Акафист преподобному Илариону Оптинскому иной: текст, для чего читают

Православные акафисты

Кондак 1

Избранный от суетного жития сего к крестному пути делания монашеского, преподобне отче Иларионе, воистину благодати старчества светильник явился еси, всем приходящим к тебе и молитвенной помощи твоея просящим утешение быв, подвизая всех верных воспевати тебе:

Радуйся, преподобне Иларионе, оптинския обители украшение!

Икос 1

Ангельского монашеского жития всем сердцем взыскал еси, преподобне отче Илларионе, всю жизнь свою, как дар совершен, Творцу своему принося. Сего ради не только славный делатель молитвенного подвига, но доблий учитель и старец совершенный явился еси, всех к Богу приводя и заставляя верных вопити тебе:

Радуйся, монашеского подвига делателю преизрядный.

Радуйся, наставниче предивный.

Радуйся, всех обращающихся к тебе скорый помощниче.

Радуйся, всех недоумевающих в различных обстояниях вразумление.

Радуйся, преподобне Иларионе, оптинския обители украшение!

Кондак 2

Видя мати твоя твое к Богу стремление и благочестие изрядное, ещё в младенчестве сосуд благодати в тебе прозревая, пророчески тесный путь монашеского жития тебе предрекла еси, вопия о тебе Богу: Аллилуйя!

Икос 2

Разум Богови покорил еси, всем житием своим Апостолу Павлу подражая, темже в миру ещё славный проповедник Православия явился еси, архиерею богоспасаемого града Саратова верный помощник быв, делом, словом и самим житием своим Православие на земле Саратовской утверждая, ереси искореняя, расколы обличая, заблудших увещевая и вразумляя, заставляя верных взывати тебе:

Радуйся, проповедниче Православия преизрядный, Радуйся, славный провозвестниче Истины.

Радуйся, суеверий и заблуждений обличение.

Радуйся, Православия в земле Саратовской утверждение.

Радуйся, преподобне Иларионе, оптинския обители украшение!

Кондак 3

Силою Божественною Истину Православия в земле Саратовской утверждая, сам явился столп и утверждение Истины, всех к Свету Православия призывая, подвигал вопити Богу: Аллилуйя!

Икос 3

Имея воистину в сердце своем учительства и просветительства дар, не токмо всем верным утешение был еси, но и неверных – раскольников, еретиков, последователей лютеранской ереси и иудеев в Православие обращая, всех к познанию полноты евангельской Истины приводил еси. Сего ради вопием ти сице:

Радуйся, заблуждений от истинного Пути обличителю.

Радуйся, ересей и расколов искоренителю.

Радуйся, тьму раскольников к Свету Православия обративый.

Радуйся, столп и утверждение Церкви в земле Саратовской бывый.

Радуйся, преподобне Иларионе, оптинския обители украшение!

Кондак 4

Бурю страстей, плотию и диаволом воздвизаемую, добре ведуще, преподобне отче Иларионе, всем сердцем своим тесного пути монашеского жития взыскал еси. Сего ради в Оптинскую обитель притекл еси, всего себя в руки Богу и властям, от него поставленным, предавая, от всея души вопия Подателю благ: Аллилуйя!

Икос 4

Слышаша глас Господень, яко Царствие небесное нудится и не может человек двума господином работати, а единому точию, всем сердцем своим от мирских привязанностей отрекся еси. Сего ради мы, грешнии, вопием ти:

Радуйся, всех мирских пристрастий всеконечно отвергшийся.

Радуйся, благое иго Христово благочестно понесый.

Радуйся, старчества удобрение.

Радуйся, монашества похвало.

Радуйся, преподобне Иларионе, оптинския обители украшение!

Кондак 5

Свет Христов, просвещающий всех, обильно в тебе воссия, преподобне отче Илларионе. Тесным путем делания монашеского всеусердно шествуя, благое иго Христово подъял еси, все заповеди Христовы житием своим исполняя. Сего ради вопием о тебе Богу: Аллилуйя!

Икос 5

Всех приходящих к тебе сокровенныя таинственно прозревал еси, каеждого грехи и немощи ведая, преподобне старче Иларионе, чудный целитель недугов душевных и телесных явился еси, к покаянию всех приводя и подвизая Врачу душ и телес тайныя своя исповедать. Сего ради Владыка научи нас взывати тебе тако:

Радуйся, всех сокровенных душевных устроений тайнозрителю.

Радуйся, недугов душевных и телесных изрядный целителю.

Радуйся, тайных грехов и нестроений обличителю.

Радуйся, приводяй всех к покаянию.

Радуйся, преподобне Иларионе, оптинския обители украшение!

Кондак 6

Всем приходящим и к тебе обращающимся славный помощник и предстоятель пред Богом был еси, о всех страждущих непрестанную молитву к Творцу всех вознося. Темже и апостольский наказ исполнил еси, не своего блага, а пользы ближних ища. Сего ради слышиши от всех: Аллилуйя!

Икос 6

Возсия свет любви Божественныя в светлой душе твоей, преподобне отче Иларионе. По слову Апостола воистину всем вся был еси, да многих ко Христу приведеши. Сего ради воистину пастырь добрый явился еси, Пастырю всех подражая. Сего ради ублажаем тя похвалами сими:

Радуйся, отче дивный и милостивый.

Радуйся, яко за овцы своя воистину душу полагал еси.

Радуйся, всех верных ко Христу приводяяй.

Радуйся, премудрый учителю заповедей Христовых.

Радуйся, преподобне Иларионе, оптинския обители украшение!

Кондак 7

Хотя всем человекам спастися и в разум Истины прийти, Творец всех к многотрудному деланию старческому призва тя, преславный отче Илларионе, да, познав пути Божии, овцы своя ко Христу приведеши и научиши Богу верно воспевати: Аллилуйя!

Икос 7

Добра наставника тя разумеем, преподобне отче Илларионе, яко, сам заповеди Господни делом исполнив, паче книжник премудр быв, всех приходящих к тебе чудно вразумлял еси, да уразумеют чудеса от Закона Господня, покаянием недуги человеческия врачуя. Сего ради все просвещенные тобою вопиют ти:

Радуйся, чудес Господних тайнозрителю.

Радуйся, покаяния проповедниче преизрядный.

Радуйся, силою Господней недуги человеческие исцеляй.

Радуйся, тайны исповеди совершителю благоговейнейший.

Радуйся, преподобне Иларионе, оптинския обители украшение!

Кондак 8

Странное чудо Врачу душ и телес всех на тебе явил еси: како, таинство исповеди усердно совершая и грехи забытыя приходящия к тебе вспоминать подвизая, от демонского мучения, страшных недугов душевных и телесных и злых житейских обстояний людей свобождал еси, заставляя их вопити Богу: Аллилуйя!

Икос 8

Всякий душепагубный грех вседушно отвергал еси, премудре отче Иларионе, и всех приходящих к тебе тому же научал еси, всегубительную силу отступления от заповедей Божиих чудно нам показуя. Сего ради и жену, безумно грех на исповеди утаившую, тайно обличая, к великому старцу Амвросию направил еси, смиренномудрие свое показуя. Тот же, ведая лукавство ея, обратно к Иллариону отправил еси, тем вразумляя и к покаянию грешницу подвизая. Тако оба тайно премудро обличили ея. Дивясь премудрости вашей, вопием ти тако:

Радуйся, духовное единение с дивным старцем Амвросием показавый.

Радуйся, не желавый грешницу обличити, к тому смиренномудренно ее направивый.

Радуйся, сокровенныя сердец прозревавый.

Радуйся, приводяй всех к покаянию.

Радуйся, преподобне Иларионе, оптинския обители украшение!

Кондак 9

Всяких болезней целитель воистину явился еси, богомудре отче Илларионе, покаянием, силой Божией и молитвой к Пречистой всякий недуг исцеляя. Сего ради и кончина честного жития твоего в день памяти иконы Богородицы “Целительница” совершися, чудного целителя и почитателя Богоматери воистину тя знаменуя. Сего ради вопием о тебе Богу: Аллилуйя!

Икос 9

Ветия суемудренныя суетного века сего недоумеют, како возможно сие: не изучив земное искусство врачества, дивный целитель недугов душевных и телесных явился еси, иже никак не могли самые искусные лекари исцелити. Мы же, ведая силу благодати Божией, чрез тебя дивно действующей, премудро тя восхваляем:

Радуйся, болезней душевных и телесных исцелителю.

Радуйся, страшной разрушительной силы греха, на плоть и душу нашу действующей, тайнозртелю.

Радуйся, приводящий нас к врачеству покаяния.

Радуйся, душепагубных учений века сего о душе человеческой обличителю.

Радуйся, преподобне Иларионе, оптинския обители украшение!

Кондак 10

Спасти хотя душу, в обитель оптинскую чудно вселился еси, премудре отче Илларионе. Темже не токмо о своей, но и о спасении чужих душ радетель изрядный был еси. Сего ради вопием о тебе непрестанно: Аллилуйя!

Икос 10

Стена еси похваляющим, преподобне отче, чудное заступление твое, яко не токмо от болезней душевных и телесных, но и всякого обстояния и нужд различных обращающихся к тебе свобождал еси. Сего ради и жену, иже в честном браке семь и десять лет не могущей родити, к мощам великих угодников, иже в Оптиной обители почитаются, воронежских Митрофана и Тихона направил еси и чудное рождение чада той возвестил еси. Сего ради, видя дивныя знамения помощи твоея, восхваляем тя тако:

Радуйся, во всяких обстояниях помощниче предобрый.

Радуйся, заступниче пред Богом предивный.

Радуйся, молитвенниче наш преизрядный.

Радуйся, во всех нуждах прибежище.

Радуйся, преподобне Иларионе, оптинския обители украшение!

Кондак 11

Песнь тебе подобает воистину с небесе воспевати, а не от земли, преподобне отче Илларионе: како, во всем нам подобен земной человек быв, в обитель оптинскую душу свою устроив, тамо небесно пожил еси, к небесам всех нас путеводя. Сего ради слышиши от всех: Аллилуйя!

Икос 11

Свтозарному лучу подобно житие твое, преподобне Илларионе, дивный наставниче монахов и чудный собеседниче Ангелов, воистину бо земный Ангел и небесный человек явился еси. Сего ради, ныне на небесах Творцу Небес предстоя, прими от нас похвалы сия:

Радуйся, дар непрестанной молитвы стяжавый.

Радуйся, все в житии твоем приключавшееся ради Господа претерпевый,

Радуйся, собору святых оптинских старцев причтенный.

Радуйся, благодати их сопричастниче.

Радуйся, преподобне Иларионе, оптинския обители украшение!

Кондак 12

Благодати дар обильно в тебе явив, преподобне отче Илларионе, всех даров Податель чудного молитвенника нам в тебе показа, всех нас научая прибегати к тебе, заступниче наш добрый. Милости ради таковой мы вопием Ему: Аллилуйя!

Икос 12

Поющее ныне славное житие твое, оптинский светильниче и заступниче наш Илларионе, разумеем, яко не только словесы взыскуеши, но и жития нашего исправления, покаяния и житию твоему подражания. Мы же, немощь свою разумеюще и твоей молитвенной помощи и славного заступления от тебя улучити чающе, глаголем ти непрестанно:

Радуйся, во всех недоумениях чудное вразумление.

Радуйся, от всех бед и злых приключений спасение.

Радуйся, делателю духовного вертограда предивный.

Радуйся, всем хотящим идти путем спасения путеводителю доблий и мудрый.

Радуйся, преподобне Иларионе, оптинския обители украшение!

Кондак 13

О, чудный угодниче Христов и во всем благой помощниче предивный старче Иларионе, оптинския обители украшение и всея Руси похвало! Нынешнее наше моление прими и к престолу Всемогущего Творца принеси, испроси нам грешным спасение и во всем благое поспешение, да твоим молитвенным заступлением и чудным во всем вразумлением сподобимся время жития сего без порока прейти и достигнути селений райских, идеже с тобой и всеми святыми непрестанно воспевати Богу: Аллилуйя!

Сей Кондак читается трижды, затем Икос 1 и Кондак 1.

Молитва преподобному Илариону Оптинскому

О, священная главо, преподобне и богоносне отче наш Иларионе, оптинския обители украшение и саратовския земли похвало! Ты во дни земного жития своего никого же приходящего к тебе отреяваяй, но всем вся во благо бысть видение лица твоего и общение с тобою: страждущим бо явился помощник, скорбящим утешитель, ищущим Истины во всём учителю преизрядный. К сим же и дар во всяких недоуменных обстоятельствах вразумления, во всём благого научения и телесных и душевных недугов врачевателя обильно в тебе явися.

Ныне, на не небесех Владыке всех предстоя и в почтенном Соборе всех оптинских старцев светло торжествуя, душа твоя светло веселится.

Обаче, аще светлая душа твоя ныне на небесех предстоит, однако рака мощей твоих ныне с нами пребывает, яко источник благодати многотекущий. К сим же и молитвами твоими, святый отче, в славной обители Оптиной ныне пребываеши, в ней же славно в житии своем подвизался еси.

Сего ради молим тя: ей, отче святый! Не оставляй нас, грешных, своим славным ходатайством у Христа Бога нашего. Будь каеждому во всяком деле благе помощник преизрядный и во всяком добром начинании молитвами твоими споспешествуй. Сохрани нас от лукавых соблазнов суетного века сего, иже тщатся дух истенней веры в стране нашей истребити и духом льстивых учений народ наш от истины отвратити. Будь нам воистину пастырь добрый и учителю преизрядный, наставляя нас в истине Православия непреткновенно ходити и верными чадами Православныя Церкви быти. Сохрани страну нашу и народ наш от всякого злого обстояния, врагами Церкви Христовой возвизаемого. Како и во дни земного жития твоего, буди всем вся: падающий воздвизай, малодушных утешай, немощных укрепляй, неразумных и увлекшихся лживыми учениями века сего от лжи отвращай и на путь Истины наставляй.

Наипаче же в час кончины нашея споспешествуй нам на горьких мытарствах наших, да безпреткновенно прейдём от земли на небо и тамо со всеми святыми прославим Творца и Бога нашего Господа Иисуса Христа с Пречистою Его Матерью и со всеми святыми во веки веков. Аминь.

Акафист преподобному Илариону Оптинскому

1.10 память преподобного Иллариона Оптинского
Акафист Преподобному и Богоносному отцу нашему Илариону Оптинскому.

Избранный от суетного жития сего к крестному пути делания монашеского, преподобне отче Иларионе, воистину благодати старчества светильник явился еси, всем приходящим к тебе и молитвенной помощи твоея просящим утешение быв, подвизая всех верных воспевати тебе:

Радуйся, преподобне Иларионе, оптинския обители украшение!

Ангельского монашеского жития всем сердцем взыскал еси, преподобне отче Илларионе, всю жизнь свою, как дар совершен, Творцу своему принося. Сего ради не только славный делатель молитвенного подвига, но доблий учитель и старец совершенный явился еси, всех к Богу приводя и заставляя верных вопити тебе:
Радуйся, монашеского подвига делателю преизрядный,
Радуйся, наставниче предивный.
Радуйся, всех обращающихся к тебе скорый помощниче,
Радуйся, всех недоумевающих в различных обстояниях вразумление.
Радуйся, преподобне Иларионе, оптинския обители украшение!

Видя мати твоя твое к Богу стремление и благочестие изрядное, ещё в младенчестве сосуд благодати в тебе прозревая, пророчески тесный путь монашеского жития тебе предрекла еси, вопия о тебе Богу:

Разум Богови покорил еси, всем житием своим Апостолу Павлу подражая, темже в миру ещё славный проповедник Православия явился еси, архиерею богоспасаемого града Саратова верный помощник быв, делом, словом и самим житием своим Православие на земле Саратовской утверждая, ереси искореняя, расколы обличая, заблудших увещевая и вразумляя, заставляя верных взывати тебе:
Радуйся, проповедниче Православия преизрядный, радуйся, славный провозвестниче Истины.
Радуйся, суеверий и заблуждений обличение, Радуйся, Православия в земле Саратовской утверждение.

Радуйся, преподобне Иларионе, оптинския обители украшение!

Силою Божественною Истину Православия в земле Саратовской утверждая, сам явился столп и утверждение Истины, всех к Свету Православия призывая, подвигал вопити Богу:

Имея воистину в сердце своем учительства и просветительства дар, не токмо всем верным утешение был еси, но и неверных – раскольников, еретиков, последователей лютеранской ереси и иудеев в Православие обращая, всех к познанию полноты евангельской Истины приводил еси. Сего ради вопием ти сице:
Радуйся, заблуждений от истинного Пути обличителю,
Радуйся, ересей и расколов искоренителю,
радуйся, тьму раскольников к Свету Православия обративый,
радуйся, столп и утверждение Церкви в земле Саратовской бывый.

Радуйся, преподобне Иларионе, оптинския обители украшение!

Бурю страстей, плотию и диаволом воздвизаемую, добре ведуще, преподобне отче Иларионе, всем сердцем своим тесного пути монашеского жития взыскал еси. Сего ради в Оптинскую обитель притекл еси, всего себя в руки Богу и властям, от него поставленным, предавая, от всея души вопия Подателю благ:

Слышаша глас Господень, яко Царствие небесное нудится и не может человек двума господином работати, а единому точию, всем сердцем своим от мирских привязанностей отрекся еси. Сего ради мы, грешнии, вопием ти:
Радуйся, всех мирских пристрастий всеконечно отвергшийся,
радуйся, благое иго Христово благочестно понесый. Радуйся, старчества удобрение,
Радуйся, монашества похвало.

Радуйся, преподобне Иларионе, оптинския обители украшение!

Свет Христов, просвещающий всех, обильно в тебе воссия, преподобне отче Илларионе. Тесным путем делания монашеского всеусердно шествуя, благое иго Христово подъял еси, все заповеди Христовы житием своим исполняя. Сего ради вопием о тебе Богу:

Всех приходящих к тебе сокровенныя таинственно прозревал еси, каеждого грехи и немощи ведая, преподобне старче Иларионе, чудный целитель недугов душевных и телесных явился еси, к покаянию всех приводя и подвизая Врачу душ и телес тайныя своя исповедать. Сего ради Владыка научи нас взывати тебе тако:
Радуйся, всех сокровенных душевных устроений тайнозрителю,
Радуйся, недугов душевных и телесных изрядный целителю,
Радуйся, тайных грехов и нестроений обличителю, Радуйся, приводяй всех к покаянию.

Радуйся, преподобне Иларионе, оптинския обители украшение!

Всем приходящим и к тебе обращающимся славный помощник и предстоятель пред Богом был еси, о всех страждущих непрестанную молитву к Творцу всех вознося. Темже и апостольский наказ исполнил еси, не своего блага, а пользы ближних ища. Сего ради слышиши от всех:

Возсия свет любви Божественныя в светлой душе твоей, преподобне отче Иларионе. По слову Апостола воистину всем вся был еси, да многих ко Христу приведеши. Сего ради воистину пастырь добрый явился еси, Пастырю всех подражая. Сего ради ублажаем тя похвалами сими:
Радуйся, отче дивный и милостивый,
Радуйся, яко за овцы своя воистину душу полагал еси, Радуйся, всех верных ко Христу приводяяй,
Радуйся, премудрый учителю заповедей Христовых.

Радуйся, преподобне Иларионе, оптинския обители украшение!

Хотя всем человекам спастися и в разум Истины прийти, Творец всех к многотрудному деланию старческому призва тя, преславный отче Илларионе, да, познав пути Божии, овцы своя ко Христу приведеши и научиши Богу верно воспевати:

Добра наставника тя разумеем, преподобне отче Илларионе, яко, сам заповеди Господни делом исполнив, паче книжник премудр быв, всех приходящих к тебе чудно вразумлял еси, да уразумеют чудеса от Закона Господня, покаянием недуги человеческия врачуя. Сего ради все просвещенные тобою вопиют ти:
Радуйся, чудес Господних тайнозрителю,
Радуйся, покаяния проповедниче преизрядный, Радуйся, силою Господней недуги человеческие исцеляй,
Радуйся, тайны исповеди совершителю благоговейнейший.

Радуйся, преподобне Иларионе, оптинския обители украшение!

Странное чудо Врачу душ и телес всех на тебе явил еси: како, таинство исповеди усердно совершая и грехи забытыя приходящия к тебе вспоминать подвизая, от демонского мучения, страшных недугов душевных и телесных и злых житейских обстояний людей свобождал еси, заставляя их вопити Богу:

Всякий душепагубный грех вседушно отвергал еси, премудре отче Иларионе, и всех приходящих к тебе тому же научал еси, всегубительную силу отступления от заповедей Божиих чудно нам показуя. Сего ради и жену, безумно грех на исповеди утаившую, тайно обличая, к великому старцу Амвросию направил еси, смиренномудрие свое показуя. Тот же, ведая лукавство ея, обратно к Иллариону отправил еси, тем вразумляя и к покаянию грешницу подвизая. Тако оба тайно премудро обличили ея. Дивясь премудрости вашей, вопием ти тако:
Радуйся, духовное единение с дивным старцем Амвросием показавый,
Радуйся, не желавый грешницу обличити, к тому смиренномудренно ее направивый,
Радуйся, сокровенныя сердец прозревавый,
Радуйся, приводяй всех к покаянию.

Радуйся, преподобне Иларионе, оптинския обители украшение!

Всяких болезней целитель воистину явился еси, богомудре отче Илларионе, покаянием, силой Божией и молитвой к Пречистой всякий недуг исцеляя. Сего ради и кончина честного жития твоего в день памяти иконы Богородицы «Целительница» совершися, чудного целителя и почитателя Богоматери воистину тя знаменуя. Сего ради вопием о тебе Богу:

Ветия суемудренныя суетного века сего недоумеют, како возможно сие: не изучив земное искусство врачества, дивный целитель недугов душевных и телесных явился еси, иже никак не могли самые искусные лекари исцелити. Мы же, ведая силу благодати Божией, чрез тебя дивно действующей, премудро тя восхваляем:
Радуйся, болезней душевных и телесных исцелителю, Радуйся, страшной разрушительной силы греха, на плоть и душу нашу действующей, тайнозртелю, Радуйся, приводящий нас к врачеству покаяния, Радуйся, душепагубных учений века сего о душе человеческой обличителю.

Читайте также:  Акафист пред иконой Богоматери «Споручница грешных»: текст, для чего читают

Радуйся, преподобне Иларионе, оптинския обители украшение!

Спасти хотя душу, в обитель оптинскую чудно вселился еси, премудре отче Илларионе. Темже не токмо о своей, но и о спасении чужих душ радетель изрядный был еси. Сего ради вопием о тебе непрестанно:

Стена еси похваляющим, преподобне отче, чудное заступление твое, яко не токмо от болезней душевных и телесных, но и всякого обстояния и нужд различных обращающихся к тебе свобождал еси. Сего ради и жену, иже в честном браке семь и десять лет не могущей родити, к мощам великих угодников, иже в Оптиной обители почитаются, воронежских Митрофана и Тихона направил еси и чудное рождение чада той возвестил еси. Сего ради, видя дивныя знамения помощи твоея, восхваляем тя тако:
Радуйся, во всяких обстояниях помощниче предобрый,
Радуйся, заступниче пред Богом предивный,
Радуйся, молитвенниче наш преизрядный,
Радуйся, во всех нуждах прибежище.

Радуйся, преподобне Иларионе, оптинския обители украшение!

Песнь тебе подобает воистину с небесе воспевати, а не от земли, преподобне отче Илларионе: како, во всем нам подобен земной человек быв, в обитель оптинскую душу свою устроив, тамо небесно пожил еси, к небесам всех нас путеводя. Сего ради слышиши от всех:

Свтозарному лучу подобно житие твое, преподобне Илларионе, дивный наставниче монахов и чудный собеседниче Ангелов, воистину бо земный Ангел и небесный человек явился еси. Сего ради, ныне на небесах Творцу Небес предстоя, прими от нас похвалы сия:
Радуйся, дар непрестанной молитвы стяжавый, Радуйся, все в житии твоем приключавшееся ради Господа претерпевый,
Радуйся, собору святых оптинских старцев причтенный,
Радуйся, благодати их сопричастниче.

Радуйся, преподобне Иларионе, оптинския обители украшение!

Благодати дар обильно в тебе явив, преподобне отче Илларионе, всех даров Податель чудного молитвенника нам в тебе показа, всех нас научая прибегати к тебе, заступниче наш добрый. Милости ради таковой мы вопием Ему:

Поющее ныне славное житие твое, оптинский светильниче и заступниче наш Илларионе, разумеем, яко не только словесы взыскуеши, но и жития нашего исправления, покаяния и житию твоему подражания. Мы же, немощь свою разумеюще и твоей молитвенной помощи и славного заступления от тебя улучити чающе, глаголем ти непрестанно:
Радуйся, во всех недоумениях чудное вразумление, Радуйся, от всех бед и злых приключений спасение, Радуйся, делателю духовного вертограда предивный, Радуйся, всем хотящим идти путем спасения путеводителю доблий и мудрый.

Радуйся, преподобне Иларионе, оптинския обители украшение!

О, чудный угодниче Христов и во всем благой помощниче предивный старче Иларионе, оптинския обители украшение и всея Руси похвало! Нынешнее наше моление прими и к престолу Всемогущего Творца принеси, испроси нам грешным спасение и во всем благое поспешение, да твоим молитвенным заступлением и чудным во всем вразумлением сподобимся время жития сего без порока прейти и достигнути селений райских, идеже с тобой и всеми святыми непрестанно воспевати Богу:

Аллилуйя!
Сей кондак глаголи трижды, затем икос 1 и кондак 1.

Молитва преподобному Илариону Оптинскому.

О, священная главо, преподобне и богоносне отче наш Иларионе, оптинския обители украшение и саратовския земли похвало! Ты во дни земного жития своего никого же приходящего к тебе отреяваяй, но всем вся во благо бысть видение лица твоего и общение с тобою: страждущим бо явился помощник, скорбящим утешитель, ищущим Истины во всём учителю преизрядный. К сим же и дар во всяких недоуменных обстоятельствах вразумления, во всём благого научения и телесных и душевных недугов врачевателя обильно в тебе явися.
Ныне, на не небесех Владыке всех предстоя и в почтенном Соборе всех оптинских старцев светло торжествуя, душа твоя светло веселится.
Обаче, аще светлая душа твоя ныне на небесех предстоит, однако рака мощей твоих ныне с нами пребывает, яко источник благодати многотекущий. К сим же и молитвами твоими, святый отче, в славной обители Оптиной ныне пребываеши, в ней же славно в житии своем подвизался еси.
Сего ради молим тя: ей, отче святый! Не оставляй нас, грешных, своим славным ходатайством у Христа Бога нашего. Будь каеждому во всяком деле благе помощник преизрядный и во всяком добром начинании молитвами твоими споспешествуй. Сохрани нас от лукавых соблазнов суетного века сего, иже тщатся дух истенней веры в стране нашей истребити и духом льстивых учений народ наш от истины отвратити. Будь нам воистину пастырь добрый и учителю преизрядный, наставляя нас в истине Православия непреткновенно ходити и верными чадами Православныя Церкви быти. Сохрани страну нашу и народ наш от всякого злого обстояния, врагами Церкви Христовой возвизаемого. Како и во дни земного жития твоего, буди всем вся: падающий воздвизай, малодушных утешай, немощных укрепляй, неразумных и увлекшихся лживыми учениями века сего от лжи отвращай и на путь Истины наставляй.
Наипаче же в час кончины нашея споспешествуй нам на горьких мытарствах наших, да безпреткновенно прейдём от земли на небо и тамо со всеми святыми прославим Творца и Бога нашего Господа Иисуса Христа с Пречистою Его Матерью и со всеми святыми во веки веков. Аминь.
Конец и Богу слава!
Составитель сего текста Игорь Храмов (Тесёлкин) крайне нуждается в помощи Божией и просит молитв о себе и своих близких:
О здравии
Игоря
Валентины (ж)
Елены
Ольги
и всех благотворящих
и молящихся за нас
Об упокоении
Анны
Василия
Михаила
Михаила
Пелагии
Кирилла
Григория
Ивана
Марии
Николая
Владимира
Нины
Спаси Вас Господи!
hramov-teselkin@mail.ru

Это произведение, как и многие другие, было опубликовано на портале стихи ру и проза ру
Оно было опубликовано на сайте проза ру и удалёно – скрыто от показа читателям
Меня заблокировали на сайтах ПРОЗА. РУ и СТИХИ. РУ одновременно. Мои недоброжелатели из церковной среды, которые постоянно третируют меня, жалуются администраторам и требуют удалить мои произведения с сайтов, добились-таки своего. Около полутора тысяч текстов на стихи.ру и около двухсот текстов на проза. Ру недоступны для моего читателя. Прошу неравнодушных помолиться, чтобы мой труд не пропал даром.

Молитва царя Давида о прошениях

Господи Иисусе Христе Сыне Божий, исполни во благих прошения моя!

Молитва о чтущих молитву
Игоря Храмова Тесёлкина

Господи Иисусе Христе Сыне Божий, помяни всех, со страхом Твоим и добрым расположением чтущих молитвы сия ( составленныя тексты ) и исполни во благих прошения (желания и чаяния) их, и их молитвами помилуй и спаси нас грешных. Аминь!

Прошу молитв и братии, работниках и прихожанах Свято – Никольского мужского монастыря и прочих рабах Божиих, непрестанно вдохновляющих меня на новое творчество:

Оптина Пустынь

Толкования
Священного
Писания

Новая книга

В издательстве нашего монастыря опубликована новая книга — «Житие священномученика Вениамина (Казанского), митрополита Петроградского и Гдовского, и иже с ним пострадавших преподобномученика Сергия (Шеина), мучеников Юрия Новицкого и Иоанна Ковшарова».

В новой книге известного русского агиографа архимандрита Дамаскина (Орловского) читателю предлагается житие митропо­лита Петроградского Вениамина (Казанского) — одного из первых святителей-священномучеников, не погрешивших своей душой, ни совестью во время начавшихся гонений и отдавших свою жизнь за Христа и Его Церковь.

Счи­тай всех луч­ше се­бя, а се­бя уко­ряй и вся­чес­ки за­зи­рай и не сты­дись за свои не­мо­щи кла­нять­ся и про­сить про­ще­ния у ближ­не­го, ког­да что име­ешь на не­го. По­чи­тай каж­дый день, как бы он был для те­бя пос­лед­ний, и мыс­ля­ми сво­и­ми ча­ще пос­тав­ляй се­бя на су­де Бо­жи­ем. Тво­ри мо­лит­ву неп­рес­тан­но в серд­це: „Гос­по­ди Ии­су­се Хрис­те, Сы­не Бо­жий, Бо­го­ро­ди­цею по­ми­луй мя греш­ную”.

оптинские
книги

Расписание Богослужений

пнвтсрчтптсбвс
1
2345678
9101112131415
16171819202122
23242526272829
3031

Последний фотоальбом

Видео

Духовные беседы с паломниками

АКАФИСТ ПРЕПОДОБНОМУ И БОГОНОСНОМУ ОТЦУ НАШЕМУ Илариону, СТАРЦУ ОПТИНСКОМУ

Егоже краегранесие: Иларион старец поется верно

Предназначен для келейного чтения Скачать в DOC

Находится на рассмотрении в Комиссии по акафистам при Издательском Совете Русской Православной Церкви

Кондак 1

И збранному пастырю овец Христовых, ревностному прогонителю мысленных волков, богомудрому старцу Оптинскому, похвальная принесем пения. Ты же, отче, избави стадо твое от грехопадений лютых, и на пажити благодати воспитай тебе зовущия:

Радуйся, Иларионе, пастырей изрядное украшение.

Икос 1

Ликования пасхальнаго исполнил еси матерь твою, отче Иларионе, егда родился еси от нея в нощь светозарнаго Воскресения. Темже знамением сим Господь откры яко душа твоя не имать вкусити смерти во веки. Мы же в сени смертней живущии сице тебе вопием:

Радуйся, плоде пасхальныя радости.

Радуйся, чадо светозарнаго дне.

Радуйся, родителем твоим блаженства ходатаю.

Радуйся, присным твоим верный предстателю.

Радуйся, прежде смерти мертвым вменился еси.

Радуйся, прежде воскресения со святыми вселился еси.

Радуйся, нечувствие яко камень гробный от сердца твоего отваливый.

Радуйся, светлоангельским гласом совести душу твою просветивый.

Радуйся, страстей умерщвление.

Радуйся, добродетелей возрождение.

Радуйся, Иларионе, пастырей изрядное украшение.

Кондак 2

Апостольски поревновал еси о вере православной, отче преподобне, егда в саратовский край вселился еси, идеже раскольников множество бяху, ты же тьму лжеучения их православными догматы просветил еси, Богу в Троице славимому непрестанно взываяй: Аллилуия.

Икос 2

Ревностию Ильиною разжеглся еси, отче Иларионе, и чистоту правыя веры уяснил еси, студных же лжеучителей предал еси праведному суду. Мы же чудящеся о таковей любви твоей к чистоте учения Церкве Христовы сице тебе вопием:

Радуйся, пламеню ревности Божественныя.

Радуйся, источниче отеческаго учения.

Радуйся, столпе непоколебимый еретическими ветрами.

Радуйся, ловитво искусная на раскольническое собрание.

Радуйся, лжеименное знание разсекаяй яко паучину.

Радуйся, православное учение источаяй яко пучину.

Радуйся, мечу обоюдоострый Божия Слова.

Радуйся, стрело огненосная Церковнаго глагола.

Радуйся, правомыслящих утверждение.

Радуйся, лжемудрствующих посрамление.

Радуйся, Иларионе, пастырей изрядное украшение.

Кондак 3

Иноческому житию восхотел еси подражати, отче Иларионе, темже в Оптину пустынь к богомудрым старцам притекл еси, иже видяще тя благочестием светло украшенна, Богу благодарне воспеша: Аллилуия.

Икос 3

Оставль все земное попечение, Ангельскаго звания сподобился еси прияти от ангелоподобных старцев святых, от нихже и ангельскому деланию научился еси, како Богу подобает работати. Мы же вящему твоему преуспеянию чудящеся сице тебе вопием:

Радуйся, житию Ангельскому подражателю.

Радуйся, вышния светлости взыскателю.

Радуйся, страстей земных отсечение.

Радуйся, заповедей святых хранение.

Радуйся, быстрокрылый послушниче Льва и Макария.

Радуйся, скорбям Амвросиевым благосострадание.

Радуйся, ликостоянию Ангельскому причастниче.

Радуйся, иноческих борений подвижниче.

Радуйся, ангеломонашеский воине.

Радуйся, небомудренный человече.

Радуйся, Иларионе, пастырей изрядное украшение.

Кондак 4

Наставники себе избрал еси богомудрых старцев оптинских, иже молитвами своима и богоподражательным житием вдохнувша в тя дарования многия. Ты же яко богоприятный сосуд явился еси отче Иларионе, благодарными гласы поя Христу: Аллилуия.

Икос 4

Старчества чреду приял еси, отче Иларионе, от богоумудренных старцев оптинских Льва и Макария, имже со Амвросием верно послужил еси и дара благодати сыноположения сподобился еси, сего ради вопием ти:

Радуйся, сосуде благодати неизреченныя.

Радуйся, сынолепная чреда старческаго служения.

Радуйся от силы восходяй в силу.

Радуйся, многими дарами душу украсивый.

Радуйся, сотрудниче Амвросию на ниве духовней.

Радуйся, Льва и Макария отрасль благоплодная.

Радуйся, незабвенное памятование отеческих наставлений.

Радуйся, светоносная свеще старческих изречений.

Радуйся, яко колесница восшел еси от земли на небо.

Радуйся, яко милоть Ильину приял еси старческое служение.

Радуйся, Иларионе, пастырей изрядное украшение.

Кондак 5

Тьму разсеял еси греховную отче Иларионе, совести светильник вжег внутрь души твоея, юже уяснила есть благодать Всесвятаго Духа. Сего ради откровенным лицем на славу Божию взираяй, Богу просветившему тя благодарне воспел еси: Аллилуия.

Икос 5

Адаманта твердейши вера твоя явися отче Иларионе, еюже мудрования раскольническия яко идолы сокрушил еси, и честнейши злата бысть душевная твоя доброта, яко многи таланты от Бога приял еси. Сего ради яко евангельскаго купца тя похваляем сице:

Радуйся, возделывателю Христова винограда.

Радуйся, надежде преисполненная отрады.

Радуйся, тружениче понесый зной и дневный вар.

Радуйся, усугубивый от Бога данный ти дар.

Радуйся, точило евангельскаго слова.

Радуйся, вино утешения Христова.

Радуйся, премудрый купче стяжавый духовный бисер.

Радуйся, добрый торжниче умноживый сребро господина.

Радуйся, егоже ради обнища сокровища ада.

Радуйся, егоже ради исполнися житница слова.

Радуйся, Иларионе, пастырей изрядное украшение.

Кондак 6

Рачитель был еси преданий отеческих и монашеских уставов верный последователь явился еси, сего ради якоже точное мерило весов житие твое показал еси отче Иларионе, неуклоняяся ни на десно ни на шуя от преданий отеческих, Богу отцев твоих благодарно поя: Аллилуия.

Икос 6

Евангельское отче любомудрие стяжал еси и око ума твоего соблюл еси чисто по слову Христову, сего ради от греховныя тьмы избавил еси ослепленных душевныма очима, иже воспеша тебе похвалы сицевыя:

Радуйся, невидимых вещей видение.

Радуйся, забытых грехов обнаружение.

Радуйся, светильниче душевную тьму просвещаяй.

Радуйся, от прелести вражия нас избавляяй.

Радуйся, непорочныя совести гласе.

Радуйся, осенение мудрости в Божием страсе.

Радуйся, чистое зрение глубины душевныя.

Радуйся, познание ясное ея устроения.

Радуйся, имже свободу от грехов улучаем.

Радуйся, имже души Христу обручаем.

Радуйся, Иларионе, пастырей изрядное украшение.

Кондак 7

Целомудрие душа твоя стяжа отче Иларионе яко одежду ангельскую, и многими добродетельми душу твою окрылил еси. Сего ради ангелоподобную жизнь показал еси учеником твоим преподобне, ангельски Христа славословя: Аллилуия.

Икос 7

Постом очищся преподобне, и веры щитом вооружил еси себе, молитву непрестанную яко меч обоюдоострый восприим, враги невидимыя силою Божиею победил еси. Сего ради победныя венцы приносим и сице тебе поем:

Радуйся, правды поборниче.

Радуйся, лжи искоренителю.

Радуйся, крепость пороков разрушаяй.

Радуйся, дом добродетели созидаяй.

Радуйся, монашеских чинов славо добропобедная.

Радуйся, инокующим в бранех скорое вспоможение.

Радуйся, ратниче Христов диавола побеждаяй.

Радуйся, Ангелов в помощь нам призываяй.

Радуйся, яко тобою венец победы улучаем.

Радуйся, яко тобою отдохновение от браней приемлем.

Радуйся, Иларионе, пастырей изрядное украшение.

Кондак 8

Очистив сердце от страстей, евангельский нрав стяжал еси, отче Иларионе. Сего ради благодати сосуд избранный явился еси Всесвятаго Духа, Егоже действом светло украсил молитву твою, неизглаголанно взываяй ко Христу: Аллилуия.

Икос 8

Елеем доброделания отче богомудре светильник неугашен соблюл еси души твоея, во тьме греховней выну святяй и паству твою к Свету невечернему привлекаяй сказанием светлых твоих поучений, в нихже наставленнии возопиша тебе сице:

Радуйся, богогласная пастушеская свиреле.

Радуйся, богомудрое в добродетелех наставление.

Радуйся, прогнание мысленных татей.

Радуйся, ограждение от соблазнов братии.

Радуйся, цевнице движимая духоносными реченьми.

Радуйся, псалтире гласяй божественныя откровения.

Радуйся, лиро отеческих преданий.

Радуйся, кимвале раскольники устрашаяй.

Радуйся, языче медоречивый.

Радуйся, уста сладкоглаголивыя.

Радуйся, Иларионе, пастырей изрядное украшение.

Кондак 9

Труд подъял еси непрестанного о Господе трезвения и чистоты ума твоего от помышлений суетных охранение. Сего ради молитвою умною взыскал еси Господа Иисуса в клети сердечней, непрестанно взывая к Нему: Аллилуия.

Икос 9

Сладким именем Иисусовым распалил еси душевную твою доброту, яже пламенем любве Божественныя возгореся в твоем сердце. Сего ради любвеобильне приимал еси приходящих к тебе отче Иларионе, темже утешеннии и наставленнии в вере возопиша к тебе глаголюще:

Радуйся, пламеню веры апостольския.

Радуйся, теплото любве Иисусовыя.

Радуйся, оледеневшая сердца воспламеняяй.

Радуйся, пламень страстей остужаяй.

Радуйся, чистых созерцаний молние.

Радуйся, сердца сокрушаяй громе.

Радуйся, яко твердь сердечную просветил еси трезвением.

Радуйся, яко тучи помыслов прогоняеши молитвою.

Радуйся, егоже ради имя Иисусово призываем.

Радуйся, егоже ради Ангельскому деланию подражаем.

Радуйся, Иларионе, пастырей изрядное украшение.

Кондак 10

Яко от источника приснотекущаго, дарования твоя источаются отче предивне: овех убо от лампады помазанием исцелял еси, овех на источник посылал еси очиститися, овем грехи забытыя яко корень болезни открывал еси прозорливыма твоима очима. Темже вси от целебных твоих струй насладившиися благодарно поют Христу: Аллилуия.

Икос 10

Веры чистоту соблюл еси отче Иларионе и глубину догматов ясно познал еси, сего ради яко студенец чистыя воды явися житие твое жажду верных утоляющее. Мы же в пустыне страстей зноем соблазнов палимии, притекающе к тебе вопием:

Радуйся, кладезю отеческаго предания.

Радуйся, целебных струй излияние.

Радуйся, водоносец исполнь божественнаго утешения.

Радуйся, алавастр мирра непритворнаго смирения.

Радуйся, яко пучиною слез грехи наша потопляеши.

Радуйся, яко радостотворным плачем души наша оживляеши.

Радуйся, источниче приснотекущего веселия.

Радуйся, совести нашей с Богом примирение.

Радуйся, корень злобы изсушаяй.

Радуйся, свет веры источаяй.

Радуйся, Иларионе, пастырей изрядное украшение.

Кондак 11

Елеем милости твоея помажи нас отче Иларионе воспевающих твоя славныя и добропобедныя подвиги, имиже украсися обитель твоя, и подаждь нам победы над страстьми и грехми благодатию Божиею, яко да возвеличим Христа просветившего тя, вопиюще Ему: Аллилуия.

Икос 11

Разлучение души от тела приял еси добльственне отче Иларионе, подъемшу тебе подвиг болезни и поста, тридесят и три дни ничтоже вкушал еси токмо нетленную пищу — Тело Христово Имже освятился еси и в руце Божии дух твой предал, нам же оставил еси тело твое яко источник священия, к немуже притекающе сице тебе вопием:

Радуйся, кивоте содержаяй святыню.

Радуйся, сокровище духовныя благостыни.

Радуйся, обителище Духа Всеосвящающаго.

Радуйся, дароносице Святыя Тайны содержащая.

Радуйся, врачевателю смертных болезней.

Радуйся, искоренителю страха смерти.

Радуйся, яко в нетления красоту облеклся еси.

Радуйся, яко чудесами раку твою украсил еси.

Радуйся, имже от смертных грехов свобождаемся.

Радуйся, имже к вечной жизни привлекаемся.

Радуйся, Иларионе, пастырей изрядное украшение.

Кондак 12

На небеси обрел еси себе воздаяние отче Иларионе, от Христа Бога венец безсмертия приимь, зриши тамо красоты райския и лицезрения Самаго Господа Иисуса наслаждаешися. Темже помяни ны на земли тебе пения приносящия, да избавльшеся от всех зол твоим предстательством благодарно Христу возовем: Аллилуия.

Икос 12

Оптинскаго старчества явился еси поборниче отче Иларионе, на земли путь отцев соблюл еси и предание сохранил еси яко зеницу ока, отонудуже и светиши нам сущим в греховней нощи. Мы же яко путеводную звезду тя стяжахом, благодарно тебе вопием:

Радуйся, имже тьма раскола прогнася.

Радуйся, имже свет православия сияет.

Радуйся, догматов веры солнцезрачное блистание.

Радуйся, добродетелей духа небо многозвездное.

Радуйся, вес и мерило точнейшего разсуждения.

Радуйся, кристалловидная чистото сердечнаго трезвения.

Радуйся, союзе совести и Духа Всесвятаго.

Радуйся, непримиримая враждо на еретическое собрание.

Радуйся, яко тобою забытая грехи наша напоминаются.

Радуйся, яко тобою тайная сердца нашего очищается.

Радуйся, Иларионе, пастырей изрядное украшение.

Кондак 13

О, богомудре отче наш Иларионе, совести светлейший светильниче, помраченная наша сердца просвети светом богопознания, да узревше в нас живущий грех, яко покрывало тьмы, возопиим сущему в нас пребывающему Христу: Светодавче Боже, просвети тебе поющия: Аллилуия.

(Сей кондак глаголи трижды и абие 1 икос и 1 кондак)

Молитва ко преподобному отцу нашему Илариону:

О , Богомудре отче наш Иларионе, веры православныя истинный поборниче и крепкий молитвенниче о душах наших пред престолом Святыя Троицы! Ты ревностию зельною о вере православней распалився еще от юности твоея, явился еси яко страж неусыпный Церкви нашей, от расколоучителей храня паству ея. Ты якоже Илия древле, ревнуя поревновал еси о Бозе твоем, и студных лжеучителей предал еси праведному суду. Ты многия души спасл еси от погибельнаго заблуждения, и прельщенныя к разумению истины привел еси. Темже за правоту сердца твоего даровася ти от Бога благодать обильная исцелений и врачеваний, яко и дуси нечистиии не можаху терпети тя, и от страждущих удаляхуся. Ты и ныне, отче, яко жив сый, призри на паству твою и посети ю, и лукавыя наветы духов разори твоим предстательством. И разумы наша просвети, еже не внимати нам духовом обольстительным, выну всевающим в нас вражду, и нестроение, и разногласия, имиже разоряется Церковный мир и единодушие братии. Ей, отче, подаждь нам здравие душевное и телесное, совесть чисту и жительство незазорное. Испроси у Господа мир и благоденствие стране нашей и людем ея, веры правыя утверждение, и еретичествующих низложение, да укрепит святую Церковь русскую и обители твоей духовное возрождение дарует, во еже пети и прославляти великолепое и достопокланяемое Имя единосущныя и нераздельныя Троицы, Отца, и Сына и Святаго Духа, во век и в век века. Аминь.

Ина молитва ко преподобному отцу нашему Илариону, в граде Саратове составленная:

О , священная главо, преподобне и богоносне отче наш Иларионе, Оптинския обители украшение и саратовския земли похвало! Ты во дни земнаго жития своего никаго же приходящего к тебе отреяваяй, всем бо во благо бысть видение лица твоего и общение с тобою: страждущим явился еси помощник, скорбящим утешитель, ищущим Истины во всем учителю преизрядный. К сим же и дар во всяких недоуменных обстоятельствах вразумления, во всем благаго научения и телесных и душевных недугов врачевателя обильно в тебе явися. Ныне, на небесех Владыке всех предстоя и в почтенном Соборе всех оптинских старцев светло торжествуя, душа твоя светло веселится. Обаче, аще светлая душа твоя ныне на небесех престоит, рака же мощей твоих ныне с нами пребывает, яко источник благодати многотекущий. К сим же и молитвами твоими, святый отче, в славной обители Оптиной ныне пребываеши, в ней же преславно в житии своем подвизался еси. Сего ради молим тя: отче святый! Не остави нас, грешных, своим славным ходатайством у Христа Бога нашего. Буди каждому во всяком деле благом помощник преизрядный и во всяком добром начинании молитвами твоими споспешник. Сохрани нас от лукавых соблазнов суетного века сего, иже тщатся православную веру в стране нашей истребити и духом льстивых учений народ наш от Истины отвратити. Буди нам воистину пастырь добрый и учитель преизрядный, наставляя нас в Истине Православия непреткновенно ходити и верныя чада Православныя Церкве быти. Сохрани страну нашу и народ наш от всякого злаго обстояния, враги Церкве Христовой воздвизаемаго. Како и во дни земнаго жития твоего, буди всем вся: падающих воздвизаяй, малодушных утешаяй, немощных укрепляяй, неразумных и увлекшихся лживыми учениями века сего от лжи отвращаяй и на путь Истины наставляяй. Наипаче же в час кончины нашея споспешествуй нам на горьких мытарствах наших, да беспреткновенно прейдем от земли на небо и тамо со всеми святыми прославим Творца и Бога нашего Господа Иисуса Христа с Пречистою Его Материю и со всеми святыми во веки веков. Аминь.

Православные иконы и молитвы

Информационный сайт про иконы, молитвы, православные традиции.

Акафист Амвросию Оптинскому

«Спаси, Господи!». Спасибо, что посетили наш сайт, перед тем как начать изучать информацию, просим подписаться на наше православное сообщество в Инстаграм Господи, Спаси и Сохрани † – https://www.instagram.com/spasi.gospodi/ . В сообществе больше 60 000 подписчиков.

Нас, единомышленников, много и мы быстро растем, выкладываем молитвы, высказывания святых, молитвенные просьбы, своевременно выкладывам полезную информацию о праздниках и православных событиях. Подписывайтесь. Ангела Хранителя Вам!

Мудрый наставник, искренний и ревностный молитвенник, утешитель преподобный Амвросий стал воистину венцом и украшением Оптинского старчества. К дверям его келии на протяжении всей его жизни приходило очень много людей за советом, за утешением и помощью. Он никому не отказывал, молился абсолютно за всех. Старец прославился своим даром исцелять людей и лечить душевные раны. К его иконе и сегодня приходит много православных верующих, чтобы читать акафист Амвросию Оптинскому о помощи или возвести слова благодарности.

О чем молятся

Молитва и чтение акафиста Амвросию Оптинскому укрепляет в вере сомневающихся, утешает глубоко скорбящих и помогает стать на путь истинный тех, кто свернул не в ту сторону. Но стоит отметить, что великий дар исцеления присутствовал у старца, еще при жизни. Но по непонятным причинам он всегда старался тщательно скрывать свой дар. Он очень часто отправлял многих людей до источника, который находился в Оптинской пустыне.

Интересный факт, что до отца Амвросия источник не обладал исцеляющим свойством. Огромное количество больных людей исцелилось, побывав на этом источнике. После чего они возвращались к преподобному Амвросию, чтобы его поблагодарить. После смерти святого, ему стали молится об исцелении от:

  • зубной боли,
  • мигрени,
  • от курения,
  • от тяжкых затяжных болезней.

Существует специальный акафист к святому, который рекомендуется читать только, получив благословение священнослужителя. Но если чтение будет не регулярным, то можно его читать и без благословения. Конечно в первом случае он будет иметь большую силу. Кроме акафиста можно читать молитву. Она должна быть не обязательно взятой из молитвенника.

Достаточно искренне, всей душой попросить об защите и исцелении своими словами. Ведь главное вера в сердце и правильно подобранные слова.

Акафист Амвросию Оптинскому текст:

Избранный угодниче Божий и чудотворче, великий старче Амвросие, Оптинская похвало и Всея Руси дивный наставниче, прославляюще твое в подвизех изрядное житие, приносим ти многохвальное пение, ты же, яко имея дерзновение ко Господу, молися о всех нас, чадех твоих, со умилением зовущих: Радуйся, преподобне Амвросие, богомудрый учителю веры и благочестия.

Ангельскому житию подражая, отвергл еси вся красная и скоропреходящая тленнаго мира сего и стопы своя направил еси к духовному учителю и прозорливцу старцу Илариону, да наставит Тя на путь истиннаго жительства и благословит на подвиги спасения. Он же, провидев грядущее твое богоугодное житие, посла Тя в обитель Оптину, и тамо ты обрел еси себе доброе пристанище. Сие уведевши таковое Божие изволение о тебе, глаголем сицевая: Радуйся, Богом избранная отрасле благочестия родителей; радуйся, измлада лет твоих Господа возлюбивый. Радуйся, к книжней мудрости усер­дие от юности имевый; радуйся, святых Отцев духоносное учение познавый. Радуйся, скорогибнущих благ мира сего отвержение; радуйся, нетленных сокровищ неослабное желание. Радуйся, Божия произволения о спасении души твоея искавый; радуйся, благословение на путь монашеский получивый. Радуйся, преподобне Амвросие, богомудрый учителю веры и благочестия.

Видя сердца твоего благое намерение, Христос предначерта узкий и тернистый путь твоего спасения, и егда был еси внезапу на смертном одре болезни, даде Господу обещание: аще исцелит Тя, всего себе предати подвигом иночества. Востав же по милости Божией с одра болезни, абие прославил еси всещедраго Бога, врача душ и телес, зовя: Аллилуиа.

Разум Божественных писаний стяжав, в страсе Божием помышлял еси, како Господь устроит грядущий путь твоего спасения и како вступити на стезю многотруднаго и скорбнаго монашеского жительства. Мы же, дивящеся твоему благому намерению, воспеваем ти: Радуйся, на Бога Промыслителя всю надежду возложивый; радуйся, токмо Его благоизволения взыскавый. Радуйся, всякое испытание во спасение души понести готовый; радуйся, совести своея велению последовый. Радуйся, увеселения мирская возненавидевый; радуйся, богатства земная невозлюбивый. Радуйся, Богу единому поработати всего себе подвигнувый; радуйся, тому точию угодити восхотевый. Радуйся, преподобне Амвросие, богомудрый учителю веры и благочестия.

Силою любве утверждаяся в вере, поревновал еси Евангельское житие стяжати по образу преподобных Отцев Церкве древния. Егда же даде ти Господь разумение сего благоугождения, воспел еси со умилением: Аллилуиа.

Имея крепкую веру во благое промышление Божие о спасении человека, притекл еси к честному образу Пресвятыя Богородицы Тамбовския, еже бысть тебе благословение родительское, и смиренно молил еси Владычицу, да управит путь твой. Мы же, видяще твое неотступное упование на милость Царицы Небесныя, поем ти: Радуйся, Божия Матере верное и возлюбленное чадо; радуйся, Ея священнаго покрова силы тайное постижение. Радуйся, благословения родительскаго чрез Ея Образ добронравный хранителю; радуйся, Заступницы усердныя благоговейный почитателю. Радуйся, многочастне в нощи молитвы к Ней слезно возносивый; радуйся, Небесныя помощи от Нея непостыдно восприемый. Радуйся, тако утешение в сердце своем обретый сладостное; радуйся, яко умиление приял еси благотишное. Радуйся, преподобне Амвросие, богомудрый учителю веры и благочестия.

Бурею помышлений движимый пришел еси в обитель Преподобнаго Сергия Радонежскаго, да укрепит твое сердце на подвиги предстоящаго иноческаго поприща всея России Чудотворец и Учитель монашескаго делания, преизливающий от раки своих честных мощей токи благодатныя помощи. Умилився же тамо сердцем, взывал еси с радостию: Аллилуиа.

Слыша велие житие и благочестие богомудрых Отцев и старцев Оптины пустыни, тайно оставил еси мир и вся, яже в нем, и пришел еси необинуяся во обитель сию во смирении души, во еже спастися и угодити Богу. Мы же, видяще вящую ревность души твоея, приносим Ти хвалебную песнь: Радуйся, тленныя блага мира сего нивочтоже вменивый; радуйся, сладость Церковную познавый. Радуйся, во обитель Святую вселивыйся; радуйся, всего себе Богу отдавый. Радуйся, заповеди Божия неленостно исполнивый; радуйся, плоды Христова учения сладце вкусивый. Радуйся, подвигов святых Отцев ревнителю; радуйся, чистоты душевныя неусыпный хранителю. Радуйся, преподобне Амвросие, богомудрый учителю веры и благочестия.

Богозданная пустынь прия тя, яко во объятия Отча, в нюже кротко вселился еси и тамо первее понесл еси труды послушания в келии великаго старца богопросвещеннаго Льва, имже наставлен был еси к духовному деланию. Уведев же сладость отречения воли своея, возопил еси: Аллилуиа.

Видяще твое иноческое преуспеяние, облекоша тя Отцы пустыни в ризы схимы великия и сподоби тя подвигоначальник Христос благодати Ангельскаго чина приобщитися, сего ради вопием ти: Радуйся, всем сердцем Бога возлюбивый; радуйся, всею душею Ему послуживый. Радуйся, веру чрез многия труды непреложно утвердивый; радуйся, надеждою на помощь свыше себе вооруживый. Радуйся, любве Евангельския сокровище; радуйся, даров Духа Святаго вместилище. Радуйся, подвигов монашеских воине доблественный; радуйся, равноангельскаго жития подражателю предивный. Радуйся, преподобне Амвросие, богомудрый учителю веры и благочестия.

Проповедник православныя веры и истиннаго жития во Христе Иисусе явился еси, противныя Евангелию и Церкви учения отрицая и многая от пути заблуждения обратил еси ко Христу Жизнодавцу, поя благодарственно: Аллилуиа.

Возсиял еси яко свеща многосветлая в земли Российстей, просвещая всякаго человека, приходящаго к тебе, светом истины, людие же, обремененнии грехми и скорбьми многими, обретоша в тебе богоразумнаго наставника благочестия и добраго отца всем немоществующим, страждущим и уничиженным, воспевающе таковая: Радуйся, светильниче православныя страны Российския; радуйся, зерцало Божественныя любве. Радуйся, столпе веры апостольския; радуйся, каменю надежды жизни вечныя. Радуйся, наставниче во всяких обстояниях Боговдохновенный; радуйся, проповедниче покаяния рачительный. Радуйся, врачу недугов телесных; радуйся, целителю болезней душевных. Радуйся, преподобне Амвросие, богомудрый учителю веры и благочестия.

Хотя последовати Самому Христу, подражал еси Ему всеусердно, взем иго Его на себе и научився от Него кротости и смирению, обрел еси покой души своей, зовущей присно: Аллилуиа.

Новая и дивная звезда святости явися на небе церковнем, егда возшел еси по лествице духовней к совершенству ангелоподобному, простерл еси лучи любве своея по лицу всея земли рус­ския и привлекл еси к себе знатная и худородная, мудрая века сего и немудрая, вопиющая к тебе сицевая: Радуйся, граде, верху горы стояй; радуйся, светило, мрак неведения про­гоняющее. Радуйся, вся немощная врачуяй; радуйся, от бед и прельщений вражеских избавляяй. Радуйся, печальных утешителю; ра­дуйся, жаждущих духовный напоителю. Радуйся, хитрословеснаго мудрования века сего обличителю; радуйся, многих заблудших на путь истины направителю. Радуйся, преподобне Амвросие, богомудрый учителю веры и благочестия.

Странником и пришельцем в земном мире предстал еси, взыскующим града небеснаго, и понесл еси тяготы и немощи ищущаго у тебе помощи ближняго, и тако исполнил еси Закон Христов, поя с благодарением: Аллилуиа.

Весь огнем Божественныя любве исполненный, крест многотрудный болезней телесных пронесл еси чрез все твое иноческое житие, в терпении стяжав душу твою, по слову Евангелия Христова, и всех нас научил еси безропотному крестоношению, зовущих ти: Радуйся, вождю ищущих спасения; радуйся, образе истиннаго послушания. Радуйся, сам тяжкие недуги до конца претерпевый; радуйся, приходящия к тебе в болезнех и печалех терпению научивый. Радуйся, паствы твоея изрядный душепопечителю; радуйся, алчущих жизни вечныя питателю. Радуйся, обидимых покровителю; радуйся, непокорных воли Божией вразумителю. Радуйся, преподобне Амвросие, богомудрый учителю веры и благочестия.

Все естество человеческое в болезнех и телесных немощех испытал еси, плоть распяв со страстьми и похотьми, и молитвою неустанною отгонял еси напасти и искушения лукавых духов и тем вся научал еси противостати кознем диавольским, взывая с верою: Аллилуиа.

Витийства суемудрых, неведавших силы веры православныя, отметал еси словом Божиим и чистым житием твоим, и воистину возсиял еси, яко светозарный столп благочестия и хранитель святоотеческаго предания, усердно прелагая древняя писания отцев в письмена удобовразумительныя. Мы же, дивящеся трудом твоим, воспеваем сице: Радуйся, веры правыя адаманте; радуйся, жития по вере крепосте. Радуйся, духа благочестия насадителю; радуйся, добродетелей христианских сеятелю. Радуйся, подвигов старчества преуспеяние; радуйся, множества иноков духовное просвещение. Радуйся, приведый тех ко спасению; радуйся, обративый многия грешныя к покаянию. Радуйся, преподобне Амвросие, богомудрый учителю веры и благочестия.

Спастися взыскующим Царства Небеснаго вспомоществуя, верный путеводитель явился еси, мирския и духовныя управляя: на конец же лет своих многая труды положил еси, обитель Шамординскую убогим устрояя, да сестры тоя обретут душевный покой и спасение, воспевающе песнь хвалебную: Аллилуиа.

Стена и прибежище был еси чадом твоим, молитвами неусыпными от демонских наваждений охраняя; на невидимую брань с духи злобы вдохновлял еси их, гордость и славолюбие смирением упраздняя. Темже радующеся зовем Ти: Радуйся, стрелы вражия угасивый; радуйся, демонския полки победивый. Радуйся, пленных от духов злобы свободивый; радуйся, из темницы страстей многая души изведый. Радуйся, любовию и молитвами заблудшия к Богу обративый; радуйся, сирот и вдовиц добрый попечителю. Радуйся, водительства иноков и инокинь богоносный зиждителю; радуйся, смиренномудрия и кротости доброгласный проповедниче. Радуйся, преподобне Амвросие, богомудрый учителю веры и благочестия.

Пение умиленное приносим Ти, скорому помощнику в нуждах и печалех всем, к тебе с верою и любовию притекающим, до конца дней своих был еси чадолюбивый отец страждущих и обремененных, чающих утешения души. Темже неложно прославляется тобою Бог, дивный во святых Своих, зовущих непрестанно: Аллилуиа.

Светильника добродетелей видеша в тебе вси концы страны нашея, отче наш Амвросие, яко в терпении и смирении земное странствие скончал еси и исполнил еси вся, яже заповеда нам Христос во святем учении, и преселился еси от земли на небо, внидя в радость Господа своего, яко верный раб Христов. Темже радующеся воспеваем Ти таковая: Радуйся, слуго усердный, сотворивый волю Господина своего; радуйся, воине Христов, суету житейскую оставивый. Радуйся, Богу единому послуживый; радуйся, вся заповеди Божия исполнивый. Радуйся, обители Небесныя удостоивыйся; радуйся, горния славы приобщивыйся. Радуйся, наследниче жизни вечныя; радуйся, угодниче Божий прехвальный. Радуйся, преподобне Амвросие, богомудрый учителю веры и благочестия.

Благодати Божия сокровище некрадомое унаследовал еси и тихое, безмятежное пристанище на Небесех обрел еси. Действием же промысла Божия во дни торжествуемаго тысящелетия Крещения Руси прославлен и к лику Святых причислен был еси. Ныне ублажающе память твою святую, поем вси: Аллилуиа.

Поюще твое всероссийское прославление и обретение честных мощей твоих, возносим ти, яко благоухание кадильное, смиренныя наша молитвы: не забуди чад твоих, почитающих имя твое святое и взывающих к тебе в благодарении: Радуйся, Амвросие, Божественнаго безсмертия тезоименитый; радуйся, Церкве православныя честная похвало. Радуйся, лика Святых угодников причастниче; радуйся, сонма преподобных Отцев сотаинниче. Радуйся, пред престолом Бога Всевышняго наш твердый предстателю; радуйся, пред судом Божиим наш теплый ходатаю. Радуйся, нас, странствующих в юдоли плачевней, путеводителю; радуйся, о всей земли Российстей неусыпный молитвенниче. Радуйся, преподобне Амвросие, богомудрый учителю веры и благочестия.

О дивный угодниче Христов и Чудотворче, преподобне старче наш Амвросие, приими ныне малое моление недостойных чад твоих, не остави нас в скорбех и болезнех, прииди и простри руку помощи, настави нас на путь покаяния и спасения, во еже избавитися муки вечныя, да тобою присно славим Бога вопиюще: Аллилуиа.

(Этот кондак читается трижды, а затем икос 1 и кондак 1)

Господь всегда с Вами!

Смотрите видео акафист Амвросию Оптинскому:

Поучения преподобного Илариона Оптинского

Память 1 октября

Много учил преп. Иларион о незлобивом и безгневном перенесении оскорблений, учил принимать их с самоукорением, как посланные Промыслом Божиим за грехи наши для душевной пользы.

Не стыдись обнажать струпы твои духовному наставнику и будь готов принять от него за грехи свои и посрамление, чтобы чрез него избежать вечного стыда.

Церковь есть для нас земное небо, где Сам Бог невидимо присутствует и назирает предстоящих, поэтому в церкви должно стоять чинно, с великим благоговением. Будем любить Церковь и будем к ней усердны; она нам отрада и утешение в скорбях и радостях.

В ободрение скорбящих старец часто говаривал: Аще Господь по нас, кто на ны? (Рим. 8:31).

Каждое дело необходимо начинать с призыванием в помощь имени Божия.

Часто говорил старец о хранении совести, о внимательном наблюдении за своими мыслями, действиями и словами, и о покаянии в них.

Учил немощи и недостатки подчиненных нести благодушно. “Замечания делай, – наставлял старец, – не давая пищи собственному самолюбию, соображая, мог ли бы ты сам понести то, что требуешь от другого”.

Если чувствуешь, что гнев объял тебя, сохраняй молчание и до тех пор не говори ничего, пока непрестанной молитвой и самоукорением не утишится твое сердце.

Полезнее для души сознавать себя во всем виноватым и последним из всех, нежели прибегать к самооправданию, которое происходит от гордости, а гордым Бог противится, смиренным же дает благодать.

Часто старец приводил изречение апостола: “Истинная любовь не раздражается, не мыслит зла, николиже отпадает”.

Если чувствуешь, что гнев объял тебя, сохраняй молчание и до тех пор не говори ничего, пока непрестанною молитвою и самоукорением не утишится твое сердце.

Мы не должны приписывать молитве своей чудодейственную силу, не должны думать, что просимое нами всегда Господом исполнится. Это мнение исходит от гордости и ведет в прелесть.

Монашеское дело наше: смириться, да поклониться, да попросить прощение – тем и оправдан.

При разговоре с другими осторожность в словах не мешает иметь, и молитву Иисусову на уме держать в то же время можно.

Должно стараться о всех людях иметь хорошее мнение. Один Бог – Сердцеведец, мы же о людях безошибочно судить не можем.

В случае какого-либо поползновения в делах, словах и мыслях нужно тотчас раскаиваться и, познавая свою немощь, смиряться и понуждать себя видеть свои грехи, а не исправления: от рассматривания грехов приходит человек в смирение и сердце сокрушенно и смиренно стяжавает, которого Бог не уничижит.

В помыслах самохваления надо смотреть свои грехи и помнить, что без помощи Божией мы ничего доброго и полезного не сделаем, наши одни только немощи и грехи.

Похвалам о себе не внимай и бойся их, помни – кто-то из святых отцов говорит: если кто хвалит тебя, жди от него и укоризну.

Ежели вы свое собственное сердце умиротворите к гневающемуся на вас, то и его сердцу Господь возвестит примириться с вами.

Желая жить или умереть там-то, а не там-то, мы составляем свою волю, желаем исполнять свои желания, чего мы делать не должны. Ни о чем таком не молите Господа, а молитесь, да будет над нами Его святая воля.

Потерпим немного, и получим вечное блаженство. Предадим забвению все утехи и радости земные – они не для нас. Сказано: где сокровище наше, тут будет и сердце наше (срв. Лк. 12:34), а сокровище наше на небеси, поэтому будем стремиться всем сердцем к Небесному Отечеству. Там все скорбное наше превратится в радость, поношение и уничижение – в славу, печали, слезы и воздыхания – в утешение, болезни и труды – в вечный безболезненный покой.

Когда пришла к нам скорбь, нужно ждать утешения, а за утешением нужно ждать опять скорби.

Нельзя прожить так, чтобы никто нас не опечалил или не оскорбил, а Апостол говорит: яко многими скорбьми подобает нам внити в Царствие Божие (Деян. 14:22), и тяготы друг друга носите, и тако исполните закон Христов (Гал. 6:2). Будем поэтому просить, чтобы нам с самоукорением и смирением нести скорби, не быть побежденными от зла, но благим побеждать злое и с Пророком сказать: с ненавидящими мира бех мирен (Пс. 119:6).

В случае какого-либо поползновения в делах, словах и мыслях необходимо тотчас раскаиваться и, познавая свою немощь, смиряться и понуждать себя видеть свои грехи, а не исправления; от рассматривания грехов приходит человек в смирение и сердце сокрушенно и смиренно стяжавает, которого Бог не уничижит.

– Читая писания святых отец, мы видим, что желающему очистить сердце от страстей нужно призывать Господа на помощь.
– Это так, но мы не можем творить молитву Иисусову без расхищения мыслей. С новоначальных не взыскивает Бог нерасхищаемой молитвы, она приобретается многим временем и трудами; как писание святых отец говорит: “Бог дает молитву молящемуся”, а молиться все-таки продолжать надо, устами и умом.

Акафист преподобному Илариону, затворнику Троекуровскому

Кондак 1

Избранный угодниче Христов Иларионе, / достославне затворниче, старче и чудотворче, / величающе прославльшаго тя Господа, / умиленное сие пение тебе приносим, / свобождения от бед и напастей о тебе испрошающи, / верою и любовию восхваляем тя, зовуще: Радуйся, преподобне Иларионе, Троекуровский чудотворче.

Икос 1

Ангелом уподобился еси, преподобне, плотию еще на земли пожив; духом бо выну горе воспаряя, безстрастия безплотных достигл и дарами Святаго Духа преисполнился еси. Житию же твоему богоугодному подражати хотяще, во умилении вопием ти:

Радуйся, в житии точию Бога взыскавый;

Радуйся, невозвратно Христу последовавый.

Радуйся, Святаго Духа сосуде избранный;

Радуйся, Святыя Троицы слуго неукорный.

Радуйся, святильниче веры и благочестия;

Радуйся, образе кротости и воздержания.

Радуйся, безстрастия высото;

Радуйся, смиренномудрия глубино.

Радуйся, ангеле земный и человече небесный;

Радуйся, к Богородице наш теплый ходатаю.

Радуйся, Царя Славы рабе благий и верный;

Радуйся, вшедший в радость Господа твоего.

Радуйся, преподобне Иларионе, Троекуровский чудотворче.

Кондак 2

Видящи в тебе будущаго славы Божия ревнителя, еще отроком изведе тя Господь из дому отчаго к престарелому сроднику твоему, у негоже в послушании духом возрастая, велие усердие к посту, молитве и храму Божию показа, чистыми детскими усты славя Богу: Аллилуия.

Икос 2

Разумом в горнем пребывая, святый отче, повинующися родителема в супружество вступи, обаче в нем, Алексию Человеку Божию подражая, девство безпорочное и чистоту душевную явил еси, имаже удивляющеся воспеваем ти похвальная:

Радуйся, Бога единаго возлюбивый;

Радуйся, все упование Нань возложивый.

Радуйся, от утра жизни Ему поработавший;

Радуйся, измлада себе для страстей распявший.

Радуйся, чистоты усердный хранителю;

Радуйся, девственниче душею и телом.

Радуйся, вся красная мира презревый;

Радуйся, похоть плоти и очес умертвивый.

Радуйся, яко и жену к девственной жизни склонял еси;

Радуйся, яко в том не успев, дом твой оставил еси.

Радуйся, житию в чистоте поспешниче;

Радуйся, в плотских бранех споборниче.

Радуйся, преподобне Иларионе, Троекуровский чудотворче.

Кондак 3

Силою свыше оболкийся, крепость яви противу искушений от мира, плоти и диавола, сильне на тя воюющих, поколебати же не могущих. Всего же себе в руце Божии вверяя, во граде Киеве от угодников Печерских в монастырь ити благословение приял еси, желая тамо до конца сея временныя жизни пети Богу: Аллилуия.

Икос 3

Имущи богатство терпения, горнило искушений прошел еси, преподобне: убо чрез жену твою и братию монашескую, твоему высокому жительству завидящих и ложно тя оклеветавших, попусти Всеблагий Господь изгнание тебе из обители, егоже с незлобою претерпев, слышиши похвалы сия: Радуйся, терпением Ангелов удививый;

Радуйся, блаженство кротцых стяжавый.

Радуйся, яко лжу и изгнания подъял еси;

Радуйся, яко мзда твоя многа на Небесех.

Радуйся, клевету и глумления простивый;

Радуйся, молящийся за гонителей твоих.

Радуйся, в изгнании не имый, где главы подклонити;

Радуйся, в скитаниих укрепляемый Духом Святым.

Радуйся, непрестанней молитве время посвятивый;

Радуйся, в хладных пещерах райскую сладость вкусивый.

Радуйся, многими скорбьми в Царствие Божие шедший;

Радуйся, в терпении научаяй стяжати души наша.

Радуйся, преподобне Иларионе, Троекуровский чудотворче.

Кондак 4

Бурю новых гонений воздвиже на тя злобный ратник, древний завистник, и паки со всяким смирением ты убо, Иларионе блаженне, с места на место преселялся еси, удаляющися от гонителей и паки водворяяся в пустыни, Богу же непрестанную хвалу воздая, поющи: Аллилуия.

Икос 4

Слышаще святое житие твое, достославне Иларионе, и видяще, яко о мнозих дивных подвизех поревновал еси, искушения за сие претерпевая жестокая, удивляхуся людие тебе, славяще Бога, дивнаго во святых Своих. Такожде и мы любовию восхваляем тя, отче, и вопием ти сице:

Радуйся, в искушениих непоколебиме столпе;

Радуйся, в бедствиих великодушия хранителю.

Радуйся, тверду веру в Промысл Божий питающий;

Радуйся, благодеющу руку Божию во всем зрящий.

Радуйся, в посте и бдении подвижниче неослабный;

Радуйся, в трудех и подвизех течение совершивый.

Радуйся, пустынножительство возлюбивый;

Радуйся, во плоти аки безплотен явльшийся.

Радуйся, воине Христов непобедимый;

Радуйся, сокрушителю козней демонских.

Радуйся, паче снега скорьбми убеливыйся;

Радуйся, яснее злата искушена сияющий.

Радуйся, преподобне Иларионе, Троекуровский чудотворче.

Кондак 5

Божественная дарования многоразлична улучив, смирение глубокое наипаче возлюби, блаженне отче; памятуя же немощь человеческаго естества и Петрово отречение поминая, алектора в пещере твоей держа, по крику его на нощную молитву вставаше, радостне взывати Богу: Аллилуия.

Икос 5

Видев преподобный житие сие яко сень мимоходящее и якоже соние востающаго исчезающее, точию о жизни будущаго века прилежа. Темже с радостию и благодарением неисчетныя скорби и болезни понесе, мысленне страсти Христовы созерцая. Мы же, безстрастию его дивящеся, хвалебное пение приносим:

Радуйся, Христа распятого выну пред собою предзревый;

Радуйся, сораспявыйся Ему со страстьми и похотьми.

Радуйся, яко взем крест, Христа последовал еси;

Радуйся, яко на высоту добродетелей возшел еси.

Радуйся, о всем Творца благодаривый;

Радуйся, многими венцы преукрашенный.

Радуйся, болезней ярем с радостию понесший;

Радуйся, духовную силу в немощех явивый.

Радуйся, смирением душу одеявый;

Радуйся, препоясавшийся долготерпением.

Радуйся, орле, в молитве небопарний;

Радуйся, голубе, мир душевный стяжавый.

Радуйся, преподобне Иларионе, Троекуровский чудотворче.

Кондак 6

Проповедник воистину благочестия явился еси, угодниче Христов, яко на всяк день Божественную Литургию посеща, духовныя силы частым приобщением Святых Христовых Таин укрепляя, по причащении же светился еси, славяще распеншагося за ны Христа: Аллилуия.

Икос 6

Возсия в тебе дивный чудотворец, егда затворнице Мелании Елецкой, тя видети хотящей, яве на Пасху явился еси, в тоежде время у супруг боголюбивых быти не престая, яковому чуду о тебе бывшему дивящеся, тии вси воспеша тебе таковая:

Радуйся, доме, на камени основанный;

Радуйся, храмино, украшенная добродетельми.

Радуйся, столпе благочестия непоколебимый;

Радуйся, источниче чудес неистощаемый.

Радуйся, церковного богослужения любителю;

Радуйся, благолепия храмов рачителю.

Радуйся, яко видения Богоматери сподобился еси;

Радуйся, яко елеем от Ея иконы изцелял еси.

Радуйся, на сусе месте студенец изведый;

Радуйся, целительну в том воду явивый.

Радуйся, заповедей Господних блюстителю верный;

Радуйся, достойный сосуде Божия благодати.

Радуйся, преподобне Иларионе, Троекуровский чудотворче.

Кондак 7

Хотяй безмолвие молитвенное улучити, не имяше покоя и на малое время от множества людей, к тебе приходящих, преподобне, яко и на древе для умного делания принужден бе скрыватися, идеже дние и нощи в молитве и посте пребываше, аки райская птица поя Богу: Аллилуия.

Икос 7

Новаго видевше тя избранника Божия, благодатныя дары изобильно стяжавшаго во еже души и телеса изцеляти, дуси нечистии изгоняти и коемуждо благая ко спасению подавати, издалече притекаху к тебе людие и взываху ти благодарне таковая:

Радуйся, врачу скоромилостивый;

Радуйся, сострадателю в скорбех.

Радуйся, изцеление в болезнех;

Радуйся, утешение в печалех.

Радуйся, советниче прозорливый;

Радуйся, ходатаю наш ко спасению.

Радуйся, воли Божия возвещение;

Радуйся, помощи Божия источниче.

Радуйся, желаемых благих насадителю:

Радуйся, злобных духов прогонителю.

Радуйся, яко ослабевшия духом укрепляеши;

Радуйся, яко веру оскудевающую восполняеши.

Радуйся, преподобне Иларионе, Троекуровский чудотворче.

Кондак 8

Странник и пришлец быв на земли, преподобне, тесным и тернистым путем в Небесное Отечество шествова и другим сей путь освеща отеческим наставлением и руководством спасительным, всем к тебе прибегающим, научая их Бога славити всем сердцем: Аллилуия.

Икос 8

Весь в горнем умом пребыва, преподобне, и нас, суетою омраченных, не оставляше любовию своею. Извещение же от Господа получивше, вселился еси в Троекурово, идеже до конца своих дней бе служа Богу и ближним. Сего ради приими от нас благохваления сия:

Радуйся, затворниче, благодатию осиянный;

Радуйся, мудре старче, верныя окормляяй.

Радуйся, немощей милосердый целителю;

Радуйся, сущим в бедах помощниче.

Радуйся, вдовиц и сирых питателю;

Радуйся, скудным земледельцем вспоможение.

Радуйся, яко дожди молитвою низводил еси;

Радуйся, яко богатии урожаи тем даровал еси.

Радуйся, скорбных ободрение, странных питателю;

Радуйся, в темницах сущих посетителю.

Радуйся, гражданине Горняго Иерусалима;

Радуйся, благословенный Отца Небеснаго.

Радуйся, преподобне Иларионе, Троекуровский чудотворче.

Кондак 9

Всех вопрошающих тя любовию назидал еси, добрый путь ко спасению указющи, темже и преподобного Амвросия, еще безвестна мирянина суща, в Оптину пустынь направил еси, пророчески великаго в нем старца провидя, благословяща Бога: Аллилуия.

Икос 9

Ветии красноречивыя видим посрамленныя о благодати словес твоих, богомудре Иларионе, яко коемуждо из притекающих за советом к тебе полезная ко спасению подавал еси, волю Божию о человеке возвещая. Разсуждение же твое богомудрое похваляя, тако вопием ти:

Радуйся, право стоящим утверждение;

Радуйся, заблуждшим кроткое исправление.

Радуйся, словесы благодати верных питаяй;

Радуйся, дальняя яко ближняя созерцаяй.

Радуйся, грядущая яко настоящая провидевый;

Радуйся, тайных дел обличителю прозорливый.

Радуйся, страждущим утешение;

Радуйся, в испытаниих вспоможение.

Радуйся, яко затворника от искушения охранил еси;

Радуйся, яко паучину, сети вражия разорил еси.

Радуйся, луче вечнаго Солнца правды;

Радуйся, свеще, святою любовию горящая.

Радуйся, преподобне Иларионе, Троекуровский чудотворче.

Кондак 10

Спасительное в тебе прибежище обретоша собравшиися окрест тебе сестры боголюбивыя, в монашестве подвизатися хотящия, имже ты, преподобне Иларионе, предрекл еси на месте сем святей обители быти, выну боголюбицам отеческую любовь и заботу являше, подвизая всех пети Богу: Аллилуия.

Икос 10

Стена ограждения явился еси агницам избраннаго стада Христова не точию при жизни, но и по блаженней кончине твоей, яко и воздвигнутое на них от властей гонение небесным твоим предстательством угасил еси, и община вскоре утвердися. Выну помощь и заступление твое приемлющи, сице тя славяху духовная чада твоя:

Радуйся, Агнца Божия дивный избранниче;

Радуйся, Пастыреначальника верный помощниче.

Радуйся, словесных овец окормление;

Радуйся, мысленных волков отгнание.

Радуйся, в страсе Божием жити научающий;

Радуйся, малодушныя и немощныя укрепляющий.

Радуйся, многопопечительность искореняяй;

Радуйся, прилоги к тщеславию посецаяй.

Радуйся, чистых душ Христу невестителю;

Радуйся, добрый пестуне на пути ко спасению.

Радуйся, сопричастниче мудрым девам;

Радуйся, светильниче, елеем изобилуяй.

Радуйся, преподобне Иларионе, Троекуровский чудотворче.

Кондак 11

Пение непрестанное Господу Иисусу вознося, достигл еси жития твоего скончания, преподобне; духом бодр бяше, плотию же паче и паче изнемога, яко не возмощи тебе в храм Божий ходити, ни приходящих к тебе приимати, чрез келейника сим отвещавая, да не без утешения отыдут. Знамение же видимое приближения кончины твоея от Бога улучив, воспе Ему: Аллилуия.

Икос 11

Светоподательный светильник быв в житии, и по преставлении твоем не оставляеши нас, преподобне: обитель устрояя, просящим помогая, неверующих в святость твою в сониих кротко вразумляя. Безбожну же лихолетию скончавшуся, и обитель твоя возродися, и яви нам Господь мощи твоя благоуханныя, к нимже вернии притекающе, с любовию взывают ти сице:

Радуйся, светлыми ризами украшенный;

Радуйся, в Царский чертог вошедший.

Радуйся, славы присносущныя причастниче;

Радуйся, света неизреченнаго зрителю.

Радуйся, яко душею в Небесныя обители вселился еси;

Радуйся, яко мощи многоцелебныя нам оставил еси.

Радуйся, упование наше непостыдное;

Радуйся, надежды нашея утверждение.

Радуйся, яко мнозим и по смерти являлся еси;

Радуйся, яко изображение твое пожар угасило есть.

Радуйся, крине пустыннаго прозябения;

Радуйся, класе стократ плод принесший.

Радуйся, преподобне Иларионе, Троекуровский чудотворче.

Кондак 12

Благодатнаго тя пред Богом предстателя сведуще, прилежно молим ти ся, отче святый: не престай молящи Христа Бога, да свободит державу нашу от нашествия духовнаго иноплеменников, от тлетворных иноземных обычаев, от безбожия и нищеты, да спасение тем улучивше, поем тобою благодеющему нам Богу: Аллилуия.

Икос 12

Поющи с радостию и любовию твое прославление, преподобне Иларионе, восхваляем тя, яко многомощнаго молитвенника о нас пред Богом, скораго помощника всем с верою у тебе просящим, ограждение же необоримое от всяких бед и напастей, и верно взываем ти:

Радуйся, Престола Всевышняго предстоятелю;

Радуйся, о мире всего мира молитвенниче.

Радуйся, врагов Отечества одоление;

Радуйся, войску русскому вспоможение.

Радуйся, тяжце недугующих изцелителю;

Радуйся, одержимых бесы врачевателю.

Радуйся, имже житейския нужды разрешаются;

Радуйся, имже благодатная помощь подается.

Радуйся, всяко благополезно прошение исполняющий;

Радуйся, яко всем чтущим тя поспешествуеши.

Радуйся, Царствия Божия достойный сонаследниче;

Радуйся, яко подвизатися того ради и нас научаеши.

Радуйся, преподобне Иларионе, Троекуровский чудотворче.

Кондак 13

О, пречудный угодниче Божий, преподобне отче Иларионе! Приими моление сие малое, от усердия тебе приносимое, и умоли Господа Славы, да не осудит нас Праведный Судия во огнь геенский, но Своего Царствия вечнаго да сподобит, в жизни грядущей пети Ему: Аллилуия, Аллилуия, Аллилуия.

(Этот кондак читается трижды, затем икос 1 и кондак 1)

Молитвы преподобному Илариону, затворнику Троекуровскому

Молитва первая

О священная главо, преблаженне отче Иларионе! Не забуди убогих твоих до конца, но поминай нас всегда во святых твоих и благоприятных молитвах к Богу. Помяни стадо твое, еже сам упасл еси, и не забуди посещати чад твоих. Моли, отче священный, за ны, дети твоя духовныя, яко имеяй дерзновение к Небесному Царю: не премолчи за ны ко Господу, и не презри нас, верою и любовию чтущих тя. Поминай нас недостойных у Престола Вседержителя, и не престай моляся о нас ко Христу Богу: яко дана тебе благодать молитися за ны. Не мним бо тя мертва суща: аще бо телом и преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих и всякия прелести бесовския, и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со Ангельскими воинствы, со безплотными лики, достойно веселится. Ведущи убо тя и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да явимся со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем, и с Пресвятым, и Благим, и Животворящим Его Духом, ныне и присно, и во веки веков. Аминь.

Молитва вторая

О, предивный угодниче Божий, преподобне и Богоносне отче наш Иларионе, Троекуровский затворниче и чудотворче, земли Липецкия славо и похвало! Чрез все житие твое неуклонно Богу последовав, любве ради к Нему мнози подвизи, скорби и болезни понесл еси и еще на земли храм честен Святаго Духа чистотою души твоея соделался еси. Темже дар рассуждения и совета, дар прозорливости, дар изцеления и чудотворения еще в земной твоей жизни в изобилии от Господа приял еси. Ведуще велие твое пред Богом дерзновение, с верою и любовию к тебе притекаем и усердно молим тя: испроси у Господа Вседержителя миру умирение, жития христианскаго на Руси утверждение, от глада и пагубы избавление, душам же нашим спасение. Умоли Всещедраго Владыку, да угасит пламень страстей наших и низпослет росу благодати Своея на иссохшия сердца наша, да и мы молитвами твоими плод духовный принесем и сподобимся странствие земное непостыдно скончати и в Отечестве Небеснем часть со святыми улучити, да славим и поем Всесвятое имя Отца, и Сына, и Святаго Духа, во веки веков. Аминь.

Тропарь, глас 5:

Нищету Христову возлюбивши, / дом и сродники твоя оставил еси, преподобне отче наш Иларионе, / тем же приял еси мзду трудов твоих на небесех, / идеже ликуя со ангелы, / моли спастися душам нашим.

Кондак, глас 8:

Днесь светло ликует обитель Троекуровская, яко множество скорбящих обретает утешение, на твоя молитвы надеющееся, преподобне Иларионе всеблаженне, ты бо еси земли Липецкой похвало и утверждение.

Величание

Ублажаем тя, преподобне отче наш Иларионе, и чтим святую память твою, наставниче монахов и собеседниче Ангелов.

Ссылка на основную публикацию