся от неплодове, Пречистей Деве Марии составим похвалу, яко рождеством Ея начало спасения нашего бысть и пришествие в мир Избавителя возвестися. Темже радостно Ей возопиим: Радуйся, Пречистая Дево, Материю Спасителя мира от века предъизбранная.

Икос 1

Ангел небесный предстояй пред Богом, послан бысть к праведным Иоакиму и Анне возвестити им радость велию, яко по неплодствии своем имут родити Дщерь Преблагословенную, от Неяже всему миру радость произыдет. Темже и мы, радости сея причастницы, похвальная песни Деве воспоем: Радуйся, в Троичном Совете Материю Сына Божия от века предъизбранная; радуйся, древними пророками с патриархи многообразне в образех и сенех прообразованная. Радуйся, вящшие пяти тысящ лет от создания мира верными Божиими рабы, яко Матерь Избавителя ожиданная; радуйся, лествицею Иаковом виденною, Божие к человеком снизшествие прообразовавшаго предуказанная. Радуйся, неопалимою купиною в пустыни Синайстей Моисеом виденною, предвозвещенная; радуйся, Чермным морем Израилю сух путь давшему, фараона же потопившему, образне преднаписанная. Радуйся, написатися нам в книзе Живота Вечнаго пособствующая; радуйся, Царствия Небеснаго невозбранный вход нам ходатайствующая. Радуйся, Пречистая Дево, Материю Спасителя мира от века предъизбранная.

Кондак 2

Видяще праведнии Иоаким и Анна явльшагося им Ангела, возвещающа рождество Твое, Пресвятая Дево, возблагодариша Бога, призревшаго отъяти поношение безчадия их, и всем сердцем тепле возопиша: Аллилуиа.

Икос 2

Разум Божественнаго строительства и на землю снизшествия Своего Всеблагий Господь исполнити начиная, посланием Ангела Своего возвестити Иоакиму и Анне о рождестве Твоем, Пресвятая Дево. Темже вопием Ти хвалебно: Радуйся, разума Божественнаго прояв-ление; радуйся, дивнаго смотрения Его исполнение. Радуйся, древле предуставленная послужити воплощению Сына Божия; радуйся, от всех родов в жилище всех Царя предъизбранная. Радуйся, еще в рай изречением искусителю змию о положении вражды между тем и Женою и Семенем Ея предуказанная; радуйся, по исполнении времен от неплодове изволением Божиим славне произшедшая. Радуйся, род человеческий рождеством Своим возвеселившая; радуйся, сетование чаявших утехи Израилевы преложившая. Радуйся, Пречистая Дево, Материю Спасителя мира от века предъизбранная.

Кондак 3

Сила Вышняго разреши неплодство заматоревшия во днех своих праведныя Анны: зачат бо Тя, Пречистая, и, чая Твоего рождения, радостно пояше Богу Израилеву хвалебную песнь: Аллилуиа.

Икос 3

Имущая безмужно родити Спасителя душ и телес наших, Ты и Сама, яко чудо пред велиим и непостижимым чудесем, от неплодных родителей славно родися, Пресвятая Дево. Темже воспеваем Ти сице: Радуйся, от корене Иессеова и Давидова произшедшая; радуйся, от неплодных ложесн праведныя Анны дивно прозябшая. Радуйся, пророчеством Исаии прежде лет древних Дева-Матерь проявленная; радуйся, по обетованию Ангела рожденная. Радуйся, скиниею свидения и Ковчегом завета прообразованная; радуйся, процветшим жезлом Аароновым образне прознаменованная. Радуйся, прежде рождества Твоего в Матерь Богу-Слову освященная и предуготованная. Радуйся, Пречистая Дево, Материю Спасителя мира от века предъизбранная.

Кондак 4

Бури поношений человеческих о неплодствии своем избавльшеся в зачатии Твоем, Пресвятая Дево, праведнии родителие Твои радовахуся, и в честь рождества Твоего учреждение велие творяху сродником и знаемым, и тии срадовахуся им, вопиюща Богу, сотворшему милость Свою, хвалебную песнь: Аллилуиа.

Икос 4

Слышавше окрестные людие, яко дщи Иоакима и Анны наречена бысть Мария, сиесть Госпожа, проразумеваху, Пречистая, велику и славну Тя быти не токмо в людех, но и у Бога. Мы же сбытие сего добре ведуще, величаем Тя сице: Радуйся, Пресвятая Дево, не от человека, но от Ангела имя Себе еще прежде зачатия приявшая; радуйся, по имени сему Госпожею всея твари быти сподобльшаяся. Радуйся, яко праведнии родителие Твои воздающе Богу благодарение за рождение Твое, великия дары в жертву Тому принесоша; радуйся, яко сродником и знаемым, купно же и убогим вечерю любве сотвориша. Радуйся, яко от священников, в дом родителей Твоих на торжество позванных, благословена еси; радуйся, яко от всех на веселие оно собравшихся, похвалена и прославлена была еси. Радуйся, выше всякия чести и похвалы явльшаяся; радуйся, Материю Бога-Слова быти сподобльшаяся. Радуйся, Пречистая Дево, Материю Спасителя мира от века предъизбранная.

Кондак 5

Боготечная звезда, возвещающая пришествие Солнца Правды, Христа Бога нашего, в рождестве Твоем явися, о, Пресвятая Дево; тем-же людие Божии, пришествия Избавителя верою чаявшии, видяще Тя чудно от неплодове рождшуюся, таинственно возвеселишася и возопиша: Аллилуиа.

Икос 5

Видевши праведнии Иоаким и Анна рождшуюся от них Богоотроковицу Марию, о Нейже Ангел Божий некая чудная и дивная тем провозвести, яко кивоту Божию, Той послужиша, воспитавающе и храняще Ю, якоже зеницу ока. Темже и мы похваляюще Богоотцев, сподобившихся родительми быти таковыя Дщери, Деве Марии радостно воспеваем: Радуйся, Пречистая Дево, яко по рождестве Твоем родителие Твои вельми возликоваху; радуйся, яко в явлении Твоем в мир Ангели и человецы согласно возрадовахуся. Радуйся, яко о Тебе вси пророцы многообразне предглаголаху; радуйся, яко един от них Вратами затворенными, ин же Горою приосененною Тя именоваху. Радуйся, яко вся преславная древле таинственно о Тебе предглаголано быша; радуйся, яко Градом и Селением Божиим псаломническая уста Тя наименоваша. Радуйся, седмосвещным светильником, яко седмию дарами Святаго Духа исполнена быти имевшая, предуказанная; радуйся, позлащенною трапезою с хлебами предложения, яко Хлеб Жизни, Христа, родити имевшая, предуказанная. Радуйся, Пречистая Дево, Материю Спасителя мира от века предъизбранная.

Кондак 6

Проповедник богоносных вещания и глаголы исполняя, изволением Зиждителя твари на земли явилася еси, Пресвятая Дево, естества нашего цвете, Адама же и Евы воззвание и на первую доброту возведение. Темже вси вернии в рождестве Твоем радость обретши, духовно торжествующим, поюще дивному в Совете Своем Богу нашему: Аллилуиа.

Икос 6

Возсия в рождестве Твоем, Пречистая, заря спасения нашего, во исполнение Божественнаго смотрения, имже едина Ты от всех родов достойна явилася еси плоть заимодати Зиждителю Твоему, пришедшему спасти род наш от древния праотеческия клятвы. Сего ради взываем Ти сице: Радуйся, Адама и Евы воззвание; радуйся, древния клятвы разрешение. Радуйся, сеновнаго закона конец и новыя благодати начало; радуйся, промышления Божественнаго Таинница и на делания благая нас присно наставляющая. Радуйся, едина во всех родех достойно обретшаяся быти Материю Бога-Слова; радуйся, и нам новым во Христе людем духовная Мати явльшаяся. Радуйся, Матерним Твоим попечением николиже нас оставляющая; радуйся, в сыны и дщери Сыну Твоему достойны и благоугодны нас приуготовляющая. Радуйся, Пречистая Дево, Материю Спасителя мира от века предъиз-бранная.

Кондак 7

Хотяще обеты своя Господеви воздати, праведнии родителие Твои, Пресвятая Дево, трилетствующую Тя отроковицу приведоша в храм Господень со славою и радостию многою, первосвященник же (Захария), Духом Божиим объятый, введе Тя во Святая Святых, яже прообразом токмо быша Твоея Святыни. Ты бо вместила в Себе не кивот Завета, но святых Святейшаго Сына Божия, во утробе Твоей девственней плоть восприявшаго. Емуже Ты с лики девическими выну воспевала еси: Аллилуиа.

Икос 7

Новое и преславное промышление Божественное бысть о Тебе, Дево Марие. В храме бо Божием жительствующи пищу от рук Ангельских принимала еси, Пресвятая. Темже молим Тя: напитай нас пищею благодатною, да возрастем духовно в мужа совершенна и Тебе, Всецарице, похвальная возопием: Радуйся, преукрашенная добродетельми, Отроковице, в храме Божием жити и Ангелом Собеседнице быти сподобльшаяся; радуйся, посылавшуюся Тебе Богом пищу от Ангелов во Святая Святых принимавшая. Радуйся, небесным хлебом во храме чудесно воспитанная; радуйся, к великому таинству воплощения Сына Божия тамо предуготованная. Радуйся, яко повелением Божиим Ангели на земли Тебе усердно служаху; радуйся, яко тии ныне на Небесех, яко Царице, благоговейно Тебе служат. Радуйся, яко и мы недостойнии песньми хвалебными присно Тя величаем; радуйся, яко и рождших Тя Богоотцев всегда ублажаем и в молитвах их призываем. Радуйся, Пречистая Дево, Материю Спасителя мира от века предъизбранная.

Кондак 8

Странное рождество Пречистыя Девы видевше, устранимся суетнаго мира, ум на Небеса преложше, идеже Богоматерь во славе предстоит Сыну Своему и Богу, ходатайствующи пред Ним о всех верных, всеславное рождество Ея (и в храм введение) любовию празднующих и вопиющих Богу: Аллилуиа.

Икос 8

Вся тварь в рождестве Твоем, Пречистая, обрете радость, печаль праотеческую потребляющую: произшедшим бо от Тебе Христом Богом, падшее во грех преслушания естество наше от падения воста и паки любезно Зиждителю сотворися. Темже умильно Ты взываем: Радуйся, всемирныя радости предвозвещение; радуйся, таинство от века сокровеннаго явление. Радуйся, Еюже падения востахом; радуйся, Еюже прежде отриновенное естество наше истее Богу присвоися. Радуйся, Еюже Иоаким и Анна поношения безчадия свободившася; радуйся, Еюже безплодие сердец наших в благоплодие применися. Радуйся, Еюже обилие благ вечных верным от Господа подается. Радуйся, Пречистая Дево, Материю Спасителя мира от века предъизбранная.

Кондак 9

Вси Ангели Божии не ведевшии тайны Боговочеловечения в Совете Триипостаснаго Божества от века сокровенныя и напоследок Девою Мариею явленныя, вельми удивлены быша, зряще, како Дщи Иоакима и Анны необычно естеству женскому, во Святая Святых введеся. Темже недоумением объяти бывше, благоговейно вопияху: Аллилуиа.

Икос 9

Ветия древнейший, всемудрый в царех Израилевых Соломон, провидя рождество Твое, Пречистая, в Песнех Песней со удивлением возглашаша: “Кто Сия, проницающая, аки утро, добра, яко луна, избранна, яко солнце”. Темже Церковь ликовствующи в празднице Твоем, весело Тебе вопиет: Радуйся, невечерняго дне Боговедения утро светлейшее, в законней сени, яко во мраце, возсиявшее; радуйся, солнцеобразная Дево, истинное Солнце — Христа, девственным воплощением в мир введшая и тем вся просветившая. Радуйся, световидная стихия, существенно приявшая Бога, живущаго во свете неприступнем; радуйся, Своим малым чревом объявшая Безпредель-наго, вся концы вселенныя объемлющаго. Радуйся, полная луно, свет божественный непосредственно восприемлющая и нас тем озаряющая; радуйся, чистейшее зерцало, в немже многая совершенства Божия чудно и верно изображаются. Радуйся, совершенством Твоих добродетелей и нас к тому же подвизающая; радуйся, немощныя наши силы к творению добрых дел подкрепляющая. Радуйся, Пречистая Дево, Материю Спасителя мира от века предъизбранная.

Кондак 10

Спасти хотя род человеческий от первородныя клятвы, дивное смотрения Своего таинство сотвори Господь: избра бо Тя, Пречистая, от рода Авраамля и Давидова, и от Тебе безсеменно воплотитися благоизволи, прешед уставы естества, но и тя произведе от за-маторевша и неплодна корене Иоакима и Анны праведников. Темже рождество Твое (и в храм вхождение) днесь празднующи и рождших Тя песньми восхваляющи, вопием Богу: Аллилуиа.

Икос 10

Царю Небесный, спасения нашего ради хотя на земли явитися и с человеки пожити, чертог свят воплощения Своего, Тя, Пречистая, предуготова, подав плод безчадной Анне, слезно с супружником Своим, молившимся о разрешении своего неплодства. Темже молим Тя, Богомати: разреши неплодие душ наших, да возможем принести Богу плод благих дел добродетели, взывающе Ти сице: Радуйся, пресветлый Чертоже безсеменнаго Божия воплощения; радуйся, одушевленная Палато, в жилище всех Царя предуготованная. Радуйся, светлейший облаче, имже Седящий на престоле Божества к нам сниде; радуйся, Посреднице закона и благодати, запечатление Ветхаго и Новаго Заветов. Радуйся, неувядаемая Лозо, прекрасный цвет — Спасителя мира, произрастившая; радуйся, благовонное яблоко, от неплодове произрастшее и Христу благоугодно явльшееся. Радуйся, и нас, певцев Твоих, благоугодны Христу представити тщащаяся; радуйся, яко и нас, безплодны сущих делы благими, не лишаеши духовнаго утешения. Радуйся, Пречистая Дево, Материю Спасителя мира от века предъизбранная.

Кондак 11

Песнь хвалебную рождеству Твоему (и в храм введению) приносящих не отрини, Владычице Благая, но рождших Тя ради, бла-гоцветлива нам буди, молящи о нас Сына Твоего и Бога нашего, да подаст грехов прощение и жития исправление, еже в покаянии слезном выну благодарно воспеваем Ему: Аллилуиа.

Икос 11

Светоприемная и премирная Божественнаго света Свеща, единородная Дщерь Иоакима и Анны, предъизбранная в Матерь Единородному Сыну Божию, днесь от неплодове преславно произыде, и просвещает всех рождество Ея (и в храм вхождение) верно празднующих и благоговейно взывающих: Радуйся, светозарная Свеще, Божественным пламенем возжженная; радуйся, и нас тем благодатно просвещающая и согревающая. Радуйся, таинственная Клеще, Угль Божественный Христа Господа во утробе и на руках Твоих носившая; радуйся, и нас в Таинстве Причащения приимати Того сподобляющая. Радуйся, живый и преукрашенный Храм Господень, о Немже поет Давид: “Свят Храм Твой, дивен в правде”; радуйся, Кадильнице Святая, не фимиам, в воздухе разливающийся, но Христа, вечное благовоние в Себе вместившая, и всю тварь тем облагоухавшая. Радуйся, Престоле, превознесенный со славою, одушевленное седалище Великаго Царя, нашего же Спасителя и Господа; радуйся, Царице Небесе и земли, с Сыном Твоим и Богом вечно царствующая и нас, убогих, не забывающая. Радуйся, Пречистая Дево, Материю Спасителя мира от века предъизбранная.

Кондак 12

Благодати паче, неже естества действо проявися в рождестве Твоем, Пречистая; молитву бо безчадных родителей Твоих, Господь услышав, подаде Тя им в утешение, якоже Аврааму и Сарре Исаака, восхотев вкупе и Своего смотрения таинство на Тебе совершити и уготовати Тя в Матерь Единородному Сыну Своему, обетованному нашему Искупителю. Емуже благодарно поем: Аллилуиа.

Икос 12

Поюще славное Твое от неплодове рождение (и в храм Господень введение), хвалим Тя Пречистая, яко Таинницу Божия о нас спа-сительнаго смотрения, воплощением от Тебе Бога-Слова явленнаго, и вопием Ти сице: Радуйся, чистая Ноева Голубице, рождеством Твоим престатие потока смертнаго возвестившая; радуйся, ветвь благовестия Христа Спасителя погибавшему грехом роду человеческому принесшая. Радуйся, едина блаженная в женах, послушанием Твоим Богу преслушание праматери Евы исправившая; радуйся, печаль Адама и прочих праотцев, (истомившихся ожиданием пришествия Избавителя) рождеством Твоим в радость преложившая. Радуйся, яко рождество Твое радость возвести всей вселенной; радуйся, яко в рождестве Твоем матери радуются и неплоды веселятся (ведуще, яко и

Ты от неплодове произошла еси). Радуйся, яко и всех рождество Твое (и в храм вхождение) верно и благочестно празднующих сподобляеши благодатнаго веселия; радуйся, с Сыном Твоим, одесную Отца во славе Его, спосадити нас, Его много умоляющая. Радуйся, Пречистая Дево, Материю Спасителя мира от века предъизбранная.

Кондак 13

О, Всепетая и Пречистая Мати Дево, приими сие наше хвалебное пение в честь преславнаго рождества Твоего (и в храм введения) приносимое, и возроди в нас желание благ вечных, вкупе же и избави нас, Церковь Твою Святую, Отечество наше и обители иноческия от всяких бед и напастей, от врагов видимых и невидимых, и будущия изми муки и Небеснаго Царствия нас сподоби, да во веки веков о Тебе вопием: Аллилуиа.

Рождество Христово в Великом акафисте

8 января — Собор Пресвятой Богородицы

Великий акафист (акафист Пресвятой Богородице, акафист «Взбранной Воеводе…» или просто Акафист) – произведение византийской гимнографии, созданное неизвестным автором не поздне 626 года (возможно, существенно ранее).

Этот гимн нередко называют акафистом на Благовещение – и в самом деле, Акафист тесно связан с этим праздником: достаточно сказать, что первый кондак и первый икос Акафиста одновременно представляют собой кондак и икос благовещенского канона. Однако содержание гимна не исчерпывается одним лишь благовестием архангела Гавриила: в исторической части Акафиста (1-й икос – 7-й кондак) отражены и рождественские сюжеты, и встреча с Симеоном, и бегство в Египет.

Акафист Пресвятой Богородице

Акафист Пресвятой Богородице (текст)

Первое из событий рождественского цикла, нашедшее отражение в Акафисте, – «смущение Иосифа». Вот как говорит об этом Евангелие:

«Рождество Иисуса Христа было так: по обручении Матери Его Марии с Иосифом, прежде нежели сочетались они, оказалось, что Она имеет во чреве от Духа Святаго. Иосиф же муж Ее, будучи праведен и не желая огласить Ее, хотел тайно отпустить Ее» (Мф 1: 18–19).

Византийский же гимнограф, в соответствии с общей стилистикой своего произведения, отходит от простоты евангельского текста, и расцвечивает строфу метафорами и эпитетами:

«Бурю внутрь имея помышлений сумнительных, целомудренный Иосиф смятеся, к Тебе зря небрачней, и бракоокрадованную помышляя…» (4-й кондак).

Довольно пространное изложение сна Иосифа, присутствующее в Евангелии, в Акафисте опускается, а в уста Обручника, узнавшего о зачатии Девы от Святого Духа, влагается обычное для Акафиста и акафистов славословие Богу: «Аллилуия!»

В свою очередь Акафист, представляющий собой поэтическое и богословское осмысление евангельских событий, породил целую иконописную традицию. В одних случаях центральное изображение Богоматери окружено клеймами с сюжетами кондаков и икосов, в других (к примеру, икона в Успенском соборе Московского Кремля) – вся поверхность иконы заполнена изображениями, иные из которых относятся даже не к строфе в целом, а к отдельных хайретизмам (например: Радуйся, падшаго Адама воззвание; радуйся, слез Евиных избавление… Радуйс, лествице небесная, еюже сниде Бог; радуйся, мосте, преводяй сущих от земли на небо).

Одним из постоянных сюжетов икон с акафистом является смущение Иосифа. Екатерина Данилова пишет о фреске Дионисия на 4-й кондак Акафиста:

«В предельном лаконизме образного решения Дионисия сосредоточено бесконечное богатство оттенков. Свято хранимая тайна, молчаливое страдание и понимание состояния Иосифа переданы проникающим в душу взглядом и сдержанным жестом руки Богородицы. Сколько трепета, нежности, детской наивности и ангельской кротости в образе Иосифа, бережно очерченном рукой художника».

Но вернемся к тексту Великого акафиста. Следующий сюжет – явление ангелов вифлеемским пастухам и приход пастухов к Младенцу. Как и в предыдущем случае, безыскусственное евангельское повествование (Лк. 2:8–20) украшается в Акафисте тропами и риторическими фигурами. Образ Христа как пастыря (т. е. пастуха), заимствованный из Евангелия от Иоанна (10:1–16), вступает во взаимодействие с образом пастухов, о которых говорится у Луки; с другой стороны, Мессия – заколаемый Агнец (см. Ис 53:7).

В результате столкновения всех этих сравнений и метафор, происходящих из разных ветхо- и новозаветных библейских книг, получается удивительный по красоте поэтический синтез:

«Слышаша пастырие Ангелов, поющих плотское Христово пришествие, и текше, яко к пастырю, видят Сего яко агнца непорочна, во чреве Мариине упасшася, Юже поюще реша: Радуйся, Агнца и Пастыря Мати; радуйся, дворе словесных овец…»

Следующие три строфы (5-й кондак, 5-й икос, 6-й кондак) говорят о поклонении волхвов. Обратим внимание на среднюю из этих строф. Здесь поэтическими средствами изображена парадоксальная ситуация: с одной стороны, Бог – это младенец, находящийся на руках Девы; с другой стороны, Он – Творец, создавший весь этот мир:

«Видеша отроцы халдейстии на руку Девичу создавшаго рукама человеки…»

В этом фрагменте можно увидеть и стремление к аллитерации: греч. херси … хири (руку… рукама) перекликается с постоянно повторяющимся воззванием хере (радуйся).

“Звезда Пресветлая” икона Божией Матери.

В игру вовлекается и образ звезды: если в 5-м кондаке говорится о вифлеемской звезде и о ее сиянии («Боготечную звезду узревше волсви, тоя последоваша зари…»), то в 5-м икосе звездой метафорически именуется уже Богомладенец, а сиянием – Дева: «Радуйся, звзеды незаходимыя Мати, – обращаются волхвы к Марии, – радуйся, заре таинственного дне…»

В последних двух строфах первой (исторической) части Акафиста вспоминается бегство в Египет (6-й икос) и встреча с Симеоном (7-й кондак). Мы понимаем, что на самом деле хронология была иной: сперва – Сретение, затем – бегство (и, кстати, возможно лишь после этого – поклонение волхвов). Но это нарушение хронологической последовательности событий как раз очень хорошо подчеркивает родство иконографии и гимнографии, которая, в свою очередь во многом восходит к библейской поэзии.

Икона двумерна, и на ее единой плоскости могут изображаться разновременные события, один и тот же персонаж может быть представлен дважды, трижды; библейское повествование, как и любой текст, прежде всего линейно, но об одном и том же нередко говорится по два раза, но в разных выражениях – знаменитый библейский параллелизм, получивший свое наиболее яркое выражение в псалмах и доведенный до высшей степени виртуозности в Великом акафисте.

Молитвы на Рождество Пресвятой Богородицы

В один из светлых дней на рубеже Ветхого и Нового Заветов родилась Дева Мария, Мать Спасителя Мира. Этот день издавна считается днем великой радости. Верующие люди одеваются в чистые нарядные одежды и отправляются в Божьи храмы. Ими возносится к Небесам молитва Рождество Пресвятой Богородицы, благодарность и хвала Всевышнему за дарованное спасения, прощения грехов и возможность вечной жизни во Царствие Небесном.

Пред иконой Рождества Богородицы можно просить как за себя, так и за близких, друзей, недоброжелателей. Пред Пречистым Ликом полезно молить о даровании детей бесплодным женщинам. Матушка слышит все просьбы и никогда не игнорирует их. Она всегда предстательствует пред Своим Сыном о милости к людям, о спасении грешных душ, ведь каждый человек рождается во грехе.

История праздника

В Назарете жил Иоаким, бывший потомком царя Давида, со своею супругой Анной. Их семейство было благочестиво, смиренно и милосердно. Они очень любили Бога и всех людей. Дожив до глубокой старости, муж и жена не сподобились родительского счастья. Но даже несмотря на преклонные лета, они не переставая молили Христа о рождении в их семействе долгожданного чада. Они пообещали Всевышнему, что если Он подарит им дитя, то они отдадут его на служение Богу.

В один из православных праздников Иоаким, как обычно, принес в церковь жертву в дар Богу. Но случилось так, что первосвященник не принял ее, посчитав старца недостойным ввиду его бесчадия. В глубочайшей печали Иоаким ушел в пустынные земли и там, со слезами на очах, непрестанно молил Господа о даровании младенца. Его супруга Анна, узнав о произошедшем в Божией обители, пошла в свой фруктовый сад, села под лавр и стала наблюдать за птичьим гнездом, в котором громко пищали новорожденные птенцы. Подумав о том, что даже пернатые имеют детей, а у нее нет утешения в старости, она полные слез очи возвела в синее небо. И внезапно пред ней явился Ангел, возвестивший, что вскоре она зачнет и родит дочь, через которую получат благословение и спасение народы всей земли. В тот же момент посланник Господний оказался перед Иоакимом и возвестил о том, что Бог услышал его молитвенное прошение и скоро Анна будет беременна дочерью, которая дарует радость всему миру. Ангел велел старцу идти в Иерусалим к Златым вратам и искать там супругу. Удивившись и несказанно обрадовавшись, Иоаким поспешил к храму, где встретил молящуюся жену.

Господь исполнил моление супругов и через 9 месяцев в семье родилась дочь — будущая Мать Господа, Спасителя мира. О ее рождении пели небо и земля, а счастливый отец принес Богу богатые дары и жертвы. Затем он устроил богатый пир и все гости радовались, веселились и славили Всевышнего.

Краткое житие Богородицы

До 3-летнего возраста девочка росла в родительском доме, а затем, исполняя обет, родители привели ее в храм, где она осталась жить. Вместе с другими девицами она изучала Закон Божий и Священное Писание, обучалась рукоделию.

Она служила Богу, не зная греха. Девушка дала обет Богу не выходить замуж и навечно остаться Девой. Ее душа оставалась чистой и светлой, не смотря на то, что жила она во время нравственного падения людей. Многие набожные люди ожидали прихода Отца Небесного в мир для исправления веры, чтобы Он не допустил погибели человеческого рода.

Вскоре Иоаким и Анна умерли. Когда Марии исполнилось 14 лет, ей уже нельзя было оставаться в храме. Священник, зная об обете целомудрия, формально обручил ее со своим дальним родственником, старцем Иосифом, который должен был охранять девство Марии и заботиться о ней. Дева поселилась в его доме, жила скромно и уединенно.

Прошло время и архангел Гавриил возвестил Марии Волю Божию: Она избрана Матерью Спасителя Мира, зачатие свершится по действию Святого Духа. Родится мальчик и имя Его будет Иисус. Через 9 месяцев это событие свершилось.

Мать находилась в постоянной тревоге за своего Сына, во всех Его странствованиях была рядом, помогала в трудностях, обустраивала Его отдых и покой. Венец Его земной жизни принес великую скорбь Матери: Она в неописуемом горе стояла у Креста Своего Распятого Сына и с трепетом слушала предсмертные сыновьи наставления и заветы. С Ее благословенных уст не слетело ни одного слова отчаяния, укора или проклятия, Мать все предала Воле Божией.

Об Ее Успении архангел Гавриил известил за 3 дня. В час Ее кончины жилище, где возлежала Дева, озарил необыкновенной красоты свет. Сам Сын Божий, в окружении ангельского воинства, спустился с Небес и принял чистую душу Своей Матери. Ее тело было похоронено в Гефсиманском саду у подножия Елеонской горы, рядом с телами предков, святых праведных старцев Иоакима и Анны. А позже Преблагословенная Дева явилась апостолам и возвестила: «Радуйтесь! Я с вами во все дни»!

Описание образа

Святая мать Анна расположена в левой части иконы. Ее лицо озарено великой радостью и счастьем. На древней иконографии праведница изображена полусидящей на высоком ложе и ее образ изображен более крупным, чем остальные. Пред ней стоят женщины с дарами, а рядом с роженицей находится бабка-повитуха и служанки, омывающие в купели новорожденную младеницу. Нередко на образах Богоотроковица изображена возлежащей в младенческой колыбели. Но несмотря на то, что Мария является главной героиней иконы, ее изображение находится не по центру. Этим самым «картина» Рождества указывает человечеству на то, что невзирая на важность и значимость в любой ситуации следует оставаться скромным и смиренным рабом Божиим.

На образах, написанных в более поздние времена, рядом с Анной изображен Иоаким и чуть вдалеке стоит стол с богатыми явствами, порхают птицы и переливаются голубые волны водоема.

О других Богородичных праздниках:

Правила моления

Читать можно как стандартные молитвословия, так и выражать благодарность и просьбы своими словами. Молиться желательно в Святом Храме, но не возбраняется возносить слова молитвы в домашних условиях перед иконой, расположенной на иконостасе в Красном Угле. Обязательное условие — молитвенник должен быть членом Святой Соборной Апостольской Православной церкви, то есть крещеным в Православии христианином. Перед тем, как взять на себя молитвенный подвиг, рекомендуется заручиться благословением священника православного прихода, духовника. Желательно помочь нуждающимся, подать милостыню бедным и нищим, отдать десятину или любое посильное пожертвование в храм.

• молитва должна идти из глубины сердца;
• в момент обращения к Пресвятой Деве нужно отбросить гордыню и злобу, что является грехами, и проявить смирение и веру в силу молитвы;
• молиться нужно постоянно, а не тогда, когда «приспичит»;
• при молитве к Богородице о здравии своем или близких, в момент прогрессирования недуга, необходимо вызвать врача;
• когда недуг начнет отступать от тела, ни в коем случае нельзя «отпускать» молитву, обязательно нужно благодарить Всевышнего, Пресвятую Марию и всех святых за поданное исцеление.

Рождество Твое, Богородице Дево, радость возвести всей вселенней: из Тебе бо возсия Солнце Правды, Христос Бог наш, и, разрушив клятву, даде благословение, и, упразднив смерть, дарова нам живот вечный.

Иоаким и Анна поношения безчадства и Адам и Ева от тли смертныя свободистася, Пречистая, во святем рождестве Твоем. То празднуют и людие Твои, вины прегрешений избавльшеся, внегда звати Ти: неплоды раждает Богородицу и Питательницу Жизни нашея.

Величаем Тя, Пресвятая Дево, и чтим святых Твоих родителей, и всеславное славим рождество Твое.

О, Пресвятая Владычице, Христа Спасителя нашего Богоизбранная Мати, у Бога святыми молитвами испрошенная, Богу посвященная и Богом возлюбленная! Кто Тебе не ублажит или кто не воспоет, Твоего преславного рождества. Рождество бо Твое бысть началом спасения человеков, и мы, седящии во тме согрешений, зрим Тя, Неприступного Света жилище. Сего ради витийствующий язык не может песнословити Тя по достоянию. Паче бо серафим возвысилась еси, Пречистая. Обаче приими от недостойных раб Твоих нынешнее похваление и не отрини мольбы нашея. Твое величие исповедуем, Тебе во умилении припадаем и скорую в заступлении чадолюбивую и благоусердную Матерь дерзновенно просим: умоли Сына Твоего и Бога нашего даровати нам, много согрешающим, искреннее покаяние и благочестное житие, да возможем творити вся Богу угодная и душам нашим полезная. Возненавидим вся злая, укрепляемии Божественною благодатию во благом произволении нашем. Ты непостыдная надежда наша в час смерти, даруй нам христианскую кончину, безбедное шествие на страшных мытарствах воздушных и наследие вечных и неизреченных благ Царствия Небеснаго, да со всеми святыми немолчно исповедуем Твое о нас заступление и да славим единаго Истиннаго Бога, во Святей Троице покланяемаго, Отца и Сына и Святаго Духа. Аминь.

Преблагословенная Дево Марие, Царице небесе и земли, Твоему чудотворному образу припадающе, умиленно глаголем: призри милостиво на рабы Твоя и Твоим всесильным ходатайством ниспосли коемуждо потребная. Вся верныя чада Святыя Церкви спаси, неверныя обрати, заблуждших на путь правый настави, старость и слабость сил поддержи, юных в вере святой возрасти, мужество ко благу направи, грешников к покаянию приведи и всех христиан мольбы услыши, болящих уврачуй, скорби утоли, путешествующим спутешествуй. Ты веси, Всемилостивая, яко немощны, яко грешнии, яко озлобляеми и недостойни прощения Божия, обаче буди нам в помощь, да ни коим грехом самолюбия, соблазна и диавольского прельщения прогневляем Бога: Тя имамы Предстательницу, Иже не отринет Господь. Аще бо восхощеши, вся даровати нам можеши яко благодатный источник, верно поющим Ти и превозносящим преславное Твое рождество. Избави, Владычице, грехопадений и бед всех, благочестно призывающих святое имя Твое и покланяющихся честному образу Твоему. Ты бо молитвами беззакония наша туне очищаеши, темже Тебе припадаем и паки вопием: отжени от нас всякаго врага и супостата, всякия напасти и губительнаго неверия; молитвами Твоими, подающи дожди благовременны и земле обильное плодоносие, вложи в сердца наша страх Божественный ко исполнению заповедей Господних, да вси тихо и мирно поживем во спасение душ наших, во благо ближних и во славу Господа, Ему бо, яко Творцу, Промыслителю и Спасителю нашему всякая подобает слава, честь и поклонение, ныне и присно и во веки веков. Аминь.

О, Пречистая и Преблагословенная Дево, Владычице Богородице, от неплодове по обетованию рождшаяся и чистоты ради души и тела Твоего сподобльшаяся быти Материю Сына Божия, Господа нашего Иисуса Христа, с Нимже ныне на небеси пребывавши и имаши велие дерзновение ко Пресвятой Троице, от Неяже, яко Царица, венцем вечнаго царствования увенчана еси. Темже смиренно к Тебе прибегаем и просим: исходатайствуй нам у Всемилостиваго Господа Бога прощение всех прегрешений наших вольных и невольных; страждущему отечеству нашему спасения, мира, тишины и благочестия возстановление, времена мирны и безмятежны, крамол злых непричастны; ко изобилию же плодов земных, воздуха благорастворения, дожди мирны и благовременны. И вся, яже к житию и спасению нашему потребная, испроси нам у Сына Твоего, Христа Бога нашего. Наипаче же благопоспеши нам украситися благими нравы и добрыми делы, да, елико мощно, подражатели будем святому Твоему житию, имже от юности на земли украшалася еси, благоугождающи Господу; сего ради явилася еси честнейшая Херувим и славнейшая Серафим. Ей, Госпоже Пресвятая, буди нам во всем скорая Помощница и премудрая ко спасению Наставница, да Тебе последствующи и Тобою воспомоществуеми, сподобимся наследницы быти Небеснаго Царствия, страданиями Сына Твоего исходатайственнаго, исполнителям же святых заповедей Его обещаннаго. Ты бо еси, Госпоже, едина наша по Бозе надежда и упование, и Тебе весь живот наш предаем, чающе Твоего ради ходатайства и заступления не посрамлены быти в час исхода нашего от жития сего, и на Страшном Суде Сына Твоего, Христа Бога нашего деснаго Его стояния сподобитися, и тамо вечно радоватися со всеми от века Ему благоугодившими и немолчно славити, хвалити, благодарити и благословляти Его со Отцем и Духом во веки веков. Аминь.

О молитве в православии:

Через Пресвятую Деву Марию каждый просящий, из уст которого слышится молитва Рождество Пресвятой Богородицы, молящий о предстательстве и защите, чувствует Божественную Благодать. Ведь Преблагословенная Дева не только родила Спасителя Мира. Она непрестанно молится за все человечество, за праведников и грешников, свидетельствует о них пред Сыном Своим.

Празднование Рождества Пресвятой Богородицы совершается ежегодно 21 сентября. Это не переходящий праздник и его дата остается всегда неизменной.

Оценка статьи:

(пока оценок нет)

Загрузка...

Сохранить себе в: