Акафист Богородице пред ее иконою «Экономисса»: текст, для чего читают
Празднование:
18 июля (н. ст.)
Тропарь, глас 4
Предстательство страшное и непостыдное, не презри, Благая, молитв наших, Всепетая Богородице, Милостивая верных Домостроительнице, утверди православных жительство, спаси страну нашу и всех православно живущих в ней защити, зане родила еси Бога, Едина Благословенная.
Кондак, глас 8
Взбранной Воеводе победительная, яко избавльшеся от злых, благодарственная восписуем Ти раби Твои, Богородице; но яко имущая державу непобедимую, от всяких нас бед свободи, да зовем Ти: радуйся, Невесто Неневестная.
Кондак 1
Избранней от всех родов Пресвятей Деве Богородице, Спасителя и Бога нашего Иисуса Христа плотию рождшей, яко Владычице Небесе и земли, похвальное приносим пение. Ты же, любвеобильная наша Мати, сохраняй и спасай нас от всех врагов видимых и невидимых, да со умилением зовем Ти: Радуйся, Благая Домостроительнице, житие наше добре устрояющая.
Икос 1
Ангелов лицы и вся Небесныя Силы Тебе, Царице Небесная, благоговейно служат и немолчными гласы Тя ублажают; мы же, земнороднии, Тебе, яко Всемилостивую Владычицу и Всеблагую Матерь нашу почитаем и с любовию вопием:
Радуйся, от всех родов Богом избранная.
Радуйся, девственною чистотою, яко диадимою, увенчанная.
Радуйся, благоволением Отца Небеснаго осененная.
Радуйся, Духа Святаго обитель священная.
Радуйся, Христа Бога нашего Мати Неискусобрачная.
Радуйся, от корене Давидова отрасле многоплодная.
Радуйся, скорая человеком Помощнице.
Радуйся, спасающимся в Царствие Божие Руководительнице.
Радуйся, Благая Домостроительнице, житие наше добре устрояющая.
Кондак 2
Видяще Тя на иконе Твоей с Богомладенцем Христом на престоле возседающую, пред нимже преподобнии Афанасий Афонский и Михаил Синадский с благоговением Сыну Твоему Божественному и Тебе, Пречистей Его Матери, покланяются, величаем Тя, яко Благую Попечительницу и Покровительницу иноков Святыя Горы Афонския, под Твоим пречестным омофором пребывающих и непрестанно Спасителю Богу о Тебе поющих: Аллилуиа.
Икос 2
Разум человеческий постигнути не может великаго Твоего милосердия к людем, ихже Сын Твой и Бог на Кресте Кровию Своею честною от грехов искупи, ниже исчислити множество благодеяний и чудотворений, Тобою нам низпосылаемых, но, покланяяся святей Твоей иконе, Пресвятая Дево, и со умилением ю лобызающе, из глубины сердца взываем Ти:
Радуйся, любве всесветлое жилище.
Радуйся, милостей Господних сокровище.
Радуйся, цвете Божественнаго прозябения.
Радуйся, радосте всемирнаго заступления.
Радуйся, Ангелов и святых ликование.
Радуйся, иноков и инокинь украшение.
Радуйся, с верою Тебе молящихся скорая Услышательнице.
Радуйся, душ и сердец наших надежная Успокоительнице.
Радуйся, Благая Домостроительнице, житие наше добре устрояющая.
Кондак 3
Силу Божественныя благодати милостивно даруеши, Преблагословенная Мати, всем во святем уделе Твоем — Горе Афонстей подвизающимся и иноческим житием Сыну Твоему и Спасителю нашему Иисусу Христу благоугождающим и вопиющим Ему непрестанно: Аллилуиа.
Икос 3
Имеют Тя воистину Благую Домостроительницу иноков чини, во святей Лавре преподобнаго Афанасия подвизающиися, имже Ты в залог благоволения Своего милостиво даровала еси чудотворную икону Твою, «Экономисса» именуемую; сего ради вопием Ти:
Радуйся, Святыя Горы Афонския неусыпная Хранительнице.
Радуйся, иноков афонских Благая Попечительнице.
Радуйся, Христовых подвижников Небесная славо.
Радуйся, пустынножителей Божественная отрадо.
Радуйся, духовнаго сада в жребии Твоем Насадительнице.
Радуйся, благочестиво живущих в райския обители Руководительнице.
Радуйся, монашествующих Верховная Игумение.
Радуйся, святых обителей окормление и радование.
Радуйся, Благая Домостроительнице, житие наше добре устрояющая.
Кондак 4
Бурю недоумений в себе превозмогая, преподобный Афанасий, оставивый обитель свою, и сретив Тя на пути, вопрошаше Тя, Пресвятая Дево: «Кто Ты еси? И како семо вошла еси? И почто Тебе ведати, камо гряду?» На егоже словеса, яко чрез глад оставил есть место святое сие, отвещавала еси ему, Мати Божия: «Аз помогу ти, обаче не оставляй Лавры своея, прославитися бо имать посреде обителей афонских, в нейже иноцы выну воспевати будут ангельскую песнь Богу: Аллилуиа».
Икос 4
Слышав от Тебе, Преблагая Владычице, яко Ты еси Матерь Господа Иисуса Христа, зело удивися преблаженный старец и, знамения от Тебе испросивши во уверение истинности обетования Твоего, со умилением сердечным возопи Ти сице:
Радуйся, в женах Преблагословенная.
Радуйся, Мати Господня и наша Всеславная.
Радуйся, Божественная радосте Ангелов и человеков.
Радуйся, прибежище кающихся грешников.
Радуйся, славити Бога нас научающая.
Радуйся, лествице, от земли на Небо приводящая.
Радуйся, иноков усердная Хранительнице.
Радуйся, милостивая наша Ходатаице и Заступнице.
Радуйся, Благая Домостроительнице, житие наше добре устрояющая.
Кондак 5
Боготечною звездою являешися, Царице Небесная, всем ищущим спасения и под кров Твой всемощный прибегающим, к Солнцу Правды сих приводиши, да во умилении сердечнем вопиют Богу: Аллилуиа.
Икос 5
Видяще преподобный Афанасий, яко по глаголу Матери Божия, от ударения посоха его вода из камене истече, со благоговением к ногам Ея пречистым припасти восхоте, обаче Дева Пресвятая в тойже час невидима бысть. Мы же пред велиим чудом сим благоговения исполняяся, воспеваем Преблагословенней тако:
Радуйся, душ наших верное спасение.
Радуйся, всех скорбящих утешение.
Радуйся, Святыя Горы Афонския Просветительнице.
Радуйся, всея вселенныя Попечительнице.
Радуйся, надежное прибежище всем кающимся.
Радуйся, тихое пристанище от бед страждущих.
Радуйся, всех притекающих к иконе Твоей покровом Твоим осеняющая.
Радуйся, гласу моления всех скорбящих внимающая.
Радуйся, Благая Домостроительнице, житие наше добре устрояющая.
Кондак 6
Проповедником чудес Твоих, Преблагая Владычице, явися преподобный Афанасий, егда по возвращении во святую обитель свою со изумлением велиим обрете кладовыя ея всем потребным преисполненныя. Сего ради, прославляя попечение Твое о всех на Тя уповающих, Мати Божия, со умилением вопием Богу: Аллилуиа.
Икос 6
Возсия неизреченный свет Твоея благости, Преблагословенная Дево, всем скорбящим, плачущим и во искушении сущим: слышащи бо наша слезныя молитвы, подаеши всем чудесное от бед избавление, восхваляющим Тя за милости Твоя тако:
Радуйся, Спасителя мира рождшая.
Радуйся, мир от потопа греховнаго спасшая.
Радуйся, знамение милости Божия Собою нам являющая.
Радуйся, явлением чудес от святыя иконы Твоея всех увеселяющая.
Радуйся, скорби и слезы наша в радость претворяющая.
Радуйся, страждущих и безпомощных невидимо укрепляющая.
Радуйся, всех праведных любящая.
Радуйся, кающихся грешников милующая.
Радуйся, Благая Домостроительнице, житие наше добре устрояющая.
Кондак 7
Хотя Всемилостивый Господь явити Свою Божественную любовь к созданию Своему, дарова нам Твою, Богомати, икону, «Экономисса» именуемую, да видяще чудеса, от нея бываемая, вси людие с верою и надеждою умиленно взывают Подателю благ: Аллилуиа.
Икос 7
Новое свидетельство невидимаго присутствия Твоего показала еси нам, Небесная Царице, егда в Лавре святаго Афанасия послушание эконома упразднила еси, Сама Экономиссою обители сея быти восхотевши и все попечение о ней Себе усвоивши. Темже смиренно молим Тя, Пречистая: не остави помощию Твоею и нас, вопиющих Ти сице:
Радуйся, бисер Божественный произведшая.
Радуйся, чистотою Своею тварь превозшедшая.
Радуйся, двери райския нам отверзающая.
Радуйся, святостию Своею Небеса украшающая.
Радуйся, благовестие Небеснаго Отечества.
Радуйся, духовный крине православнаго монашества.
Радуйся, о роде человечестем усердная Молитвеннице.
Радуйся, во гресех погибающих нечаянная спасения радосте.
Радуйся, Благая Домостроительнице, житие наше добре устрояющая.
Кондак 8
Странники и пришельцы есмы на земли, обаче Ты, Владычице, облегчаеши многоскорбное житие наше, подающи помощь, утешение и радость духовную. Сего ради, покланяяся Тебе в чудотворных иконах Твоих, Богу, Тобою нам благодеющему, во умилении сердечнем вопием: Аллилуиа.
Икос 8
Всем во Святей Горе Афонстей жительствующим утешительно есть возносити моления своя на месте явления Пресвятыя Богородицы святому Афанасию и пред иконою, совершившееся зде чудо изображающей, воспевати Преблагословенней Деве хваления таковыя:
Радуйся, на Небеси благословляемая и на земли славимая.
Радуйся, всея твари честнейшая.
Радуйся, Божественный источниче сладчайшия сладости.
Радуйся, Дево Пречистая, преисполненная неизреченныя радости.
Радуйся, всего мира Божественное утешение.
Радуйся, рода человеческаго надеждо и упование.
Радуйся, от бед и напастей наша Охранительнице.
Радуйся, ко благочестию Всеблагая наша Наставнице.
Радуйся, Благая Домостроительнице, житие наше добре устрояющая.
Кондак 9
Все упование наше на Тя возлагаем, Мати Божия, вемы бо, яко милосердию Твоему несть конца: Ты бо и грешных милуеши, и погибающих взыскуеши, и печальных возвеселяеши, и недужных от одра болезненнаго возставляеши, и непрестанно о нас ходатайствуеши пред Сыном Твоим и Богом нашим, Емуже мы с любовию поем: Аллилуиа.
Икос 9
Ветии многовещаннии не могут исчести бездну щедрот Твоих, Всеблагая Мати, роду человеческому Тобою изливаемых. И мы, сладость утешения в нуждах и печалех наших познавше, с верою и любовию пред образом Твоим чудотворным моления возносим Ти сицевая:
Радуйся, всея вселенныя Державная Владычице.
Радуйся, спасения нашего присная Ходатаице.
Радуйся, Бога Отца Дщи возлюбленная.
Радуйся, Сына Божия Мати Пресвятая.
Радуйся, Бога Духа Святаго палато прекрасная.
Радуйся, Небеси и земли Царице Всепетая.
Радуйся, болящих Милосердная Целительнице.
Радуйся, вдов и сирот незримая Питательнице.
Радуйся, Благая Домостроительнице, житие наше добре устрояющая.
Кондак 10
Спасения залог от обдержащих нас скорбей и болезней даровася нам изображение честныя иконы Твоея, Богородительнице Дево, да вси, видяще являемую Тобою милость, вопиют со умилением Богу: Аллилуиа.
Икос 10
Стена еси ликом иноческим, Богородице Дево, и всем усердно к Тебе прибегающим, ибо Небесе и земли Творец дарова мирови Тя, Матерь Свою, да будеши всем земнородным в помощь и спасение. Сего ради, предстояще пред образом Твоим святым, благоговейно воспеваем Тя пении сими:
Радуйся, всю вселенную любовию покрывающая.
Радуйся, от пагубных сетей верныя спасающая.
Радуйся, Ангельских умов удивление.
Радуйся, человеческаго рода украшение.
Радуйся, спасения нашего главизно.
Радуйся, радосте наша и в сей, и в будущей жизни.
Радуйся, молитвам верных милостивно внемлющая.
Радуйся, любящим Тя любовию Твоею воздающая.
Радуйся, Благая Домостроительнице, житие наше добре устрояющая.
Кондак 11
Пение всеумиленное приносим Ти, Небесе и земли Царице, и благодаряще Сына Твоего и Бога нашего за вся Его благодеяния нам, недостойным, ходатайством Твоим подаваемыя, со благоговением вопием Ему: Аллилуиа.
Икос 11
Светоприимную свещу зрим Тя, Владычице наша Богородице,:образ бо Твой святый немерцающими лучами благодати Твоея мглу греховную прогоняет и на светлую стезю добродетелей наставляет с верою зовущих Ти сицевая:
Радуйся, Юже воспевают Небесная Воинства.
Радуйся, Юже превозносят сонмы святых.
Радуйся, радость велию всему роду человеческому даровавшая.
Радуйся, православным христианом путь спасения указующая.
Радуйся, радосте Божественнаго веселия.
Радуйся, мира всего покрове и спасение.
Радуйся, тихое пристанище странствующим.
Радуйся, блаженное покоище старости.
Радуйся, Благая Домостроительнице, житие наше добре устрояющая.
Кондак 12
Благодать Божественную подаждь нам, Пречистая Мати, да сею вспомоществуеми, по пути спасительному шествовати возможем и житием добродетельным Господу нашему угодити потщимся, Емуже непрестанно поем: Аллилуиа.
Икос 12
Поюще милости Твоя и величие Твое прославляя, Владычице наша Богородице, радуемся о Тебе, яко имамы таковую Всеблагую и Премилосердную Заступницу и Ходатаицу о нас пред Богом, и с любовию воспеваем Ти сице:
Радуйся, Купино Неопалимая.
Радуйся, Стено Нерушимая.
Радуйся, иноческих обителей покров и снабдение.
Радуйся, благочестивых домов и супружеств благословение.
Радуйся, скорбных утешающая.
Радуйся, недужных исцеляющая.
Радуйся, слабым и старым Помощнице.
Радуйся, алщущим и жаждущим Питательнице.
Радуйся, Благая Домостроительнице, житие наше добре устрояющая.
Кондак 13
О Всепетая Мати, Преславная Владычице Богородице! Приими сия моления наша, от всея души Тебе ныне нами возносимыя, и Сына Твоего и Бога нашего о нас умоли, Емуже покланяемся во Святей Троице и со умилением поем: Аллилуиа.
(Это кондак читается трижды, затем икос 1 и кондак 1)
Молитва
О Пречистая Дево Богородице, Премилостивая Владычице, вышшая Ангел и Архангел, Царице Небесе и земли, страны нашея православныя твердое ограждение, всякаго дома и семейства христианскаго Благоустроительнице, труждающихся во благочестии благословение, нуждающихся неистощимое богатство, сирых и вдовиц Кормительнице, девствующих чистото и славо, матерей тихое веселие, отроков мудросте и научение, наставников и детоводителей совершенный разуме. Веруем в державный Твой покров над православным отечеством нашим и над малейшим из нас, искупленным Божественною Кровию Сына Твоего. Веруем, яко в сей иконе Твоей, в благословение от Святыя Горы Афонския нам данней, Сама Ты низпосылаеши Твое матернее благословение градом и весем нашим и коемуждо дому, на Тя упование имущему. Темже со благоговейным трепетом и с благодарным сердцем преклоняемся пред сим новым знамением великия любве Твоея, Владычице, к нам, недостойным. Воспоминающе же Твое чудесное явление преподобному Афанасию Афонскому, некогда в нужде и скорби бывшему, и яко пребудеши присная Домостроительница его обители, от Тебе милостивное обещание приемшему, смиренно молимся Тебе: о Премилосердая Мати рода христианскаго, буди и нам, грешным и недостойным рабом Твоим, мудрая Домостроительница, житие наше добре устрояющая. Всякое сообщество, всякий дом и семейство во благочестии и Православии, единомыслии, послушании и довольстве соблюди, заблуждшия на путь правый настави, старость поддержи, младенцы воспитай, всех нас вразуми. Облегчи и возстави изнемогающия, сохрани люди Твоя от всякия нужды, болезни, глада, губительства, града, огня, от всякаго злаго обстояния и всякаго нестроения. Дому сему и всякой души христианстей и всей стране нашей исходатайствуй мир и велию милость ныне и присно и во веки веков. Аминь.
Икона Пресвятой Богородицы «Экономисса» (Домостроительница)
Икона Пресвятой Богородицы, именуемая «Экономисса» или «Домостроительница» находится на Афонской горе, в Лавре святого Афанасия.
В X веке великий Афонский подвижник старец Афанасий основал на Афоне Лавру. Однако вскоре из-за сильного голода всем инокам пришлось покинуть обитель в поисках другого пристанища. Остался один старец-игумен, но и сам он в скором времени вынужден был оставить Лавру.
С железным посохом отправился он в путь, но вдруг увидел идущую навстречу ему Жену под голубым воздушным покрывалом. Святой Афанасий удивился: откуда могла появиться здесь женщина, если вход им на Святую Гору строго воспрещен?
Однако Жена сама спросила его о том, куда он идет. В ответ святой Афанасий задал Ей вопросы: «Кто Ты и как сюда зашла? И зачем Тебе знать, куда я иду? Ты видишь, что я здешний инок».
Затем он рассказал все, что случилось с его Лаврой, на что Жена ответила: «Только это! И ради куска хлеба ты бросаешь свою обитель?! Вернись! Я помогу тебе, только не покидай своего уединения и не оставляй своей Лавры, которая прославится и займет первое место среди всех афонских обителей».
«Но кто же Ты?» – спросил изумленный Афанасий Незнакомку. «Я – Матерь Господа твоего. Я – Та, имени Которой ты посвящаешь свою обитель», – отвечала Жена.
Недоверчиво посмотрел святой Афанасий на Нее и ответил: «Боюсь поверить этому, бывает, что и враг принимает образ светлого Ангела. Чем Ты убедишь меня в истинности Твоих слов?».
«Видишь этот камень, – услышал старец, – ударь по нему своим посохом и тогда узнаешь, Кто с тобой говорит. Знай же, что с этого времени Я навсегда остаюсь Экономиссой (Домостроительницей) твоей Лавры».
Афанасий ударил посохом по камню, и из него хлынула вода. Пораженный этим чудом преподобный Афанасий обернулся, чтобы благоговейно припасть к ногам Пресвятой Богородицы, но Ее уже не было.
Тогда святой Афанасий возвратился в свою обитель и к великому изумлению нашел, что кладовые монастыря наполнены всем необходимым. Вскоре в обитель вернулись многие из братии.
По воле Царицы Небесной в Лавре святого Афанасия с той поры нет эконома, а только подэконом или помощник Экономиссы.
В память чудесного явления Богоматери святому Афанасию в Лавpe написана икона Пресвятой Богородицы «Домостроительницы».
На этой иконе Божия Матерь изображена сидящей на престоле с Богомладенцем на левой руке. С правой стороны престола в молитвенном положении изображен преподобный Михаил Синадский, а с левой – святой Афанасий, держащий в руках вид своей Лавры, символизируя этим особое попечение, покровительство и заботу, оказываемые обители Божией Матерью.
На месте явления Пресвятой Богородицы святому Афанасию была воздвигнута в честь Ее небольшая церковь во имя Живоносного Источника. В ней находится икона, изображающая совершившееся здесь чудо.
Источник же до сих пор обильно струится, утоляя жажду паломников и подавая исцеление верующим.
По благословению
митрополита Херсонского и Таврического Иоанна
Акафист и молитва иконе Божией матери «Экономисса» — «Домостроительница»
Многие в эти времена кризиса испытывают финансовые трудности, и хотя Писание говорит, что лучше быть бедным, нежели богатым, необходимо иметь финансы на пропитание, жилье и прочие необходимые вещи.
Молитва Богородице перед иконой «Экономисса» поможет нуждающимся получить благословение в финансовой сфере. Существуют неоднократные свидетельства, как этот святой лик помогал в самых трудных обстоятельствах, поэтому обращение к «Экономиссе» — это одно из лучших решений.
В каких случаях обращаться с молитвами
Гора Афон знаменита среди православных людей тем, что это место создания множества святых образов. Издревле монахи тут трудились и выписывали иконы под вдохновением Духа Святого. Оригинальный образ Богородицы «Домостроительницы» также был написан тут, но, в отличие от других икон, он всегда пребывал в этом святом месте и сейчас входит в число пяти постоянно действующих икон на святой горе.
Икона эта знаменита тем, что изображенная Божия Матерь способствует в разрешении финансовых трудностей и всячески устраивает финансовую сферу всех, кто к ней обратился.
Образ считается чудотворным, поскольку существует множество чудесных историй, связанных с молитвами к нему и ответами на них, и постоянно творит чудеса. Особенно удивляет статистика за кризисные 2008-2009 года, когда на Афон приезжало множество людей и все просили у Богоматери защиты и помощи в эти тяжелые времена.
К ней обращаются:
- бедные;
- состоятельные;
- обнищавшие;
- обманутые;
- утратившие все до последней копейки.
И каждому из обращающихся к ней Богоматерь отвечает. Многие считают, что Святая Дева благоволит только к бедным и нищем, но это не так.
Молитвы перед другими иконами:
Множество состоятельных людей также приезжают на Афон помолиться ей и попросить у нее помощи в финансовых делах. К ней обращаются с молитвами за:
- помощью в сохранении состояния;
- благоустроение семьи и улучшение жилищных условий;
- улучшение отношений в семье;
- продвижение на службе;
- получение ежедневного пропитания;
- получение достойной работы;
- благословением на ведение бизнеса;
- мудростью в вопросах ведения дел;
- расположением на расширение дела.
О Пречистая Владычице Богородице, Всечестнейшая наша Мати Игумение всех православных святых обителей иноческаго жития, во Святей Горе Афонстей и по всей вселенней сущих! Приими смиренная моления наша и принеси я ко всещедрому Богу нашему, да спасет души наша Своею благодатию. Воззри на ны милосердным Твоим оком и соверши Сама о Господе наше спасение, понеже без милости Спаса нашего и Твоего святаго о нас ходатайства не возможем окаяннии совершити своего спасения, яко окаляхом житие наше в суетах мирских, ибо время приближися жатвы Христовы и день Страшнаго Суда приспе. Мы же, окаяннии, погибаем в бездне греховней нерадения ради нашего, по реченному от святых отцев, первоначальников ангельскаго во плоти жития, яко последнии монаси нерадением жития своего уподобятся мирским человеком, еже и сбысться днесь, ибо последнее иночество наше плавает житием своим в мори житейском, посреде великия бури и непогоды, ибо наша святыя обители во прасе пребывают, грехов бо ради наших всеправедный Судия Господь наш Иисус Христос тако благоволи, мы же, недостойнии, не имамы, где главы подклонити.
О сладчайшая наша Мати Игумение! Собери ны, разсеянное стадо Христово, воедино и спаси православное монашество последняго века сего, и всех православных христиан сподоби райския жизни со ангелы и всеми святыми во Царствии Христа Бога нашего, Емуже честь и слава, со Безначальным Его Отцем и со Пресвятым, Благим и Животворящим Его Духом во веки веков. Аминь.
История святого образа
Святой лик был создан в 10 веке, после явления лика Богоматери старцу-основателю Афанасию. Обитель на то время пустовала, так как пришел страшный голод, и монахи были вынуждены покинуть свой дом. Афанасий единственный остался там и во сне увидел Богородицу, которая сказала, что с этого момента она — покровительница обители и будет всячески способствовать деятельности монахов.
Когда Афанасий засомневался, истину ли он видит или просто сон, то Дева сказала ему ударить посохом о камни на том месте. Когда старец выполнил ее просьбу, из земли стал бить чудодейственный источник. С тех пор у обители на Афоне была покровительница и источник, который исцелял людей своей водой.
Как только старец проснулся, он прошел по обители и увидел чудо — все пустые склады были заполнены пищей доверху. Монахи смогли вернуться в свою обитель и стали молиться с благодарением Пресвятой Богородице, которая избавила их от голодной смерти. С тех пор монастырь никогда более ни в чем не нуждался. А монахи написал образ Богородицы так, как она явилась Афанасию.
На иконе изображена Богоматерь с Сыном Божьем в левой руке, а перед ней склонились в поклоне Афанасий с горы Афона и Михаил Синадский.
Акафист Божией Матери «Экономисса»
В дни памяти святого образа, а это лишь единожды в год 18 июля, читаются перед ликом акафист и тропарь, а затем произносится молитва «Экономиссе». Совпадает дата празднования лика с днем почитания Афанасия Афонского, раз уж их история неразрывно связана вместе.
Важно! Образ не является волшебным и не может подарить богатство просящему. Молясь перед «Экономиссой» человек примеряет две сферы своей жизни — духовную и материальную, утверждается в вере и принимает Волю Божью выше своей.
Милость Господа проявляется в благословении людей через святой лик. Именно поэтому молящиеся иконе получают благословение в строительстве домов, покупки квартир, поиске хорошей работы. Но не стоит принимать это как данность, каждая отвеченная молитва — это Божья милость.
О других православных акафистах:
Стоит помнить, что христианин прежде всего ищет спасения у Бога и только потом материальных благословений. Ведь Господь в Евангелии заповедал искать Царство Небесное в первую очередь, спасение своей души, уверив последователей, что все остальное приложится.
Избранной от всех дщерей земли, Домостроительнице спасения рода человеческого, похвальная восписуем Ти, Владычице нашей Богородице. Ты же, родившая по плоти Христа Бога нашего, от всех нас бед свободи, от злых наветов и обстояний спаси и добре житие наше устрой ко спасению нашему, да велегласно зовем Ти:
Радуйся, Всемилостивая Владычице, наша Добрая Домостроительнице!
Ангелов и человеков Творец и Создатель, провидя благого сердца Твоего изволение, покорность воле Божией и милосердие неистощимое, благое промышление Свое о роде человеческом устрояя, избра Тебя, Всемилостивая Владычице, в Добрую Домостроительницу человеческого спасения и Устроительницу жития нашего. Сего ради вопием Ти:
Радуйся, от всех злых обстояний Свободительнице!
Радуйся, жития нашего Добрая Устроительнице!
Радуйся, во всяком нестроении видети волю Божию научающая!
Радуйся, все нестроения житейские во благо обращающая!
Радуйся, ко спасению нас направляющая!
Радуйся, во всем житие наше добре устрояющая!
Радуйся, Всемилостивая Владычице, наша Добрая Домостроительнице!
Видяще род человеческий погибающим, Всемилостивый Творец наш избра Тя в Домостроительницу спасения нашего, да воплотившися от Тебе, все грехи рода нашего понесет, от печалей спасет и от погибели нас избавит, да воспоем Ему, Подателю благ: Аллилуйя!
Разум неуразуменный вразумляя спасения и устроения ищущих, всех Творец и Создатель избра Тя в Дом, иже созда Себе Премудрость Божия ко спасению нашему, да все хотящии спасение, от всех скорбей и бед избавление и доброе души и жития своих устроение улучити, зовут Ти сице:
Радуйся, Доме, иже созда Себе премудрость Божия!
Радуйся, премудрых превосходящая разум!
Радуйся, верных умудряющая!
Радуйся, ко спасению и разумению воли Божий направляющая!
Радуйся, от погибели спасающая!
Радуйся, вся ко благу созидающая!
Радуйся, Всемилостивая Владычице, наша Добрая Домостроительнице!
Силою Вышнего осеняема, Богородительнице, послужила Воплощению Сына Божия, Иже понесе на себе все грехи и болезни рода человеческого, ко спасению всех вразумляя и направляя, да все спасение от Него улучившии воспевают: Аллилуйя!
Имуще воистину утробу Твою яко Благодатное Небо и Дом Премудрости Божия, иже созда Своею рукою Господь, не хотящий смерти рода человеческого, но всем Творящий спастися, подвигает всех верных вопити Ти тако:
Радуйся, от греховного жития отвращающая и ко спасению направляющая!
Радуйся, домостроение спасения нашего созидающая!
Радуйся, Доброе Пристанище всем ищущим спасения!
Радуйся, беззаконного жития исправление!
Радуйся, воли Божией доброе разумение и исполнение!
Радуйся, ко спасению жития устроение!
Радуйся, Всемилостивая Владычице, наша Добрая Домостроительнице!
Бурю внутрь имея помышлений сумнительных не хотящие жити по воле Божией разум имея, суетные люди, прельщенные страстями века сего, не желая приняти воли Божией, во всем благой и совершенной, все устрояющей ко спасению нашему, не ведят пети: Аллилуйя!
Ведуща все вернии и во всех обстояниях к Тебе прибегающии, яко все обращающиеся к Тебе от всех злых обстояний избавление и скорбей на радость преложение, новый смысл жития своего и доброе во всем устроение в Тебе обретают, реша вопиют Ти:
Радуйся, наша Добрая Вразумительнице!
Радуйся, от суетных помыслов века сего Избавительнице!
Радуйся, во всем нам Верная к Богу Споручнице!
Радуйся, всех добрых устроений Споспешнице!
Радуйся, всех благих начинаний Премудрая Устроительнице!
Радуйся, от пагубных наветов отвращающая и злые начинания разрушающая!
Радуйся, Всемилостивая Владычице, наша Добрая Домостроительнице!
Боготочный источник во всем благого устроения душ наших во всяком довольстве жития нашего зрим икону Твою, Богородице, иже учит покорности воли Божией, вся ко благу нашему устрояющей и ко спасению направляющей, подвигающей верных воспевати: Аллилуйя!
Видеша афонский старец игумен Афанасий лавры своея запустение и иноками ея из-за глада и крайней нужды оставление, одного его оставиша, восскорбеша зело и такоже оставити обитель свою реша. Положив на сердце сия, в путь потек и на пути встретил Жену. Устрашен сим видением быв, недоумевая, откуда Сия Жена на славней горе Афонской, идеже женам вход воспрещен? Познав же в Ней Матерь Господа своего, немощныя Врачующего и вся оскудевающая Восполняющего, потщился ей послужити славословиими сими:
Радуйся, горы Афонския святыя вечная Правительнице!
Радуйся, о всех живущих в ней к Богу Верная Ходатаице!
Радуйся, вся оскудевающия Восполняющая!
Радуйся, вся немощныя и сокрушенныя сердцем Созидающая!
Радуйся, во всех бедах Сострадательнице!
Радуйся, нуждающимся всех благ Подательнице!
Радуйся, Всемилостивая Владычице, наша Добрая Домостроительнице!
Проповедницы бывши милости Твоея, о Владычице, все насельницы лавры афонския, иже Тебя, Добрую Устроительницу и Владычицу обители своея имея, без Ея же благословения ничесо же творяше, о Тебе Богу поют: Аллилуйя!
Возсия на горе Афонской икона Твоя, яко светлое просвещение Истины, Богородице. Ты, Доброй Домостроительницей иноков лавры афонския быв, и всех иноков и в мире живущих и любовию Тебя почитающих не оставляеши своим заступлением, всем вся во благо житие их устрояя. Темже и преподобный Сергий, Всея Руси игумен, обретение честных мощей коего в день памяти иконы Твоея славныя быв, внезапное восполнение запасов обители, кою чаял нищеты ради оставити, по ходатайству Твоему получи, дивное заступление Твое к лавре его и всея Руси явно тем знаменуя и подвизая верных вопити Тебе тако:
Радуйся, всем добрым инокам поможение!
Радуйся, и о в мире живущих доброе Промышление!
Радуйся, Домостроительнице нашего спасения!
Радуйся, и земного жития всемилостивое устроение!
Радуйся, учащая во всем полагатися на волю Божию, иже вся во благо устрояющую!
Радуйся, все скудости и немощи наша милостью Божией восполняющая!
Радуйся, Всемилостивая Владычице, наша Добрая Домостроительнице!
Хотящ всем вся во благо устроити Всемилостивый Промыслитель Христос Бог наш Тебя в Домостроительницу и всех благ Ходатаицу нам дарова, да все улучившия чрез тебя милости зовут Ему: Аллилуйя!
Новую Тя Домостроительницу и всем вся во всем Благую всех Устроительницу всех Благий Зиждитель нам показа, да вси хотящии спасение обрести и добре житие свое устроити к Твоему ходатайству прибегают и по вере своей просимое обретают, вопиющи Ти таковая:
Радуйся, Мати всех Архитектона, с земным тектоном в нищете пожившая!
Радуйся, и нас всем страждущим сострадати научившая!
Радуйся, во всех злых обстояниях и нестроениях Сострадатильнице!
Радуйся, земных и небесных благ Подательнице!
Радуйся, во всем искати не земного, а небесного устроения научающая!
Радуйся, все злыя приключения житейские во благо обращающая!
Радуйся, Всемилостивая Владычице, наша Добрая Домостроительнице!
Странно есть неверующим видети, како вси православнии, полагающиися на волю Божию, ум на небеса преложше, не земного устроения взыскуют, ища прежде Царствия Небесного и правды Его, его же взыскующим вся ко благу бывает, идеже ни скорбь, ни теснота, ни жизнь, ни смерть, ни другая какая тварь не могут отлучити от любви Божия, вопиющим: Аллилуйя!
Вся бо в вышних ныне пребываеши, Царица Небесная, но и нас нижних не оставляеши Своим заступлением, о Владычице, вся бо наши прошения приемлеши, скорби облегчаеши, болезни исцеляеши, вся добрыя дела и житие наше добре устрояеши и вся богоугодныя желания наша во благо исполняеши, от всех спасенных и утешенных Тобою слышиши сия:
Радуйся, с небесе на нужды наша презирающая!
Радуйся, вся моления наша без ответа не оставляющая!
Радуйся, от беззаконных навыков и пагубных страстей всесильно отвращающая!
Радуйся, житие всех верных покаянием обновляющая!
Радуйся, по воле Божией жити научающая!
Радуйся, вся желания верных во благо исполняющая!
Радуйся, Всемилостивая Владычице, наша Добрая Домостроительнице!
Всякий православный христианин к помощи Твоея прибегает, Всемилостивая, зная, яко всем бо во всяком деле блазе Устроительницей Доброй бываеши, верной Споручницей Архитектону всех пребывая. Сего ради слышиши от всех: Аллилуйя!
Ветия суемудренныя самонадеянного века сего, не разумеющии милости Божией и Твоего всемощного к Богу дерзновения, в недоумении пребывают, како все вернии в устроеннии душ и жития своего и всякого дела блага ко всесильному Твоему ходатайству прибегают, воистину Тебя всесильную Помощницу и Покровительницу имея. Мы же, все упование наше на устроение Твое возложив, верно вопием Ти:
Радуйся, Всесильная наша Помощнице!
Радуйся, от злых обстояний Защитнице!
Радуйся, жития нашего Всемилостивая Устроительнице!
Радуйся, ко исполнению воли Божией Вразумительнице!
Радуйся, всех добрых пожеланий наших Исполнительнице!
Радуйся, не токмо жития, но и помыслов и душ наших Добрая Обновительнице и Устроительнице!
Радуйся, Всемилостивая Владычице, наша Добрая Домостроительнице!
Спасти хотя мир, Иже всех Устроитель нам Тебя во спасение Матерь Свою дарова, да будеши всем верным Домостроительнице, житие земное, а наипаче небесное устрояя, сего ради и слышит от всех нас: Аллилуйя!
Стена еси воистину Нерушимая всем к заступлению Твоему прибегающим, Мати Дево, ибо небесе и земли Создатель воистину Твое Блаженное Чрево Благодатным небом соделав, вселься в девственной утробе Твоей, вся восхваляти Тя научи тако:
Радуйся, Невместимого Божества вместилище!
Радуйся, чистоты и благодати Божией хранилище!
Радуйся, Премудрость, всякий смысл превосходящая!
Радуйся, домостроительство спасения нашего утверждающая!
Радуйся, во всем видети Промысел Божий, иже вся во благо устроящий, вразумляющая!
Радуйся, вся народы исполняти волю Божию научающая!
Радуйся, Всемилостивая Владычице, наша Добрая Домостроительнице!
Пение всякий православный христианин Тебе принося, о Владычице, ничто же равно дарованиям Твоим совершает, о Всемилостивая, всем бо вся нужное ко спасению и земному довольству даруеши, подвизая нас о Тебе Богу вопияти: Аллилуйя!
Светоприемную свещу, светом Божественным сияющу во мраке жития нашего сущим зрим икону Твою, о Владычице. Всем бо вся ко благу прошения исполняеши, житие земное, а наипаче небесное устрояеши, по глаголу евангельскому: «ищите прежде Царствия Божия и правды его, и вся приложится вам», не земное сперва, а наипаче небесное житие устрояя. Сего ради почитаем Тя званиими сими:
Радуйся, От бед страждущих избавление!
Радуйся, В скорбях и печалях Утешение!
Радуйся, через скорби радость к Богу обращения!
Радуйся, через земные временныя скорби небесной жизни устроение!
Радуйся, воли Божией светлое познание!
Радуйся, всем вся ко благу созидание!
Радуйся, Всемилостивая Владычице, наша Добрая Домостроительнице!
Благодати Источник неисчерпаемый явися нам милость Твоя, Богородице, все бо к помощи Твоея прибегающии в бедах спасение, в скорбях утешение, в болезнях исцеления и от всяких нужд избавление и довольство в Тебе обретают, и всех Подателю благ глаголют: Аллилуйя!
Поюще Твое всемощное заступление, непрестанно восхваляем Тя, Богородице, яко всех добрых Устроительницу и одушевленный Храм Божества,ничто же творим равно дарованиям Твоим. Сего ради вопием Ти:
Радуйся, всех благих начинаний Устроительнице!
Радуйся, всех молений и прошений наших Услышительнице!
Радуйся, о всех нас теплая ко Господу Молебнице!
Радуйся, всем пекущимся о благе Добрая Споспешнице!
Радуйся, во всяком деле блазе помогающая!
Радуйся, всех верных Своим пред Богом ходатайством никогда же оставляющая!
Радуйся, Всемилостивая Владычице, наша Добрая Домостроительнице!
О Всемилостивая Владычице, наша Добрая Домостроительнице, во всех благих начинаниях Споспешнице и всем вся во благих Милостивая Устроительнице! Нынешнее наше прими малое приношение, от всех бед земных и вечного осуждения нас избави, всем вся во благо житие земное, а наипаче небесное нам устрой, да вопием всех Зиждителю Сыну Твоему Христу Богу нашему вечно хвалебную песнь: Аллилуйя!
Сей кондак читать трижды, затем икос 1 и кондак 1
Молитва Пресвятой Богородице «Экономисса» («Домостроительница»)
Образ Божьей Матери, запечатленный на одной из пяти икон Афонской горы, почитается многими православными верующими всего мира. В 10 веке инок Афанасий, служивший в обители на Святой горе, покидая монастырь, как и остальные старцы из-за наступившего голода, встретил на пути своем Богоматерь, которая пообещала ему помочь в спасении храма и спасла Лавру.
После того как старец ударил посохом о камень, из которого появился и забил чудотворный живой источник, Афанасий ещё раз убедился в силе Божьей и вознес благодарственную молитву Пресвятой Богородице Экономиссе (Домостроительнице).
После спасения обители, люди просят её о помощи в момент безденежья, потери финансов. Обращаясь к Богоматери в молитве перед иконой Экономисса, где она изображена с младенцем Иисусом на руках в окружении святых Михаила Синадского и Афанасия Афонского, верующие всегда могут найти надежду и успокоение в случае финансового краха.
В чем помогает молитва Богородице Экономисса?
Молитва пресвятой Богородице Экономиссе (Домостроительнице) помогает не только священнослужителям, живущим на святом Афоне, она оказывает помощь и помогает в финансах всем верующим. Многие признают изображение лика Богородицы чудотворным, ибо существует немало чудес, связанных с ней. Недаром в Афонскую обитель приезжает огромное количество людей, желающих поправить свое финансовое положение. Вознося молитвенное прошение Богородице Экономиссе на всех языках мира, в том числе и на русском языке, они просят помощи в особо тяжелые времена. Обращаются к Домостроительнице, надеясь на получение желаемой работы, продвижения по карьерной лестнице, улучшение жилищных условий или расширение бизнеса.
Тексты молитв
Тропарь, глас 4
Предста́тельство стра́шное и непосты́дное,/ не пре́зри, Блага́я, моли́тв на́ших,/ Всепе́тая Богоро́дице, Ми́лостивая ве́рных Домострои́тельнице,/ утверди́ правосла́вных жи́тельство,/ спаси́ страну́ на́шу/ и всех правосла́вно живу́щих в ней защити́,// зане́ родила́ еси́ Бо́га, Еди́на Благослове́нная.
Перевод: Защита дивная и неустрашимая, не отвергни, Благая, молитв наших, Воспеваемая всеми Богородица, Милостивая Управительница дел верующих, укрепи государства православные, спаси страну нашу и всех православно живущих в ней защити, поскольку Ты родила Бога, Единственная Благословенная.
Молитва Пресвятой Богородице пред иконой Ея «Экономисса»
О, Пречи́стая Влады́чице Богоро́дице, Всечестнейшая на́ша Ма́ти Игу́мение все́х правосла́вных святы́х оби́телей и́ноческаго жития́, во Святе́й Горе́ Афо́нстей и по все́й вселе́нней су́щих! Приими́ смире́нная моле́ния на́ша и принеси́ я́ ко всеще́дрому Бо́гу на́шему, да спасе́т души́ на́ша Свое́ю благода́тию. Воззри́ на ны́ милосердным Твои́м о́ком и соверши́ Сама́ о Го́споде на́ше спасе́ние, поне́же без ми́лости Спа́са на́шего и Твоего́ свята́го о на́с хода́тайства не возмо́жем окая́ннии соверши́ти своего́ спасе́ния, я́ко окаляхом житие́ на́ше в суетах мирски́х, и́бо вре́мя прибли́жися жа́твы Христо́вы и де́нь Стра́шнаго Суда́ приспе́. Мы́ же, окая́ннии, погиба́ем в бе́здне грехо́вней нераде́ния ра́ди на́шего, по рече́нному от святы́х отце́в, первонача́льников а́нгельскаго во пло́ти жития́, я́ко после́днии мона́си нераде́нием жития́ своего́ уподобятся мирски́м челове́ком, е́же и сбы́ся дне́сь, и́бо после́днее и́ночество на́ше плавает житие́м свои́м в мо́ри жите́йском, посреде́ вели́кия бу́ри и непогоды, и́бо на́ша святы́я оби́тели во прасе пребыва́ют, грехо́в бо ра́ди на́ших всепра́ведный Судия́ Госпо́дь на́ш Иису́с Христо́с та́ко благоволи́, мы́ же, недосто́йнии, не и́мамы, где́ главы́ подклони́ти.
О, сладча́йшая на́ша Ма́ти Игу́мение! Собери́ ны́, разсеянное ста́до Христо́во, воеди́но и спаси́ правосла́вное мона́шество после́дняго ве́ка сего́, и все́х правосла́вных христиа́н сподо́би ра́йския жи́зни со а́нгелы и все́ми святы́ми во Ца́рствии Христа́ Бо́га на́шего, Ему́же че́сть и сла́ва, со Безнача́льным Его́ Отце́м и со Пресвяты́м, Благи́м и Животворя́щим Его́ Ду́хом во ве́ки веко́в. Ами́нь.
Акафист Пресвятой Богородице пред иконой «Экономисса»
Кондак 1
Избранней от сложения мира Пресвятей Деве Марии Богородице, яко воистину плотию рождшей Иисуса Христа, Спаса и Бога нашего, Владычице всея вселенныя, зело возлюбившей род преподобных Христа и вземшей под Свой державный покров их святыя обители, похвальная приносим пения. Ты же, о Всечестная наша Мати Игумение, храни и спасай нас от всех врагов видимых и невидимых, да зовем Ти:
Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.
Икос 1
Ангели плотию суще вси преподобнии отцы и матери, юноши и девы, от века просиявшии во святых, православно шествоваху в небесная селения под сиянием Честнаго и Животворящаго Креста Христова на земном поприще, во юдоли плача и скорбей, под державным покровительством Матери Христа Бога нашего, Всечестнейшия Игумении православнаго монашескаго жития, Еяже милостивному заступлению радостно взываем сице:
Радуйся, всечестнейшая наша Мати Игумение; радуйся, надеждо нашего спасения. Радуйся, Святыя Горы Афонския хранительнице; радуйся, тамо живущих иноков спасительнице. Радуйся, веселие и славо Христовых подвижников; радуйся, отрадо Божественная святых пустынников. Радуйся, яко Тобою вси святии спасаются; радуйся, яко вся вселенная Тобою украшается. Радуйся, мира видимаго и невидимаго о Бозе Владычице; радуйся, в селения рая небесная руководительнице. Радуйся, благое начало и славный конец всех святых жития; радуйся, святая радости Божественныя струя.
Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.
Кондак 2
Видящи скорбный путь спасения для всех преподобных Своих, Господь наш Иисус Христос благоволи Матери Своей Всепречистей Деве Богородице, да прострет Она Свой Божественный покров игуменства над всеми святыми обительми Святыя Афонския Горы и всея вселенныя православнаго монашеского спасения, да вси спасающиися в преподобии и святости, верою видяще сие, взывают непрестанно Спасителю Богу: Аллилуия.
Икос 2
Разум имуще божественный, вси преподобнии отцы и матери, от всея души возлюбиша славу небесную, мир же со всеми его прелестьми возненавидевше, ногама попраша, шествоваху в подвизех святых за Христом, в мире жития своего безбедно руководимии своею Приснодевственною небесною Игумениею, Юже верою зряще в лице святых Ея икон, умильно взывают тако:
Радуйся, нашего спасения главизно; радуйся, радосте наша в сей и в будущей жизни. Радуйся, дивная строительнице наших святых обителей; радуйся, экономисса милосердная иноческих общежитий. Радуйся, цвете Божественнаго прозябения; радуйся, радосте всемирнаго воскресения. Радуйся, всех святых божественное веселие; радуйся, православнаго монашества украшение. Радуйся, истинная Мати нашего Спасителя; радуйся, яко плотию родила еси ада Победителя. Радуйся, яко на Афоне духовный сад насадила еси; радуйся, яко тамо в преподобии живущих в рай руководила еси.
Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.
Кондак 3
Сила Вышняго осеняет всех в преподобии и святости и в правде живущих, иже возненавидеша суету мира сего и бежаша во святыя монашеския обители, и тамо во образе ангельском, вземше на ся благое иго Христово, свято подвизающеся, чрез все житие свое взывают непрестанно ко Пресвятой Троице: Аллилуия.
Икос 3
Имуще пламенное желание спасения, и ныне подвиги совершающии во обителех иноческаго жития, в лаврах, монастырех, скитех, киновиях, келлиях и на всяком месте всея вселенныя, имуще дивный щит спасения, божественное игуменство Матери Божией, хвалебно Ей песнопоют:
Радуйся, собирательнице наша среди мира греховнаго; радуйся, строительнице нашего спасения духовнаго. Радуйся, спасшая весь род Адама падшего; радуйся, плотию рождшая неизреченно Спаса и Бога нашего. Радуйся, всечестнейшая монахине, образе спасающимся; радуйся, праведная игумение всех нас, подвизающихся. Радуйся, веры православныя воеводо непобедимая; радуйся, Божественная крепосте всесильная. Радуйся, Мати Господня и наша Благодатная; радуйся, всем святым благоприятная. Радуйся, двере милосердия кающимся; радуйся, упование о Бозе подвизающихся.
Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.
Кондак 4
Бурю сомнений грехолюбивых оставльше отцы преподобныя и матери, возлюбиша тернистый путь спасения, живуще посреде скорбей и лишений, Царствия ради Небеснаго, украсиша своим богоугодным житием премногая места вселенныя, идеже основаша святыя обители иноческаго спасения, в нихже спасающиися присно поют ангельскую песнь Христу Богу нашему: Аллилуия.
Икос 4
Слышавше святыя глаголы Христова Евангелия, избранницы небеснии, вся презреша суетная мира сего, в путь святый поидоша, носяще благое иго Спаса нашего, житием своим во плоти Ангелом святым уподобишася, имуще предивную Игумению над всеми их святыми обителями по всей вселенной, яко звезды небесныя сияющими, к Нейже вопиют всегда:
Радуйся, премудрая Игумение монашества православного; радуйся, спасение народа богоизбраннаго. Радуйся, столпе девства и океане милосердия; радуйся, вечная отрадо райскаго веселия. Радуйся, прибежище кающимся грешником; радуйся, сокровище убогим подвижником. Радуйся, всю вселенную любовию покрывающая; радуйся, славою небесною сатану во ад низвергающая. Радуйся, Божественная радосте Ангелов и человеков; радуйся, яко плач принесла еси демоном во веки. Радуйся, единая надеждо веры православныя; радуйся, Мати Господня и наша Всеславная.
Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.
Кондак 5
Боготечную жизнь праведницы проидоша и Небеснаго Отечества с радостию достигоша и веселятся о Господе со Ангелы святыми во вся веки. Мы же, их собратия и соратницы на поприще спасения, милостию Божиею подвизаемся во святых обителех, поюще хвалебныя песни Богу: Аллилуия.
Икос 5
Видеша избранницы Господни скоропреходящую славу мира сего, яко непостоянно богатство, красота увядает, счастие скоротечно, скорби же, печали и отчаяние, и всякая злоключения – приснии спутницы жизни сея, в конце же смерть телесная всем людем неизбежна, – святою убо верою вечная селения небесная созерцаху и возлюбиша тесный и прискорбный путь монашескаго жития, идеже Пресвятая Богородица Сама о Господе игуменствует, руководящи спасающихся духовных чад Ея, хвалебно к Ней взывающих:
Радуйся, единое спасение душ наших; радуйся, райское утешение всех скорбящих. Радуйся, Святыя Горы Афонския просветительнице; радуйся, всея вселенныя покровительнице. Радуйся, надежное прибежище всем кающимся; радуйся, тихое пристанище от бед спасающимся. Радуйся, лавры Печерския строительнице; радуйся, Почаевския обители защитнице. Радуйся, экономиссо лавры Афанасия Афонскаго; радуйся, книго Христово завета новосионскаго. Радуйся, всех святых во едино собравшая; радуйся, христианом православным путь в рай указавшая.
Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.
Кондак 6
Проповедницы благодатнаго равноангельнаго жития во плоти явишася отцы преподобнии Антоний Великий, Пахомий, Макарий, Феодосий и прочии преподобнии отцы и матери, ихже житию сонми последоваша всех преподобных, наследницы бывше райских обителей со всеми святыми. И мы, им ныне подражающе, во ангельском чине живуще, воспеваем Спасителю мира хвалебныя гласы: Аллилуия.
Икос 6
Возсия образ жития равноангельскаго для всех, ищущих спасения вдали от всех сует мирских, примером Самого Христа и Бога нашего и Его Пречистыя Матере, Приснодевы Марии Богородицы, Предтечи Господня Иоанна и премногих святых угодников, ихже житию подражают вси преподобнии и под державным водительством Владычицы вселенныя, всечестнейшия игумении православных монашеских обителей, Марии Богородицы, хвалимыя от всех святых предивными похвалами сице:
Радуйся, православнаго монашества Мати Игумение; радуйся, их ангельскаго жития вечное спасение. Радуйся, благая наставнице на путь небесныя жизни; радуйся, настоятельнице монашеския отчизны. Радуйся, скорая защито сиротствующих; радуйся, яко подвижником святым венцы всегда готовиши. Радуйся, всех праведников любящая; радуйся, кающихся грешников милующая. Радуйся, яко Твоя любовь Божией любви уподобляется; радуйся, яко всяка тварь Тобою о Господе спасается. Радуйся, радосте божественнаго веселия; радуйся, мира всего покрове и спасение.
Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.
Кондак 7
Хотя скорбный путь к небеси благоустроити, Господь наш Иисус Христос благослови Матери Своей, да игуменствует над всеми православными иноческими обительми по всей вселенней сущими, руководящи в селения небеснаго рая сонмы избранников, ищущих спасения и поющих Избавителю Богу нашему: Аллилуия.
Икос 7
Новую жизнь образом ангельскаго жития показаша отцы преподобнии и матери, зане вся оставльше сладости мира греховнаго, возлюбиша шествовати к Небеси путем Царя Славы Христа Бога нашего, скорбьми и страданьми, и быша мученицы без крове, терпяще вся злая Царствия ради Божия, еже и получиша. И ныне сонми преподобных шествуют таковым путем, водимии Материю Божиею, яко Всечестнейшею Игумениею их преподобнаго жития, превозносимую от них хвалами:
Радуйся, Мати Господа, Судии Всеправеднаго; радуйся, во игумению от века предъизбранная. Радуйся, чистотою телесе всю тварь превозшедшая; радуйся, святостию души Своея Небеса украсившая. Радуйся, благовестие Небеснаго Отечества; радуйся: духовный крине православнаго монашества. Радуйся, усердная молитвеннице о всех православных; радуйся, благая строительнице для святых избранных. Радуйся, тихое пристанище всем странствующим; радуйся, покоище блаженныя старости. Радуйся, Невесто неневестная; радуйся, яко на небеси, такожде на земли и во аде знаемая.
Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.
Кондак 8
Странное житие имуще Христовы избранницы, оставльше телесныя страсти и утехи, возлюбиша путь скорбей и страданий: в пустынях, на островех, в расселинах скал, в дубравах со зверьми пожиша равноангельно, и тамо устроиша Божиею волею святыя обители, в нихже воспеваху чрез все житие свое херувимский ко Господу глас: Аллилуия.
Икос 8
Весь бе Всемогущий Бог во умех и сердцах избранных Своих угодников, по реченному: «Дивен Бог во святых Своих», прославляше святыя Своя, собирая из среды мира греховнаго, водворяя во святыя обители, да хвалится ими святое Имя Его со святыми Ангелы во веки, и Владычица Богородица, Всеблагая Мати Господня, в тех премудро игуменствует, спасающи от бед и скорбей смиренно восхваляющих милости Ея:
Радуйся, Честнейшая всея твари и всея вселенныя; радуйся, сладчайшая, яко Божие селение. Радуйся, святый покрове жизни нашея; радуйся, Божественный источниче сладости сладчайшия. Радуйся, вся наша надеждо спасения и покой; радуйся, по Бозе все наше упование в жизни земной. Радуйся, яко воскресе Сын Твой и Господь; радуйся, яко воскресит Той всяку плоть. Радуйся, Юже воспевают Небесная Воинства; радуйся, хвалимая от всех святых по достоинству. Радуйся, великая радосте моего спасения; радуйся, всего мира Божественное утешение.
Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.
Кондак 9
Всякое мудрование земное презревше, святии угодницы, яко юродиви, Христа ради явишася, бегающе и странствующе на земли, не имуще нигде телеснаго покоя, Царствия ради Небеснаго, еже получиша, и мы, им подражающе житием и подвиги, любовию ко Господу, Егоже и восхваляем, ангельски поем: Аллилуия.
Икос 9
Витии премудрости Господней явишася отцы преподобнии Пахомий Великий, Антоний Великий, Макарий Египетский и всех православных иноков начальницы, просиявшии во святых, ибо своим святым житием равноангельским на земли и словесы спасения спасоша премногия сонмы учеников, истинных рабов Христовых по всей вселенней, волением Пресвятыя Троицы, под державным игуменством Владычицы Богородицы, Юже от всея души всегда хвалиша тако:
Радуйся, державная Владычице вселенныя; радуйся, Игумение нашего спасения. Радуйся, Бога Отцов Дщи вселюбезная; радуйся, яко Матерь Сыну Божию сподобилася еси быти за святость и смирение. Радуйся, Бога Духа Святаго прекрасная палато; радуйся, на небеси и на земли любовию всебогатая. Радуйся, инокине честнейшая Херувим; радуйся, Мати Бога, превысшая Серафим. Радуйся, святых мучеников предивное терпение; радуйся, апостолов Христовых всемудрое учение. Радуйся, всех святых оправдание; радуйся, помоще наша в земных страданиих.
Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.
Кондак 10
Спасти хотя род человеческий, Господь наш Иисус Христос сниде с небесе во юдоль плача и скорбей и Своими страданьми божественнаго жития подаде пример всем святым, желающим достигнути небеснаго вечнаго покоя, в преподобии и правде хвалящим Его ангельскими гласы: Аллилуия.
Икос 10
Стена крепости божественныя явися еси, всечестная наша Мати Игумение, охраняющи, спасающи и покрывающи вся святыя обители иноческия жизни во Святей Горе Афонстей и по всей вселенней, от зари веры христианския и до дне Страшнаго Суда Христова, спасающи божественною милостию преподобныя Своя, присно хвалящия Ея щедроты сими словесы:
Радуйся, Пресвятая Мати Игумение; радуйся, источниче духовнаго воскресения. Радуйся, всю вселенную покрывающая; радуйся, святую Церковь Христову увеселяющая. Радуйся, пророческая славо и венче; радуйся, и моея жизни блаженный конец. Радуйся, яко краснейши неба и сладши рая; радуйся, образе святаго жития. Радуйся, любящая Свой жребий Афон; радуйся, украшающая Иерусалим и Сион. Радуйся, Мати Милосердаго Судии; радуйся, проливающая о мире Своя слезныя струи.
Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.
Кондак 11
Пение всеумиленное приносят вси святии в небесных селениих райских, со святыми Ангелы хваляще и превозносяще Пресвятую Троицу, «Свят, Свят, Свят» вопиюще. И мы, православнии иноцы, верою сие зряще, вопием непрестанно к Богу нашему: Аллилуия.
Икос 11
Светоприимную свещу православнаго жития собори преподобных приемше, со всеми святыми, просиявшими от века, в путь небесный шествоваху, имуще всемогущую о Господе Владычицу, Матерь Еммануилову, яко Игумению их преподобнаго жития, с радостию вопияху к Ней похвалами сице:
Радуйся, собирательнице наша во обители спасения; радуйся, подающая нам образ смирения. Радуйся, Игумение Святыя Афонския Горы; радуйся, настоятельнице всех святых монастырей. Радуйся, монахине, житием всечестная; радуйся, Воеводо, во бранех всесильнейшая. Радуйся, чад церковных хранительнице; радуйся, живых и умерших спасительнице. Радуйся, сиротствующих Мати благодатная; радуйся, в скорби сущих отрадо приятная. Радуйся, спасение православных христиан; радуйся, святых щедрот божественный океан.
Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.
Кондак 12
Благодать подает всегда, Пресладкий Спаситель наш всем рабом Своим, в преподобии и святости подвизающимся на поприще земнаго жития, уже бо сонми святых, прославленных Православною Церковию, в райских селениих воспевают Пресвятую Троицу со всеми Небесными силами, и мы, им подражающе, вопием дивному во святых Богу: Аллилуия.
Икос 12
Поюще вся милости Господни и щедроты, нам, недостойным инокам, присно ниспосылаемыя, и всечестное игуменство над всеми нашими обительми нашея Всеблагодатныя Владычицы Богородицы, радуемся божественне и веселимся, яко сподобихомся спасение совершати во святых обителех, идеже премнози сонми преподобных подвижников достигоша Небеснаго Царствия, егоже и мы святым покровом нашея Небесныя Матере Игумении да достигнем за труды спасения и похвальная сия словеса:
Радуйся, Пресвятая Дево Богородице; радуйся, спасения нашего помощнице. Радуйся, Игумение всех Всещедрая; радуйся, яко в преподобии Ты еси первая. Радуйся, покровом милости весь мир покрывающая; радуйся, сирот странных питающая. Радуйся, юным целомудрия наставнице; радуйся, о всех людех благая печальнице. Радуйся, рода праотца Адама веселие; радуйся, тихое пристанище спасения. Радуйся, всещедрая наша Мати Игумение; радуйся, благое начало и конец нашего песнопения.
Радуйся, Пресвятая Богородице Дево, Святой Горы Афона и всея вселенныя православных обителей всечестная Игумение.
Кондак 13
О Всепетая наша Мати Игумение, Преславная Владычице Богородице! Приими сия моления наша, от всея души Тебе ныне нами возносимая, и сподоби нас в чине ангельском достигнути Небеснаго Царствия, идеже вси святии со Ангелы воспевают непрестанными гласы хвалу Пресвятей Троице, Богу нашему: Аллилуия.
(Это кондак читается трижды, затем 1й икос и 1й кондак)
Молитва
О Пречистая Владычице Богородице, всечестнейшая наша Мати Игумение всех православных обителей иноческаго жития, во Святей Горе Афонстей и по всей вселенней сущих! Приими смиренная моления наша и принеси я ко Всещедрому Богу нашему, да спасет души наша Своею благодатию. Воззри на ны милосердным Твоим оком и соверши Сама о Господе наше спасение, понеже без милости Спаса нашего и Твоего святаго о нас ходатайства, не возможем, окаяннии, совершити своего спасения, яко окаляхом житие наше в суетах мирских, ибо время приближися жатвы Христовой и день Страшнаго Суда приспе. Мы же, окаяннии, погибаем в бездне греховной нерадения ради нашего, по реченному от святых отцев, первоначальников ангельскаго во плоти жития, яко последнии монаси нерадением жития своего уподобятся мирским людем, еже и сбысться днесь, ибо последнее иночество наше плавает житием своим в море житейском, посреде великия бури и непогоды, ибо наши святыя обители в прасе пребывают, грехов ради наших, Всеправедный Господь наш Иисус Христос тако благоволи, мы же, недостойнии, не имамы, где главы подклонити.
О сладчайшая наша Мати Игумение! Собери ны, разсеянное стадо Христово воедино и спаси православное монашество последняго века сего, и всех православных христиан сподоби райския жизни со Ангелы и всеми святыми во Царствии Христа Бога нашего, Емуже честь и слава, со Безначальным Его Отцем и со Пресвятым и Благим и Животворящим Духом во веки веков. Аминь.
Акафист Богородице пред ее иконою «Экономисса»: текст, для чего читают
Кондак 1
Избранней от всех родов Пресвятей Деве Богородице, Спасителя и Бога нашего Иисуса Христа плотию рождшей, яко Владычице небесе и земли, похвальное приносим пение. Ты же, любвеобильная наша Мати, сохраняй и спасай нас от всех врагов видимых и невидимых, да со умилением зовем Ти: Радуйся, Благая Домостроительнице, житие наше добре устрояющая.
Икос 1
Ангелов лицы и вся Небесныя Силы Тебе, Царице Небесная, благоговейно служат и немолчными гласы Тя ублажают; мы же, земнороднии, Тебе, яко Всемилостивую Владычицу и Всеблагую Матерь нашу почитаем и с любовию вопием:
Радуйся, от всех родов Богом избранная.
Радуйся, девственною чистотою, яко диадимою, увенчанная.
Радуйся, благоволением Отца Небеснаго осененная.
Радуйся, Духа Святаго обитель священная.
Радуйся, Христа Бога нашего Мати Неискусобрачная.
Радуйся, от корене Давидова отрасле многоплодная.
Радуйся, скорая человеком Помощнице.
Радуйся, спасающимся в Царствие Божие Руководительнице.
Радуйся, Благая Домостроительнице, житие наше добре устрояющая.
Кондак 2
Видяще Тя на иконе Твоей с Богомладенцем Христом на престоле возседающую, пред нимже преподобнии Афанасий Афонский и Михаил Синадский с благоговением Сыну Твоему Божественному и Тебе, Пречистей Его Матери, покланяются, величаем Тя, яко Благую Попечительницу и Покровительницу иноков Святыя Горы Афонския, под Твоим пречестным омофором пребывающих и непрестанно Спасителю Богу о Тебе поющих: Аллилуиа.
Икос 2
Разум человеческий постигнути не может великаго Твоего милосердия к людем, ихже Сын Твой и Бог на Кресте Кровию Своею честною от грехов искупи, ниже исчислити множество благодеяний и чудотворений, Тобою нам низпосылаемых, но, покланяяся святей Твоей иконе, Пресвятая Дево, и со умилением ю лобызающе, из глубины сердца взываем Ти:
Радуйся, любве всесветлое жилище.
Радуйся, милостей Господних сокровище.
Радуйся, цвете Божественнаго прозябения.
Радуйся, радосте всемирнаго заступления.
Радуйся, Ангелов и святых ликование.
Радуйся, иноков и инокинь украшение.
Радуйся, с верою Тебе молящихся скорая Услышательнице.
Радуйся, душ и сердец наших надежная Успокоительнице.
Радуйся, Благая Домостроительнице, житие наше добре устрояющая.
Кондак 3
Силу Божественныя благодати милостивно даруеши, Преблагословенная Мати, всем во святем уделе Твоем — Горе Афонстей подвизающимся и иноческим житием Сыну Твоему и Спасителю нашему Иисусу Христу благоугождающим и вопиющим Ему непрестанно: Аллилуиа.
Икос 3
Имеют Тя воистину Благую Домостроительницу иноков чини во святей Лавре преподобнаго Афанасия подвизающиися, имже Ты в залог благоволения Своего милостиво даровала еси чудотворную икону Твою «Экономисса» именуемую; сего ради вопием Ти:
Радуйся, Святыя Горы Афонския неусыпная Хранительнице.
Радуйся, иноков афонских Благая Попечительнице.
Радуйся, Христовых подвижников небесная славо.
Радуйся, пустынножителей Божественная отрадо.
Радуйся, духовнаго сада в жребии Твоем Насадительнице.
Радуйся, благочестиво живущих в райския обители Руководительнице.
Радуйся, монашествующих Верховная Игумение.
Радуйся, святых обителей окормление и радование.
Радуйся, Благая Домостроительнице, житие наше добре устрояющая.
Кондак 4
Бурю недоумений в себе превозмогая, преподобный Афанасий, оставивый обитель свою, и сретив Тя на пути, вопрошаше Тя, Пресвятая Дево: «Кто Ты еси и како семо вошла еси? И почто Тебе ведати, камо гряду?» На егоже словеса, яко чрез глад оставил есть место святое сие, отвещавала еси ему, Мати Божия: «Аз помогу ти, обаче не оставляй Лавры своея, прославитися бо имать посреде обителей афонских, в нейже иноцы выну воспевати будут ангельскую песнь Богу: Аллилуиа».
Икос 4
Слышав от Тебе, Преблагая Владычице, яко Ты еси Матерь Господа Иисуса Христа, зело удивися преблаженный старец и, знамения от Тебе испросивши во уверение истинности обетования Твоего, со умилением сердечным возопи Ти сице:
Радуйся, в женах Преблагословенная.
Радуйся, Мати Господня и наша Всеславная.
Радуйся, Божественная радосте Ангелов и человеков.
Радуйся, прибежище кающихся грешников.
Радуйся, славити Бога нас научающая.
Радуйся, лествице, от земли на небо приводящая.
Радуйся, иноков усердная Хранительнице.
Радуйся, милостивая наша Ходатаице и Заступнице.
Радуйся, Благая Домостроительнице, житие наше добре устрояющая.
Кондак 5
Боготечною звездою являешися, Царице Небесная, всем ищущим спасения и под кров Твой всемощный прибегающим, к Солнцу Правды сих приводиши, да во умилении сердечнем вопиют Богу: Аллилуиа.
Икос 5
Видяще преподобный Афанасий, яко, по глаголу Матери Божия, от ударения посоха его вода из камене истече, со благоговением к ногам Ея пречистым припасти восхоте, обаче Дева Пресвятая в тойже час невидима бысть. Мы же пред велиим чудом сим благоговения исполняяся, воспеваем Преблагословенней тако:
Радуйся, душ наших верное спасение.
Радуйся, всех скорбящих утешение.
Радуйся, Святыя Горы Афонския Просветительнице.
Радуйся, всея вселенныя Попечительнице.
Радуйся, надежное прибежище всем кающимся.
Радуйся, тихое пристанище от бед страждущих.
Радуйся, всех притекающих к иконе Твоей покровом Твоим осеняющая.
Радуйся, гласу моления всех скорбящих внимающая.
Радуйся, Благая Домостроительнице, житие наше добре устрояющая.
Кондак 6
Проповедником чудес Твоих, Преблагая Владычице, явися преподобный Афанасий, егда по возвращении во святую обитель свою со изумлением велиим обрете кладовыя ея всем потребным преисполненныя. Сего ради прославляя попечение Твое о всех на Тя уповающих, Мати Божия, со умилением вопием Богу: Аллилуиа.
Икос 6
Возсия неизреченный свет Твоея благости, Преблагословенная Дево, всем скорбящим, плачущим и во искушении сущим: слышащи бо наша слезныя молитвы, подаеши всем чудесное от бед избавление, восхваляющим Тя за милости Твоя тако:
Радуйся, Спасителя мира рождшая.
Радуйся, мир от потопа греховнаго спасшая.
Радуйся, знамение милости Божия Собою нам являющая.
Радуйся, явлением чудес от святыя иконы Твоея всех увеселяющая.
Радуйся, скорби и слезы наша в радость претворяющая.
Радуйся, страждущих и безпомощных невидимо укрепляющая.
Радуйся, всех праведных любящая.
Радуйся, кающихся грешников милующая.
Радуйся, Благая Домостроительнице, житие наше добре устрояющая.
Кондак 7
Хотя Всемилостивый Господь явити Свою Божественную любовь к созданию Своему, дарова нам Твою, Богомати, икону, «Экономисса» именуемую, да видяще чудеса, от нея бываемая, вси людие с верою и надеждою умиленно взывают Подателю благ: Аллилуиа.
Икос 7
Новое свидетельство невидимаго присутствия Твоего показала еси нам, Небесная Царице, егда в Лавре святаго Афанасия послушание эконома упразднила еси, Сама Экономиссою обители сея быти восхотевши и все попечение о ней Себе усвоивши. Темже смиренно молим Тя, Пречистая: не остави помощию Твоею и нас, вопиющих Ти сице:
Радуйся, бисер Божественный произведшая.
Радуйся, чистотою Своею тварь превозшедшая.
Радуйся, двери райския нам отверзающая.
Радуйся, святостию Своею Небеса украшающая.
Радуйся, благовестие Небеснаго Отечества.
Радуйся, духовный крине православнаго монашества.
Радуйся, о роде человечестем усердная Молитвеннице.
Радуйся, во гресех погибающих нечаянная спасения радосте.
Радуйся, Благая Домостроительнице, житие наше добре устрояющая.
Кондак 8
Странники и пришельцы есмы на земли, обаче Ты, Владычице, облегчаеши многоскорбное житие наше, подающи помощь, утешение и радость духовную. Сего ради, покланяяся Тебе в чудотворных иконах Твоих, Богу, Тобою нам благодеющему, во умилении сердечнем вопием: Аллилуиа.
Икос 8
Всем во Святей Горе Афонстей жительствующим утешительно есть возносити моления своя на месте явления Пресвятыя Богородицы святому Афанасию и пред иконою, совершившееся зде чудо изображающей, воспевати Преблагословенней Деве хваления таковыя:
Радуйся, на небеси благословляемая и на земли славимая.
Радуйся, всея твари честнейшая.
Радуйся, Божественный источниче сладчайшия сладости.
Радуйся, Дево Пречистая, преисполненная неизреченныя радости.
Радуйся, всего мира Божественное утешение.
Радуйся, рода человеческаго надеждо и упование.
Радуйся, от бед и напастей наша Охранительнице.
Радуйся, ко благочестию Всеблагая наша Наставнице.
Радуйся, Благая Домостроительнице, житие наше добре устрояющая.
Кондак 9
Все упование наше на Тя возлагаем, Мати Божия, вемы бо, яко милосердию Твоему несть конца: Ты бо и грешных милуеши, и погибающих взыскуеши, и печальных возвеселяеши, и недужных от одра болезненнаго возставляеши, и непрестанно о нас ходатайствуеши пред Сыном Твоим и Богом нашим, Емуже мы с любовию поем: Аллилуиа.
Икос 9
Ветии многовещаннии не могут исчести бездну щедрот Твоих, Всеблагая Мати, роду человеческому Тобою изливаемых. И мы, сладость утешения в нуждах и печалех наших познавше, с верою и любовию пред образом Твоим чудотворным моления возносим Ти сицевая:
Радуйся, всея вселенныя Державная Владычице.
Радуйся, спасения нашего присная Ходатаице.
Радуйся, Бога Отца Дщи возлюбленная.
Радуйся, Сына Божия Мати Пресвятая.
Радуйся, Бога Духа Святаго палато прекрасная.
Радуйся, небеси и земли Царице всепетая.
Радуйся, болящих Милосердная Целительнице.
Радуйся, вдов и сирот незримая Питательнице.
Радуйся, Благая Домостроительнице, житие наше добре устрояющая.
Кондак 10
Спасения залог от обдержащих нас скорбей и болезней даровася нам изображение честныя иконы Твоея, Богородительнице Дево, да вси, видяще являемую Тобою милость, вопиют со умилением Богу: Аллилуиа.
Икос 10
Стена еси ликом иноческим, Богородице Дево, и всем усердно к Тебе прибегающим, ибо небесе и земли Творец дарова мирови Тя, Матерь Свою, да будеши всем земнородным в помощь и спасение. Сего ради, предстояще пред образом Твоим святым, благоговейно воспеваем Тя пении сими:
Радуйся, всю вселенную любовию покрывающая.
Радуйся, от пагубных сетей верныя спасающая.
Радуйся, ангельских умов удивление.
Радуйся, человеческаго рода украшение.
Радуйся, спасения нашего главизно.
Радуйся, радосте наша и в сей, и в будущей жизни.
Радуйся, молитвам верных милостивно внемлющая.
Радуйся, любящим Тя любовию Твоею воздающая.
Радуйся, Благая Домостроительнице, житие наше добре устрояющая.
Кондак 11
Пение всеумиленное приносим Ти, небесе и земли Царице, и благодаряще Сына Твоего и Бога нашего за вся Его благодеяния нам, недостойным, ходатайством Твоим подаваемыя, со благоговением вопием Ему: Аллилуиа.
Икос 11
Светоприимную свещу зрим Тя, Владычице наша Богородице,:образ бо Твой святый немерцающими лучами благодати Твоея мглу греховную прогоняет и на светлую стезю добродетелей наставляет с верою зовущих Ти сицевая:
Радуйся, Юже воспевают Небесная Воинства.
Радуйся, Юже превозносят сонмы святых.
Радуйся, радость велию всему роду человеческому даровавшая.
Радуйся, православным христианом путь спасения указующая.
Радуйся, радосте Божественнаго веселия.
Радуйся, мира всего покрове и спасение.
Радуйся, тихое пристанище странствующим.
Радуйся, блаженное покоище старости.
Радуйся, Благая Домостроительнице, житие наше добре устрояющая.
Кондак 12
Благодать Божественную подаждь нам, Пречистая Мати, да сею вспомоществуеми, по пути спасительному шествовати возможем и житием добродетельным Господу нашему угодити потщимся, Емуже непрестанно поем: Аллилуиа.
Икос 12
Поюще милости Твоя и величие Твое прославляя, Владычице наша Богородице, радуемся о Тебе, яко имамы таковую всеблагую и премилосердную Заступницу и Ходатаицу о нас пред Богом, и с любовию воспеваем Ти сице:
Радуйся, Купино Неопалимая.
Радуйся, Стено Нерушимая.
Радуйся, иноческих обителей покров и снабдение.
Радуйся, благочестивых домов и супружеств благословение.
Радуйся, скорбных утешающая.
Радуйся, недужных исцеляющая.
Радуйся, слабым и старым Помощнице.
Радуйся, алщущим и жаждущим Питательнице.
Радуйся, Благая Домостроительнице, житие наше добре устрояющая.
Кондак 13
О Всепетая Мати, Преславная Владычице Богородице! Приими сия моления наша, от всея души Тебе ныне нами возносимыя, и Сына Твоего и Бога нашего о нас умоли, Емуже покланяемся во Святей Троице и со умилением поем: Аллилуиа.
Этот кондак читается трижды, затем Икос 1 («Ангелов лицы и вся Небесныя Силы…») и Кондак 1 («Избранней от всех родов…»).
Молитва Пресвятой Богородице в честь иконы Ее «Экономисса»
О Пречистая Дево Богородице, Премилостивая Владычице, вышшая Ангел и Архангел, Царице небесе и земли, страны нашея православныя твердое ограждение, всякаго дома и семейства христианскаго Благоустроительнице, труждающихся во благочестии благословение, нуждающихся неистощимое богатство, сирых и вдовиц Кормительнице, девствующих чистото и славо, матерей тихое веселие, отроков мудросте и научение, наставников и детоводителей совершенный разуме. Веруем в державный Твой покров над православным отечеством нашим и над малейшим из нас, искупленным Божественною Кровию Сына Твоего. Веруем, яко в сей иконе Твоей, в благословение от Святыя Горы Афонския нам данней, Сама Ты низпосылаеши Твое матернее благословение градом и весем нашим и коемуждо дому на Тя упование имущему. Темже со благоговейным трепетом и с благодарным сердцем преклоняемся пред сим новым знамением великия любве Твоея, Владычице, к нам, недостойным. Воспоминающе же Твое чудесное явление преподобному Афанасию Афонскому, некогда в нужде и скорби бывшему и, яко пребудеши присная Домостроительница его обители, от Тебе милостивное обещание приемшему, смиренно молимся Тебе: о Премилосердая Мати рода христианскаго, буди и нам, грешным и недостойным рабом Твоим, мудрая Домостроительница, житие наше добре устрояющая. Всякое сообщество, всякий дом и семейство во благочестии и Православии, единомыслии, послушании и довольстве соблюди, заблуждшия на путь правый настави, старость поддержи, младенцы воспитай, всех нас вразуми. Облегчи и возстави изнемогающия, сохрани люди Твоя от всякия нужды, болезни, глада, губительства, града, огня, от всякаго злаго обстояния и всякаго нестроения. Дому сему и всякой души христианстей и всей стране нашей исходатайствуй мир и велию милость ныне и присно и во веки веков. Аминь.
Иная молитва
О Пречистая Владычице Богородице, Всечестнейшая наша Мати Игумение всех православных святых обителей иноческаго жития, во Святей Горе Афонстей и по всей вселенней сущих! Приими смиренная моления наша и принеси я ко всещедрому Богу нашему, да спасет души наша Своею благодатию. Воззри на ны милосердным Твоим оком и соверши Сама о Господе наше спасение, понеже без милости Спаса нашего и Твоего святаго о нас ходатайства не возможем окаяннии совершити своего спасения, яко окаляхом житие наше в суетах мирских, ибо время приближися жатвы Христовы и день Страшнаго Суда приспе. Мы же, окаяннии, погибаем в бездне греховней нерадения ради нашего, по реченному от святых отцев, первоначальников ангельскаго во плоти жития, яко последнии монаси нерадением жития своего уподобятся мирским человеком, еже и сбысться днесь, ибо последнее иночество наше плавает житием своим в мори житейском, посреде великия бури и непогоды, ибо наша святыя обители во страсе пребывают, грехов бо ради наших всеправедный Судия Господь наш Иисус Христос тако благоволи, мы же, недостойнии, не имамы, где главы подклонити.
О сладчайшая наша Мати Игумение! Собери ны, разсеянное стадо Христово, воедино и спаси православное монашество последняго века сего, и всех православных христиан сподоби райския жизни со ангелы и всеми святыми во Царствии Христа Бога нашего, Ему же честь и слава, со Безначальным Его Отцем и со Пресвятым, Благим и Животворящим Его Духом во веки веков. Аминь.
Тропарь, глас 4
Предстательство страшное и непостыдное, не презри, Благая, молитв наших, Всепетая Богородице, Милостивая верных Домостроительнице, утверди православных жительство, спаси страну нашу и всех православно живущих в ней защити, зане родила еси Бога, Едина Благословенная.
Кондак, глас 8
Взбранной Воеводе победительная, яко избавльшеся от злых, благодарственная восписуем Ти раби Твои, Богородице; но яко имущая державу непобедимую, от всяких нас бед свободи, да зовем Ти: радуйся, Невесто Неневестная.
АКАФИСТ и МОЛИТВА ЭКОНОМИССЕ — ДОМОСТРОИТЕЛЬНИЦЕ для мирских людей. Как правильно читать Акафист?
Для людей живущих в миру больше подходит публикуемый не впервые АКАФИСТ чудесной иконе Божьей Матери Экономиссе — Домостроительнице. Пречистой Богородице составлено множество песнопений, прославляющих Ее. Но данная молитва вызывает особое умиление. Познакомьтесь!
На страницах нашего сайта вы постоянно встречаете предложения помолиться. Дома молиться или в храме, и то и то важно. В любом случае, молитва есть дыхание жизни. И тот, кто молится, привлекает Божественную благодать в свое сердце и освящает этим свой внутренний мир. То есть, Господь дарует милость Свою молящемуся верующему человеку. И дела его идут на поправку. Бог ему помогает во всем!
Умеете ли Вы молиться? Пробовали ли Вы молиться внимательно, глубоко? С каким чувством и вниманием Вы стоите в храме Божием? Есть ли у Вас собственный молитвослов, и как часто Вы в него заглядываете? Умеете ли Вы молиться по молитвеннику? Знаете ли Вы, что такое Акафистник?
На страницах нашего сайта Вы не раз встретите те или иные церковные песнопения и рекомендации, как правильно молиться. По мере сил, будем продвигаться с Вами по пути Спасения с помощью молитвы и покаяния.
Предыдущая публикация Акафиста Экономиссе вызвала множество различных откликов с Вашей стороны. И я благодарю Вас за неподдельный и искренний интерес к молитве! А также за интерес к нашей Иконе!
И сегодня мы публикуем еще один текст акафиста и молитвы к Божьей Матери пред Ея чудотворным образом Экономиссы — Домостроительницы. Текст этот облегченный, как бы — мирской, по сравнению с предыдущим, как бы — монашеским. К слову говоря, монашество — авангард христианства, и нам надо на него равняться, особенно в молитве. Монахи молятся за весь мир. Они учат и нас молитве.
Мы молимся о Вас!
Вы спрашивали, как правильно читать Акафист? Ответим. Позже будем отвечать с помощью видеопубликаций. Всему свое время. А сейчас возьмите в руки молитвослов! Обратите свой взор в сторону благоговейно поставленной пред Вами иконы Экономиссы. Глубоко вдохните и выдохните. Представьте себя грешнейшим более всех людей!
В молитвослове есть предначинательные молитвы. Это начало, например, утренних молитв.
Читайте их по порядку: Молитвами святых отец… Царю Небесный… Святый Боже… Слава… Пресвятая Троице… Слава… Отче наш… Приидите поклонимся… 50 псалом — помилуй мя Боже… Символ Веры — Верую во Единаго Бога Отца…
И вот здесь в келейном — домашнем чтении вставляется сам текст Акафиста.
Он у нас публикуется ниже. Внимательно читайте все подряд — все 12 кондаков и икосов, а 13-й кондак читается стоя на коленях трижды. Затем читаем 1 икос снова и 1 кондак в завершение. После этого читается молитва Богородице, которая находится, как правило, в конце акафистного текста.
Завершается чтение всего этого молитвословия молитвой Богородице Достойно есть… Слава… И ныне… Благослови. Молитвами святых отец наших Господи Иисусе Христе Боже наш помилуй нас. Аминь!
Благоговейно постойте некоторое время, созерцая образ Богородицы — Экономиссы, поговорите мысленно с Пречистой о своих нуждах, попросите своими словами, поблагодарите и прославьте святое Имя Божие!
Обратите внимание! Ниже публикуем сам текст Акафиста Экономиссе — Домостроительнице:
Избранней от всех родов Пресвятей Деве Богородице, Спасителя и Бога нашего Иисуса Христа плотию рождшей, яко Владычице небесе и земли, похвальное приносим пение. Ты же, любвеобильная наша Мати, сохраняй и спасай нас от всех врагов видимых и невидимых, да со умилением зовем Ти: Радуйся, Благая Домостроительниц е, житие наше добре устрояющая.
Ангелов лицы и вся Небесныя Силы Тебе, Царице Небесная, благоговейно служат и немолчными гласы Тя ублажают; мы же, земнороднии, Тебе, яко Всемилостивую Владычицу и Всеблагую Матерь нашу почитаем и с любовию вопием:
Радуйся, от всех родов Богом избранная.
Радуйся, девственною чистотою, яко диадимою, увенчанная.
Радуйся, благоволением Отца Небеснаго осененная.
Радуйся, Духа Святаго обитель священная.
Радуйся, Христа Бога нашего Мати Неискусобрачная.
Радуйся, от корене Давидова отрасле многоплодная.
Радуйся, скорая человеком Помощнице.
Радуйся, спасающимся в Царствие Божие Руководительнице .
Радуйся, Благая Домостроительниц е, житие наше добре устрояющая.
Видяще Тя на иконе Твоей с Богомладенцем Христом на престоле возседающую, пред нимже преподобнии Афанасий Афонский и Михаил Синадский с благоговением Сыну Твоему Божественному и Тебе, Пречистей Его Матери, покланяются, величаем Тя, яко Благую Попечительницу и Покровительницу иноков Святыя Горы Афонския, под Твоим пречестным омофором пребывающих и непрестанно Спасителю Богу о Тебе поющих: Аллилуиа.
Разум человеческий постигнути не может великаго Твоего милосердия к людем, ихже Сын Твой и Бог на Кресте Кровию Своею честною от грехов искупи, ниже исчислити множество благодеяний и чудотворений, Тобою нам низпосылаемых, но, покланяяся святей Твоей иконе, Пресвятая Дево, и со умилением ю лобызающе, из глубины сердца взываем Ти:
Радуйся, любве всесветлое жилище.
Радуйся, милостей Господних сокровище.
Радуйся, цвете Божественнаго прозябения.
Радуйся, радосте всемирнаго заступления.
Радуйся, Ангелов и святых ликование.
Радуйся, иноков и инокинь украшение.
Радуйся, с верою Тебе молящихся скорая Услышательнице.
Радуйся, душ и сердец наших надежная Успокоительнице.
Радуйся, Благая Домостроительниц е, житие наше добре устрояющая.
Силу Божественныя благодати милостивно даруеши, Преблагословенна я Мати, всем во святем уделе Твоем — Горе Афонстей подвизающимся и иноческим житием Сыну Твоему и Спасителю нашему Иисусу Христу благоугождающим и вопиющим Ему непрестанно: Аллилуиа.
Имеют Тя воистину Благую Домостроительниц у иноков чини во святей Лавре преподобнаго Афанасия подвизающиися, имже Ты в залог благоволения Своего милостиво даровала еси чудотворную икону Твою «Экономисса» именуемую; сего ради вопием Ти:
Радуйся, Святыя Горы Афонския неусыпная Хранительнице.
Радуйся, иноков афонских Благая Попечительнице.
Радуйся, Христовых подвижников небесная славо.
Радуйся, пустынножителей Божественная отрадо.
Радуйся, духовнаго сада в жребии Твоем Насадительнице.
Радуйся, благочестиво живущих в райския обители Руководительнице .
Радуйся, монашествующих Верховная Игумение.
Радуйся, святых обителей окормление и радование.
Радуйся, Благая Домостроительниц е, житие наше добре устрояющая.
Бурю недоумений в себе превозмогая, преподобный Афанасий, оставивый обитель свою, и сретив Тя на пути, вопрошаше Тя, Пресвятая Дево: «Кто Ты еси и како семо вошла еси? И почто Тебе ведати, камо гряду?» На егоже словеса, яко чрез глад оставил есть место святое сие, отвещавала еси ему, Мати Божия: «Аз помогу ти, обаче не оставляй Лавры своея, прославитися бо имать посреде обителей афонских, в нейже иноцы выну воспевати будут ангельскую песнь Богу: Аллилуиа».
Слышав от Тебе, Преблагая Владычице, яко Ты еси Матерь Господа Иисуса Христа, зело удивися преблаженный старец и, знамения от Тебе испросивши во уверение истинности обетования Твоего, со умилением сердечным возопи Ти сице:
Радуйся, в женах Преблагословенна я.
Радуйся, Мати Господня и наша Всеславная.
Радуйся, Божественная радосте Ангелов и человеков.
Радуйся, прибежище кающихся грешников.
Радуйся, славити Бога нас научающая.
Радуйся, лествице, от земли на небо приводящая.
Радуйся, иноков усердная Хранительнице.
Радуйся, милостивая наша Ходатаице и Заступнице.
Радуйся, Благая Домостроительниц е, житие наше добре устрояющая.
Боготечною звездою являешися, Царице Небесная, всем ищущим спасения и под кров Твой всемощный прибегающим, к Солнцу Правды сих приводиши, да во умилении сердечнем вопиют Богу: Аллилуиа.
Видяще преподобный Афанасий, яко, по глаголу Матери Божия, от ударения посоха его вода из камене истече, со благоговением к ногам Ея пречистым припасти восхоте, обаче Дева Пресвятая в тойже час невидима бысть. Мы же пред велиим чудом сим благоговения исполняяся, воспеваем Преблагословенне й тако:
Радуйся, душ наших верное спасение.
Радуйся, всех скорбящих утешение.
Радуйся, Святыя Горы Афонския Просветительнице .
Радуйся, всея вселенныя Попечительнице.
Радуйся, надежное прибежище всем кающимся.
Радуйся, тихое пристанище от бед страждущих.
Радуйся, всех притекающих к иконе Твоей покровом Твоим осеняющая.
Радуйся, гласу моления всех скорбящих внимающая.
Радуйся, Благая Домостроительниц е, житие наше добре устрояющая.
Проповедником чудес Твоих, Преблагая Владычице, явися преподобный Афанасий, егда по возвращении во святую обитель свою со изумлением велиим обрете кладовыя ея всем потребным преисполненныя. Сего ради прославляя попечение Твое о всех на Тя уповающих, Мати Божия, со умилением вопием Богу: Аллилуиа.
Возсия неизреченный свет Твоея благости, Преблагословенна я Дево, всем скорбящим, плачущим и во искушении сущим: слышащи бо наша слезныя молитвы, подаеши всем чудесное от бед избавление, восхваляющим Тя за милости Твоя тако:
Радуйся, Спасителя мира рождшая.
Радуйся, мир от потопа греховнаго спасшая.
Радуйся, знамение милости Божия Собою нам являющая.
Радуйся, явлением чудес от святыя иконы Твоея всех увеселяющая.
Радуйся, скорби и слезы наша в радость претворяющая.
Радуйся, страждущих и безпомощных невидимо укрепляющая.
Радуйся, всех праведных любящая.
Радуйся, кающихся грешников милующая.
Радуйся, Благая Домостроительниц е, житие наше добре устрояющая.
Хотя Всемилостивый Господь явити Свою Божественную любовь к созданию Своему, дарова нам Твою, Богомати, икону, «Экономисса» именуемую, да видяще чудеса, от нея бываемая, вси людие с верою и надеждою умиленно взывают Подателю благ: Аллилуиа.
Новое свидетельство невидимаго присутствия Твоего показала еси нам, Небесная Царице, егда в Лавре святаго Афанасия послушание эконома упразднила еси, Сама Экономиссою обители сея быти восхотевши и все попечение о ней Себе усвоивши. Темже смиренно молим Тя, Пречистая: не остави помощию Твоею и нас, вопиющих Ти сице:
Радуйся, бисер Божественный произведшая.
Радуйся, чистотою Своею тварь превозшедшая.
Радуйся, двери райския нам отверзающая.
Радуйся, святостию Своею Небеса украшающая.
Радуйся, благовестие Небеснаго Отечества.
Радуйся, духовный крине православнаго монашества.
Радуйся, о роде человечестем усердная Молитвеннице.
Радуйся, во гресех погибающих нечаянная спасения радосте.
Радуйся, Благая Домостроительниц е, житие наше добре устрояющая.
Странники и пришельцы есмы на земли, обаче Ты, Владычице, облегчаеши многоскорбное житие наше, подающи помощь, утешение и радость духовную. Сего ради, покланяяся Тебе в чудотворных иконах Твоих, Богу, Тобою нам благодеющему, во умилении сердечнем вопием: Аллилуиа.
Всем во Святей Горе Афонстей жительствующим утешительно есть возносити моления своя на месте явления Пресвятыя Богородицы святому Афанасию и пред иконою, совершившееся зде чудо изображающей, воспевати Преблагословенне й Деве хваления таковыя:
Радуйся, на небеси благословляемая и на земли славимая.
Радуйся, всея твари честнейшая.
Радуйся, Божественный источниче сладчайшия сладости.
Радуйся, Дево Пречистая, преисполненная неизреченныя радости.
Радуйся, всего мира Божественное утешение.
Радуйся, рода человеческаго надеждо и упование.
Радуйся, от бед и напастей наша Охранительнице.
Радуйся, ко благочестию Всеблагая наша Наставнице.
Радуйся, Благая Домостроительниц е, житие наше добре устрояющая.
Все упование наше на Тя возлагаем, Мати Божия, вемы бо, яко милосердию Твоему несть конца: Ты бо и грешных милуеши, и погибающих взыскуеши, и печальных возвеселяеши, и недужных от одра болезненнаго возставляеши, и непрестанно о нас ходатайствуеши пред Сыном Твоим и Богом нашим, Емуже мы с любовию поем: Аллилуиа.
Ветии многовещаннии не могут исчести бездну щедрот Твоих, Всеблагая Мати, роду человеческому Тобою изливаемых. И мы, сладость утешения в нуждах и печалех наших познавше, с верою и любовию пред образом Твоим чудотворным моления возносим Ти сицевая:
Радуйся, всея вселенныя Державная Владычице.
Радуйся, спасения нашего присная Ходатаице.
Радуйся, Бога Отца Дщи возлюбленная.
Радуйся, Сына Божия Мати Пресвятая.
Радуйся, Бога Духа Святаго палато прекрасная.
Радуйся, небеси и земли Царице всепетая.
Радуйся, болящих Милосердная Целительнице.
Радуйся, вдов и сирот незримая Питательнице.
Радуйся, Благая Домостроительниц е, житие наше добре устрояющая.
Спасения залог от обдержащих нас скорбей и болезней даровася нам изображение честныя иконы Твоея, Богородительнице Дево, да вси, видяще являемую Тобою милость, вопиют со умилением Богу: Аллилуиа.
Стена еси ликом иноческим, Богородице Дево, и всем усердно к Тебе прибегающим, ибо небесе и земли Творец дарова мирови Тя, Матерь Свою, да будеши всем земнородным в помощь и спасение. Сего ради, предстояще пред образом Твоим святым, благоговейно воспеваем Тя пении сими:
Радуйся, всю вселенную любовию покрывающая.
Радуйся, от пагубных сетей верныя спасающая.
Радуйся, ангельских умов удивление.
Радуйся, человеческаго рода украшение.
Радуйся, спасения нашего главизно.
Радуйся, радосте наша и в сей, и в будущей жизни.
Радуйся, молитвам верных милостивно внемлющая.
Радуйся, любящим Тя любовию Твоею воздающая.
Радуйся, Благая Домостроительниц е, житие наше добре устрояющая.
Пение всеумиленное приносим Ти, небесе и земли Царице, и благодаряще Сына Твоего и Бога нашего за вся Его благодеяния нам, недостойным, ходатайством Твоим подаваемыя, со благоговением вопием Ему: Аллилуиа.
Светоприимную свещу зрим Тя, Владычице наша Богородице,:обра з бо Твой святый немерцающими лучами благодати Твоея мглу греховную прогоняет и на светлую стезю добродетелей наставляет с верою зовущих Ти сицевая:
Радуйся, Юже воспевают Небесная Воинства.
Радуйся, Юже превозносят сонмы святых.
Радуйся, радость велию всему роду человеческому даровавшая.
Радуйся, православным христианом путь спасения указующая.
Радуйся, радосте Божественнаго веселия.
Радуйся, мира всего покрове и спасение.
Радуйся, тихое пристанище странствующим.
Радуйся, блаженное покоище старости.
Радуйся, Благая Домостроительниц е, житие наше добре устрояющая.
Благодать Божественную подаждь нам, Пречистая Мати, да сею вспомоществуеми, по пути спасительному шествовати возможем и житием добродетельным Господу нашему угодити потщимся, Емуже непрестанно поем: Аллилуиа.
Поюще милости Твоя и величие Твое прославляя, Владычице наша Богородице, радуемся о Тебе, яко имамы таковую всеблагую и премилосердную Заступницу и Ходатаицу о нас пред Богом, и с любовию воспеваем Ти сице:
Радуйся, Купино Неопалимая.
Радуйся, Стено Нерушимая.
Радуйся, иноческих обителей покров и снабдение.
Радуйся, благочестивых домов и супружеств благословение.
Радуйся, скорбных утешающая.
Радуйся, недужных исцеляющая.
Радуйся, слабым и старым Помощнице.
Радуйся, алщущим и жаждущим Питательнице.
Радуйся, Благая Домостроительниц е, житие наше добре устрояющая.
О Всепетая Мати, Преславная Владычице Богородице! Приими сия моления наша, от всея души Тебе ныне нами возносимыя, и Сына Твоего и Бога нашего о нас умоли, Емуже покланяемся во Святей Троице и со умилением поем: Аллилуиа.
(Это кондак читается трижды, затем икос 1 и кондак 1)
О Пречистая Дево Богородице, Премилостивая Владычице, вышшая Ангел и Архангел, Царице небесе и земли, страны нашея православныя твердое ограждение, всякаго дома и семейства христианскаго Благоустроительн ице, труждающихся во благочестии благословение, нуждающихся неистощимое богатство, сирых и вдовиц Кормительнице, девствующих чистото и славо, матерей тихое веселие, отроков мудросте и научение, наставников и детоводителей совершенный разуме. Веруем в державный Твой покров над православным отечеством нашим и над малейшим из нас, искупленным Божественною Кровию Сына Твоего. Веруем, яко в сей иконе Твоей, в благословение от Святыя Горы Афонския нам данней, Сама Ты низпосылаеши Твое матернее благословение градом и весем нашим и коемуждо дому на Тя упование имущему. Темже со благоговейным трепетом и с благодарным сердцем преклоняемся пред сим новым знамением великия любве Твоея, Владычице, к нам, недостойным. Воспоминающе же Твое чудесное явление преподобному Афанасию Афонскому, некогда в нужде и скорби бывшему и, яко пребудеши присная Домостроительниц а его обители, от Тебе милостивное обещание приемшему, смиренно молимся Тебе: о Премилосердая Мати рода христианскаго, буди и нам, грешным и недостойным рабом Твоим, мудрая Домостроительниц а, житие наше добре устрояющая. Всякое сообщество, всякий дом и семейство во благочестии и Православии, единомыслии, послушании и довольстве соблюди, заблуждшия на путь правый настави, старость поддержи, младенцы воспитай, всех нас вразуми. Облегчи и возстави изнемогающия, сохрани люди Твоя от всякия нужды, болезни, глада, губительства, града, огня, от всякаго злаго обстояния и всякаго нестроения. Дому сему и всякой души христианстей и всей стране нашей исходатайствуй мир и велию милость ныне и присно и во веки веков. Аминь.
Загрузка...