Православные акафисты
Кондак 1
Избранной Богом от палат царских в Небесный Чертог Райский; блаженней старице Евфросинии, Христа ради юродивей, яко покровительнице нашей и молитвеннице похвальное принесем пение. Ты же, блаженная мати, яко имея дерзновение ко Господу, от всяких нас бед и болезней свободи, с любовию зовущих ти:
Радуйся, блаженная старице Евфросиние, Колюпановская похвало и всея земли Тульския преславное украшение.
Икос 1
Ангелом хранителем ко спасению наставляема, юная княжна Вяземская, презрев роскошь и богатство, славу и знатность и вся прелести суетнаго мира сего, оставила еси царский дворец, вступив на узкий и тернистый путь, ведущий в Царство Небесное. За сие приими от нас, блаженная, похвалы сия:
Радуйся, яко Бога ради из палат царских исшла еси.
Радуйся, яко ради спасения души своея вся земная презрела еси.
Радуйся, яко самопроизвольную нищету ради Христа избрала еси.
Радуйся, яко богатство нетленное и вечное обрела еси.
Радуйся, яко Небесному Жениху Христу уневестилася еси.
Радуйся, яко с мудрыми девами в Чертог Его Небесный вошла еси.
Радуйся, чистая голубице Христова.
Радуйся, непорочная Агнице Божия.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 2
Видяще, яко неудобно есть среде соблазн и суеты мирской, в роскошных палатах царских спастися, трие фрейлины царицы Екатерины II (Саломия, Марфа и Евфросиния) тайно изыдоша из дворца (яко древле праведный Лот из Содома греховнаго), воспевая призвавшему их Господу хвалебную песнь: Аллилуия.
Икос 2
Разум богомудрый стяжав, мудрыя девы, последуя Евангельским словам Спасителя, вся Его ради оставили есте, и совлекшись риз своих многоценных, на брезе пруда оставили есте их, да забвена будет память о них. И облекшеся в нищетныя рубища, изыдоша странницы Божия, последуя Господу, не имевшему где главы приклонити; сего ради зовем ти, мати:
Радуйся, совлекшись одежд своих, ветхаго человека совлеклася еси.
Радуйся, рубищным одеянием, яко ризою спасения облеклася еси.
Радуйся, для мира и лестных прелестей Его умерла еси.
Радуйся, яко для вечныя жизни душею воскресла еси.
Радуйся, родителей и други оставила еси.
Радуйся, яко всем сердцем Бога возлюбила еси.
Радуйся, яко сего ради сожительницею Ангелов сподобилася быти еси.
Радуйся, яко в лике дев святых Царице Небесной предстоиши днесь.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 3
Силою, данною ти свыше, блаженная, иго благое Сладчайшаго Господа нашего Иисуса Христа на ся с радостию возложила еси, и облекшись в Ангельский образ, в Серпуховской монастырь вселилася еси, выну поя с иночествующими девами Небесному Жениху Христу: Аллилуия.
Икос 3
Имущи велию любовь ко Господу, плоть свою, Евфросиние, распяла еси со страстьми и похотьми, бдением и трудами, постом и воздержанием, нестяжанием и смирением. Сего ради и вселися в тя Дух Святый, наставляя нас, грешных, ублажати тя сице:
Радуйся, яко царицу земную оставила еси.
Радуйся, яко покрова Царицы Небесной сподобилася еси.
Радуйся, яко из пучины соблазн мира сего неврежденно изшла еси.
Радуйся, сеть искушений бесовских, яко паучину расторгла еси.
Радуйся, смирением, яко царскою порфирою одеянная.
Радуйся, благодатию Духа Святаго облагоуханная.
Радуйся, верою крепкою и живою вооруженная.
Радуйся, крестным знамением и молитвою огражденная.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 4
Буря гонений и искушений найде на тя, мати, егда игумения монастыря повелела еси убити собак, их же ты в своей хижине имела еси. Смиряя себе, с ними на голом полу возлегала еси и, наказуя себя за аромат духов во дворце, злосмрадие от них терпела еси. И покинув монастырь, исшла еси, возлагая упование свое на Бога, в скорби сердца взывая к Нему: Аллилуия.
Икос 4
Слышавши глас Апостольский: “Мы убо буи Христа ради. и аще кто мнится мудр быти в вас в веце сем, буй да бывает, яко да премудр будет” (1 Кор. 3, 18-19), блаженная Евфросиние, высокого ума и образования, всю мудрость человеческую в ничто вменила еси, восприяв на ся юродство Христа ради, смиренно терпящи поругания и осмения людския. Изумляясь сим подвигом твоим, возглашаем ти, сия:
Радуйся, яко Апостольскому наставлению последовала еси.
Радуйся,яко мудрость века сего в буйство вменила еси.
Радуйся, яко Премудрость Божию Христа возлюбила еси.
Радуйся, насмешкам и поруганием людским, яко царскиим утварями себе украшала еси.
Радуйся, биение и оплевание, яко язвы Христовы на теле своем носила еси.
Радуйся, яко умерщвляя тело, на локтях в нощи почивала еси.
Радуйся, яко тяжелые вериги на себе возложила еси.
Радуйся, яко сим страсти плотския увядила еси.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 5
Боготечней звезде уподобилася еда, мати честная, проходя многия веси и селения, из Серпухова в село Колюпаново близ града Алексина переселилася еси, своим благочестием и душеполезными наставлениями приводя многих ко спасению, да славится всюду имя Святыя Троицы: Отца и Сына и Святаго Духа красным пением: Аллилуия.
Икос 5
Видевше людие града Алексина и окрестностей его ангелоподобное житие блаженной старицы и благодатныя дары прозорливости и исцеления недугов, Богом ей данные, потекоша к ней со своими скорбями и нуждами, с болезнями душевными и телесными. И получив помощь, славят свою благодетельницу тако:
Радуйся, яко дар благодатный прозрения от Бога прияла еси.
Радуйся, яко тем многих от пути нечестия отвратила еси.
Радуйся, целительнице язв душевных.
Радуйся, врачебнице болезней телесных.
Радуйся, скорбящих утешительнице.
Радуйся, о душах усопших усердная молитвеннице.
Радуйся, матерей детородящих скорое разрешение.
Радуйся, детей болящих врачевание.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 6
Проповедница Евангельских истин явилася еси блаженная, праведным житием своим показуя на себе в сии последние времена живой образ истиннаго христианства и подвижничества, поучающий и зовущий нас, грешных, оплетшихся земными пристрастиями и житейскими попечениями, взыскати спасения пути, ведущего в Царство Божие, идеже ангели и вси Святии немолчно поют Богу: Аллилуия.
Икос 6
Возсия свет Божией и спасительной благодати в душе юнаго купца, и благословением старицы Евфросинии, оставил все в мире сем, вступил в подвиг юродства Христа ради и подвижник изряден явился еси, блаженный Иоанн Тульский. Иныя же ея наставлением постригались в монашество и вселялись в святыя обители, доброй наставнице же своей благодарно взывали:
Радуйся, наставнице спасения.
Радуйся, подательнице святаго благословения.
Радуйся, пред Богом о нас теплая молитвеннице.
Радуйся, благочестия учительнице.
Радуйся, от козней вражиих души наши молитвою своею ограждающая.
Радуйся, в добродетелех христианских преуспевати нам помогающая.
Радуйся, нечестивых вразумительнице.
Радуйся, благочестивых покровительнице.
Радуйся, блаженная старице Евфросиние, Колюпановская похвало и всея земли Тулъския преславное украшение.
Кондак 7
Хотя скрыти свое духовное делание от человеческих взоров, юродствовала еси, блаженная. И часто видя ея юродство и слыша непонятные слова, глумились людие над нею. Она же, терпяще все Бога ради, благословляла имя Господне, воспевая: Аллилуия.
Икос 7
Новую благодать дарова тебе, мати, Господь: безвредно бо в зимний мраз и студень босая и в ветхои одежде ходила еси, праведнице святая, подвизая нас возглашати тебе со умилением:
Радуйся, яко естества уставы силою Божиею победила еси.
Радуйся, яко зимний мраз и летний вар терпела еси.
Радуйся, яко тело свое сими подвигами духу покорила еси.
Радуйся, теплотою Духа Святаго согретая.
Радуйся, пламенем любве божественныя воспламененная.
Радуйся, яко многострадальным житием своим мучеником уподобилася еси.
Радуйся, яко смирением своим главу змиеву попрала еси.
Радуйся, яко бесов прогонительнице явилася еси.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 8
Странно бысть людем мирским видети старицу, главу имущу острижену, тряпицею повязану, босую, в едином капоте, вервием подпоясанну, с медным крестом на груди, с палицею в руках. И ея же не бе достоин весь мир, бесчестием и поруганием оскорбляти, не ведуще ея духовнаго совершенства, ни еже Богу пети благоразумно: Аллилуия.
Икос 8
Вся еси и всем дивна и славна явилася еси, блаженная, подобно древним святым в последняя лета сия просияла еси богоугодным житием и благодатию, данною от Бога: недуги исцеляти, будущее яко настоящее прозирати. За вся сия воспеваем ти сицевая:
Радуйся, яко научением псалмопевца Давида сна очесем своим и веждома дремания не давала еси.
Радуйся, яко бодренно в полунощи Жениха Небеснаго ожидала еси.
Радуйся, яко терпением своим Иову праведному соравнялася еси.
Радуйся, яко в болезни подобно Илии пророку враном питаема была еси.
Радуйся, яко преподобный Алексий, человек Божий, дом и родителей Бога ради оставила еси.
Радуйся, яко блаженной Исидоре подражала еси.
Радуйся, на гноище и сметище яко блаженный Христа ради юродивый Андрей возлегала еси.
Радуйся, яко подобно Василию Блаженному, зимой и летом босая ходила еси.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 9
Всякия болезни исцеляет святый кладезь, егоже своими руками святая ископала еси близ реки Оки, говоря всем: берите воду из моего кладезя и здрави будете. Иже и доныне изливает свои студеные воды на врачевание недуг человеческих, во славу Божию и на радость православным людем, поющим о сем благодарно Богу: Аллилуия.
Икос 9
Витийство человеческое не может изрещи тесноты и величия подвига твоего, святая, так непостижимаго для нашего фарисейскаго разума, к земле приверженнаго. Един токмо Господь весть прославляти святыя своя: посему и ангелы своя в белоснежных одеяниях посла пред смертию звати тя в Небесная селения. И ныне, слыша их райское пение, преклонися милостиво и к нашим хвалениям убогим, ими же недоумевающе по достоянию восхваляти тя, зовем ти:
Радуйся, града нашего Алексина похвало и ограждение.
Радуйся, прибежище наше в скорбех и в болезнех утешение.
Радуйся, яко нам, грешным, водою источника своего исцеления подавающая.
Радуйся, яко чтущим память твою святую во всем помогающая.
Радуйся, яко юродством своим мудрецов века сего посрамила еси.
Радуйся, яко идеалы христианского благочестия в себе воплотила еси.
Радуйся, яко имя твое между праведными и святыми почитается на земли.
Радуйся, яко с ними ныне ликуеши на небеси.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 10
Спасти хотя душу свою, трудным путем подвижничества и юродства всю свою долгую, вековую жизнь шествовала еси, мати Евфросиние, дондеже достигла еси вечнаго Небеснаго блаженства, радостно зовуще Спасителю Богу: Аллилуия.
Икос 10
Стена,ограждающая от напастей, бед и болезней, всем к помощи и заступлению твоему прибегающим явилася еси, блаженная, при жизни и по смерти. Тем же и нас, насельников града Алексина, огради предстательством своим от враг видимых и невидимых, от скорбей и болезней, зовущих ти:
Радуйся, слепым прозрение подавающая.
Радуйся, хромым хождение исправляющая.
Радуйся, водами источника, кладезя своего, немощных врачующая.
Радуйся, от одра болезни многих возставляющая.
Радуйся, в скорбех и обстояниях бедствующим помогающая.
Радуйся, на спасения стези нас наставляющая.
Радуйся, яко и о нас, недостойных, к Богу молящаяся.
Радуйся, яко и нас от искушений бесовских ходатайством своим покрываеши.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 11
Пение благодарственное приносим Христу Богу нашему, даровавшему нам православную угодницу свою, скорую во всех скорбех помощницу и чудотворицу, поюще Ему: Аллилуия.
Икос 11
Светозарный светильник души своея имея выну горящим, мирно и тихо причастившись Пречистых Тайн Христовых, блаженная, отошла ко Господу. Небесным блаженством сиял по смерти святолепный лик старицы, и несказанное благоухание исходило от многострадальнаго тела ея. Множество народа с любовию и слезами провожало в последний путь праведницу Божию, вопиюще:
Радуйся, самопроизвольная мученице.
Радуйся, святая праведнице.
Радуйся, яко вся добрая дела своя в тайне совершала еси.
Радуйся, распятием плоти, уничижением и смирением страждущему на Кресте Христу подражала еси.
Радуйся, яко в храме Царицы Небесной телом опочила еси.
Радуйся, яко духом предстати Престолу Всевышняго сподобилася еси.
Радуйся, яко ныне венцем райским от Господа увенчана еси.
Радуйся, и нас, почитающих тя, пред Богом помянути не забывающая.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 12
Благодать, данную тебе от Бога, блаженная, сведуще, тебе просим и молим: не остави нас ходатайством своим, испроси нам грехов прощение, болезней исцеление, наветов вражиих прогнание, да спасшеся, прославим великое милосердие Божие, восклицая: Аллилуия.
Икос 12
Поюще дивнаго во святых своих Бога, ублажаем и свято чтим в безчисленном сонме святых Его блаженную старицу Евфросинию, прося ея молитв, помощи и благословения на вся труды и дела наша. Ты же услыши нас, мати, величающих тя сице:
Радуйся, дево святая премудрая.
Радуйся, невесто Христова пречудная.
Радуйся, Божия избраннице.
Радуйся, наша пред Богом предстательнице.
Радуйся, мужественно крест свой понесшая на земли.
Радуйся, ныне вечно с Господом радуешися на Небеси.
Радуйся, блаженная старице, всеми любимая.
Радуйся, на небеси и на земли славимая и блажимая.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 13
О блаженная старице Евфросиние, не возгнушайся похвалами недостойными нашими, но приими малое моление сие наше и испроси у Господа вся благая на пользу душ и телес наших, да сподобимся и мы купно с тобою в вечной жизни воспевати Богу: Аллилуия.
Сей Кондак читается трижды, затем Икос 1 и Кондак 1.
Молитва блаженной старице Евфросинии Колюпановской, христа ради юродивой
О мати блаженная Евфросиние. На земли юродивая, на небеси премудрая. Прошедши доблественно свой столетний путь земной, ныне с высоты небес призри на нас грешных в море житейском обуреваемых: от плоти — страстьми и болезнями, от мира — досаждениями и соблазнами, от диавола — многочисленными кознями, и уже близ потопления есть кораблики душ наших, не имуще крепкаго якоря веры, надежду полагающе на свои силы и человеческую помощь, с угасшим светильником любви и благочестия. Не закосни, матушка Евфросиния, помощи нам, не по достоинству нашему, но по милосердию, подобясь всемилостивому Спасу нашему Иисусу Христу. Укрепи нас с вере, надежде и любви, хладных и черствых сердцем согрей своим участием, болезни наши уврачуй, скорби и печали отыми от нас, на скользком пути сем земном подаждь нам руку помощи, да укрепившись телом и душею, с терпением крест свой понесем, с упованием на Бога и твое скорое предстательство, и да сподобимся по смерти вечныя, блаженныя жизни, славяще Отца и Сына и Свята-го Духа во веки веков. Аминь.
Тропарь блаженной старице Евфросинии Колюпановской, христа ради юродивой, глас 4
Вся красная мира сего призрела еси (дворец Царский оставив), юродство Христа ради на ся восприяла еси блаженная мати Евфросиние. Сего ради с мудрыми девами в Небесный Чертог Жениха Христа вошла еси, моляся о всех нас.
Кондак блаженной старице Евфросинии Колюпановской, христа ради юродивой, глас 2
Премудростию Божиею наставляема, юродивою на земле пожила еси, мудрость века сего в буйство вменив, венцем нетленным от Христа Бога за сие увенчалася еси, в лики святых на Небеси водворяяся, блаженная мати Евфросиние.
Акафист преподобной Евфросинии, великой княгине Московской
Кондак 1
Избранной от рода державнаго угоднице Христовой Евфросинии, яко крепкой заступнице и молитвеннице нашей, похвальная восписуем ти, чтущия тя. Ты же, яко имущая дерзновение ко Господу, Того умоли избавитися нам бед и скорбей, и в будущем веце небесное улучити царствие, да зовем ти:
Радуйся, преподобная княгине Евфросиние.
Икос 1
Ангельское воистину безстрастие еще на земли стяжала еси, преподобная, нивочтоже вменяющи княжения славу, богатств обилие, вся мира красная, о юности и красоте телесней нерадивши, непрестанными же к Богу молитвами, бдением и постом плоть изнуривши и душу добродетельми украсивши. Сицевому равноангельному житию твоему удивляющеся, сия вопием ти, преподобная:
Радуйся, от младых лет спасения взыскавшая; радуйся в молитвах к Богу прилежавшая.
Радуйся, в напастех на Него единаго упование полагавшая; радуйся, в сане княжестем смирение сохранившая.
Радуйся, во власти державней кротость ко всем соблюдшая; радуйся, к нищим милосердие неоскудное показавшая.
Радуйся, в чертозе княжестем иночески пожившая; радуйся, в неговании двора царскаго постническое житие явившая.
Радуйся, преподобная княгине Евфросиние.
Кондак 2
Видящи преподобная в доме отчем заповедей Божиих усердное хранение и в благочестии преспеяние, от юности навыче о спасении душевнем паче всего ревновати и в теплых к Богу молитвах Ему воспевати: Аллилуиа.
Икос 2
Разум во благочестии утвержден имущи преподобная, не земныя радости в супружестве взыскаше, но паче всех супругу в добродетелех подражаше и того к делом добрым подвизаше, со тщанием к почести вышняго звания течаше. Сицевое житие преподобныя похваляюще, возопиим к ней таковая:
Радуйся, Бога паче всех возлюбльшая; радуйся, в жизни славней нощи в молитвах пребывати не оставльшая.
Радуйся, во обилии благ земных постнической жизни навыкшая; радуйся, в мирстей жизни чистоту сердца сохраншая.
Радуйся, супружеств христианских удобрение; радуйся, жен благочестивых украшение.
Радуйся, во обилии благ живущим благочестия образ подавшая; радуйся, во славе сущим христианскаго жития правило показавшая.
Радуйся, преподобная княгине Евфросиние.
Кондак 3
Сила Вышняго присно невредиму тя сохрани, преподобная, егда смертоносная язва многи окрест тебе погубляше, и многажды в нахождениих врагов безбожных соблюдаше тя от меча их и пленения. Темже, Бога благодарящи, вопияла еси: Аллилуиа.
Икос 3
Имущи сердце милостивое и к людем страждущим удобь преклонное, во всех града и княжения напастех, в запалениих огненных, в нахождениих и губительствах вражиих первее к Богу обыкла еси, преподобная, с молитвою теплою прибегати и к той вся люди подвизати. Темже, почитающе твое теплое к Богу о людех ходатайство и скорую бедствующим помощь, вопием ти сицевая:
Радуйся, гнев Божий молитвами твоими утолявшая; радуйся, в бедах и напастех помощь Божию обретавшая.
Радуйся, крова лишенным пристанище уготовлявшая; радуйся, от врагов разоренным снабдение подававшая.
Радуйся, состраданием скорби бедствующих утолявшая; радуйся, милосердием нищету обнищавших отгонявшая.
Радуйся, душу ко всем милосерду имевшая; радуйся, во мнозех благотворениих любовь к людем показавшая.
Радуйся, преподобная княгине Евфросиние.
Кондак 4
Буря скорбных помышлений обдержаше тя, преподобная, егда юный князь, блага ради людей своих, волею пойде в жилище ярящихся злонравных агарян, яко овча в ложа дивиих зверей, и паки, егда сын твой два лета проживе в пленении у безбожных врагов. Ты же, скорби сердца твоего пред Господем единым в молитвах теплых изливающи, Ему непрестанно взывала еси: Аллилуиа.
Икос 4
Слышавше иногда безбожнии агаряне твое, преподобная, из царствующаго града удаление, гнаша вслед тебе, в плен яти тя хотяще. Ты же, Богом сохраняема, избегла еси рук вражиих, и Бога благодарящи, многи храмы и обители иноческия воздвигла еси. Темже, ведуще твою теплую к Богу любовь, вопием ти сицевая:
Радуйся, непрестанными молитвенными хвалении Бога прославлявшая; радуйся, в непрестанную жертву благодарения Ему храмы многи создавшая.
Радуйся, приметатися во дворех Божиих возлюбившая; радуйся, в мирстей жизни высоту иноческаго жития познавшая.
Радуйся, во славе светлаго княжения суету мирскаго жития уразумевшая; радуйся, мира суету уразумевшим пристанище тихое во обителех уготовавшая.
Радуйся, спасения душевнаго присно желавшая; радуйся, спастися хотящих к жизни иноческой призывавшая.
Радуйся, преподобная княгине Евфросиние.
Кондак 5
Боготечная звезда явилася еси, преподобная, в житии твоем, егда супружеских уз отрешившися, всецело Господу себе предала еси, постом и молитвами работающи Ему день и нощь и непрестанно вопиющи Ему: Аллилуиа.
Икос 5
Видящи, преподобная, себе по смерти мужа сиротствующу, возжела на служение единому Богу себе предати, обаче, воспитания ради чад, до времени в чертозех княжеских жити и о делех земных попечение имети понуждаема, умысли в тайне Богу работати, зельным пощением тело юное изнуряющи, людем же в светлых ризах и красну лицем себе являющи. Той единому Богу ведомыя подвиги почитающе, возопиим к ней таковая:
Радуйся, в тайне Богу послужившая; радуйся, сокровенно от людей Тому угодившая.
Радуйся, Давидски в полунощи на молитву восстававшая; радуйся, во дни бодрственно дела земная совершавшая.
Радуйся, псаломски утро в молениих предварявшая; радуйся, до нощи во обычных о чадех и людех попечениих пребывавшая.
Радуйся, яко пред Богом псаломски во вретищи и стенании душу твою смирила еси; радуйся, яко пред людьми евангельски во умащении главы и в светелости лица и одеяния себе являла еси.
Радуйся, преподобная княгине Евфросиние.
Кондак 6
Проповеднику премудрому согласующися, глаголала еси, преподобная, в сердцы твоем: всяческая в мире суета сует. Темже тихое от суеты убежище — обитель святую сию создала еси, еже бы в ней мира удалившися, в мире и безмолвии пети Богу: Аллилуиа.
Икос 6
Возсия в сердцы твоем, преподобная, светлая благодати луча, тайными молитвами и подвигами возжигаемая, еяже сияния не терпя древний враг, восхоте возмутити душу твою, наустив лукавыя люди хулы глаголати о житии твоем. Ты же клеветы слышащи, духом пребывала еси в Бозе утвержденна и помыслом не смущенна. Темже вопием ти, преподобная:
Радуйся, неправедное поношение без гнева терпевшая; радуйся, злокозненное хуление несмущенно понесшая.
Радуйся, за ревность о чистоте сердца в нечистоте жития оклеветаемая; радуйся, за зельное тела умерщвление в житии сластопитанном укоряемая.
Радуйся, от Бога единаго похвалы на суде Его желавшая; радуйся, славы токмо на небесех искавшая.
Радуйся твердое терпение во озлоблении соблюдшая; радуйся, смирением козни вражия расторгшая.
Радуйся, преподобная княгине Евфросиние.
Кондак 7
Хотяй Господь тайныя твоя в добродетелех подвиги ведомы людем соделати, попусти диаволу бурю воздвигнути на тя поношений и оклеветаний, да известно уведевше святое твое житие, прославят вси Бога, дивнаго в тайных рабех Своих, присно вопиюще Ему: Аллилуиа.
Икос 7
Новую показа добродетели высоту преподобная Евфросиния, егда, видящи чад своих злыми о ней клеветами смущаемых, призва я тайно и часть одежд пред ними откры, яко видети бе мощно тело ея, от поста и зельных подвигов изсохшее и очернелое, и плоть костем прильпнувшу; и тако смущение от сердец их отгнавши, никомуже поведати виденное повеле. Таковей преподобныя добродетели дивящеся, возопиим к ней сицевая:
Радуйся, во глубине смирения подвиги твоя от всех скрывавшая; радуйся, в широте любве чадом твоим оныя явившая.
Радуйся, очищения ради своея души, поношение безчестия терпеливо понесшая; радуйся, избавления ради чад своих от греха осуждения, чистоту жития своего показавшая.
Радуйся, обиды от людей Судии Богу предавшая; радуйся, худыя помыслы чад своих во благо исправившая.
Радуйся, во уверение истины подвиги твоя им открывшая; радуйся, во избежание славы, уста их молчанием заградившая.
Радуйся, преподобная княгине Евфросиние.
Кондак 8
Странное видение плоти твоея, яко уже умершия, зряще сынове твои и жестокое твое житие уразумевше, страхом одержими, Богу, укрепившему тя в подвизех, вопияху прилежно: Аллилуиа.
Икос 8
Весь сонм злословящих людей хотяху чада твоя наказати, егда уведаша твоего жития чистоту и уразумеша велию злобу поношающих тя; ты же, яко незлобивая, никакоже попустила еси отмстити обидящим, от Бога единаго чающи оправдания своего. Темже вопием ти, преподобная:
Радуйся, сердцем кроткая; радуйся, духом незлобивая.
Радуйся, ко обидам терпеливая; радуйся ко обидящим негневливая.
Радуйся, в терпении обид Христу Богу подобящаяся; радуйся, от Бога единаго своего оправдания ожидавшая.
Радуйся, поношение терпением победившая; радуйся, ко обидящим любовь сохранившая.
Радуйся, преподобная княгине Евфросиние.
Кондак 9
Все естество Ангельское возвеселися, егда Архистратиг Небесных Сил, предстояй Престолу Божию, послан бысть к тебе, преподобная, ко исходу душу твою уготовати, и Богу, сице благоизволившему, вопияху: Аллилуиа.
Икос 9
Витии многовещанныя не возмогут по достоянию восхвалити твое ангельское безстрастие и чистоту ока душевнаго, яко, во плоти сущи, от Архистратига Божия посещения сподобилася еси и от него извещение о исходе из сего временнаго жития прияла еси. Мы же, таковую тебе от Бога данную благодать чтуще, вопием ти, преподобная:
Радуйся, безстрастием Ангелом соревновавшая; радуйся, Архангельскаго посещения сподобльшаяся.
Радуйся, сиянием Ангельскаго света осиянная; радуйся, благоуханием святыни от Архангела облагоуханная.
Радуйся, о изшествии из мира от Господа предызвещенная; радуйся, явлением Ангельским от всего земнаго отрешенная.
Радуйся, яко Архистратиг Божий явлением своим князя воздушных мытарств от тебе далече отгна; радуйся, яко своим благодатным посещением победу на диавола тебе дарова.
Радуйся, преподобная княгине Евфросиние.
Кондак 10
Спасти хотящи душу твою, преподобная, егда от Ангела весть о скором от жития сего исходе прияла еси, внити в созданную тобою обитель ускорила еси, да тамо в безмолвии работающи Богу, воспеваеши Ему: Аллилуиа.
Икос 10
Стена еси твердая и ограждение необоримое обители, тобою созданней, преподобная, еже и яви Господь, еще грядущей тебе во обитель: многи бо на пути недужныя исцелила еси и во обитель вошла еси не яко новоначальная, но яко славная чудотворица. Темже, прославляюще тя, вопием ти, преподобная:
Радуйся, явлением твоим слепцу исцеление обещавшая; радуйся, прикосновением ризы зрение тому подавшая.
Радуйся, болящих в житии твоем нужным снабдевавшая; радуйся, тридесяти недужным при вхождении во обитель исцеление даровавшая.
Радуйся, во обитель шедшая по смирению, яко новоначальная; радуйся, в тую вшедшая по благодати Божией, яко чудотворица прехвальная.
Радуйся, благодать Божию с собою во обитель вводящая; радуйся, вхождением своим украшение святолепное ей преподавшая.
Радуйся, преподобная княгине Евфросиние.
Кондак 11
Пение всеумиленное принесла еси, преподобная, благодарственная восписующи Господу, сподобльшему тя иноческое пострижение прияти, к нему же во всем житии душу твою предуготовляла еси, да мира сего отлучившися и ничимже земным смущаема, вопиеши Богу: Аллилуиа.
Икос 11
Светозарная свеща иночествующим показася житие твое во обители, преподобная: аще бо и не многи дни во иночестве пожила еси, обаче всякия иноческия добродетели образ преизящный в себе явила еси. Темже, восхваляюще тя, сицевая вопием ти, преподобная:
Радуйся, вольнаго мира оставления преизящная наставнице; радуйся, правило усерднаго за вся люди моления.
Радуйся, совершеннаго своей воли отсечения премудрое наставление; радуйся, душевныя и телесныя чистоты светило изрядное.
Радуйся, умерщвления плоти образе преизящный; радуйся, мирнаго купножития наставнице.
Радуйся, умныя к Богу молитвы образе; радуйся, святаго на земли жития зерцало.
Радуйся, преподобная княгине Евфросиние.
Кондак 12
Благодати исполнена и благих дел, яко добре течение земное совершившая, в мире преставилася еси от земных к небесным, идеже веселящися предстоиши Господу и вопиеши Ему: Аллилуиа.
Икос 12
Поюще твоя многообразная людем благодеяния, восхваляем тя вси, преподобная мати Евфросиние, независтно подающую исцеления с верою к тебе прибегающим и вопиющим ти:
Радуйся, яко на небесех ныне пред Господем предстоиши; радуйся, яко о людех пред Богом выну предстательствуеши.
Радуйся, града твоего крепкое ограждение; радуйся, обители твоея незыблемое утверждение.
Радуйся, о благом преспеянии иночествующих тепле молящаяся; радуйся, о утверждении добре живущих в мире Бога просящая.
Радуйся, чтущих память твою пред Богом поминающая; радуйся, о прославляющих тя Бога молящая.
Радуйся, преподобная княгине Евфросиние.
Кондак 13
О, прехвальная угоднице Божия, преподобная княгине Евфросиние! Приими смиренное сие хваление наше и твоим теплым предстательством у Царя Славы испроси нам в немощех исцеление, в добродетелех преспеяние, от врагов видимых и невидимых избавление, от вечныя муки свобождение и Царства Небеснаго наследие, да с тобою присно поем Богу: Аллилуиа.
Этот кондак читается трижды, затем читается 1-й икос: «Ангельское воистину. » и 1-й кондак: «Избранной от рода державного. ».
Молитва
О, преподобная княгине Евфросиние, добляя в женах подвижнице, прехвальная угоднице Христова! Приими моление о нас, недостоиных, с верою и любовию к тебе припадающих, и теплым к Богу ходатайством испроси граду Москве и людем от бед и напастей сохранение, споспешествуй, яко чадолюбивая мати, чадом, тобою собранным, понести иго Христово во благодушии и терпении и добре подвизатися ко исправлению жития своего, еже ко спасению; в мире благочестно живущим испроси у Господа в вере твердость, во благочестии преспеяние и всем, с верою прибегающим к тебе и твоея просящим помощи и заступления, подавай всегда недугов исцеление, в скорбех утешение и во всем житии благопоспешение, наипаче же умоли Господа в мире и покаянии земное житие преити нам, мытарств горьких и мук вечных избавится и Царство Небесное твоим ходатайством получити, идеже ты со всеми святыми Господу предстоиши, да всегда славим Отца и Сына и Святаго Духа, ныне и в безконечныя веки веков. Аминь.
Акафист
Акафист блаженной старице Евфросинии Колюпановской, Христа ради юродивой.
Кондак 1
Избранной Богом от палат царских в Небесный Чертог Райский; блаженней старице Евфросинии, Христа ради юродивей, яко покровительнице нашей и молитвеннице похвальное принесем пение. Ты же, блаженная мати, яко имея дерзновение ко Господу, от всяких нас бед и болезней свободи, с любовию зовущих ти:
Радуйся, блаженная старице Евфросиние, Колюпановская похвало и всея земли Тульския преславное украшение.
Икос 1
Ангелом хранителем ко спасению наставляема, юная княжна Вяземская, презрев роскошь и богатство, славу и знатность и вся прелести суетнаго мира сего, оставила еси царский дворец, вступив на узкий и тернистый путь, ведущий в Царство Небесное. За сие приими от нас, блаженная, похвалы сия:
Радуйся, яко Бога ради из палат царских исшла еси;
Радуйся, яко ради спасения души своея вся земная презрела еси.
Радуйся, яко самопроизвольную нищету ради Христа избрала еси;
Радуйся, яко богатство нетленное и вечное обрела еси.
Радуйся, яко Небесному Жениху Христу уневестилася еси;
Радуйся, яко с мудрыми девами в Чертог Его Небесный вошла еси.
Радуйся, чистая голубице Христова;
Радуйся, непорочная Агнице Божия.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 2
Видяще, яко неудобно есть среде соблазн и суеты мирской, в роскошных палатах царских спастися, трие фрейлины царицы Екатерины II (Саломия, Марфа и Евфросиния) тайно изыдоша из дворца (яко древле праведный Лот из Содома греховнаго), воспевая призвавшему их Господу хвалебную песнь: Аллилуия.
Икос 2
Разум богомудрый стяжав, мудрыя девы, последуя Евангельским словам Спасителя, вся Его ради оставили есте, и совлекшись риз своих многоценных, на брезе пруда оставили есте их, да забвена будет память о них. И облекшеся в нищетныя рубища, изыдоша странницы Божия, последуя Господу, не имевшему где главы приклонити; сего ради зовем ти, мати:
Радуйся, совлекшись одежд своих, ветхаго человека совлеклася еси;
Радуйся, рубищным одеянием, яко ризою спасения облеклася еси.
Радуйся, для мира и лестных прелестей Его умерла еси;
Радуйся, яко для вечныя жизни душею воскресла еси.
Радуйся, родителей и други оставила еси;
Радуйся, яко всем сердцем Бога возлюбила еси.
Радуйся, яко сего ради сожительницею Ангелов сподобилася быти еси;
Радуйся, яко в лике дев святых Царице Небесной предстоиши днесь.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 3
Силою, данною та свыше, блаженная, иго благое Сладчайшаго Господа нашего Иисуса Христа на ся с радостию возложила еси, и облекшись в Ангельский образ, в Серпуховской монастырь вселилася еси, выну поя с иночествующими девами Небесному Жениху Христу: Аллилуия.
Икос 3
Имущи велию любовь ко Господу, плоть свою, Евфросиние, распяла еси со страстьми и похотьми, бдением и трудами, постом и воздержанием, нестяжанием и смирением. Сего ради и вселися в тя Дух Святый, наставляя нас, грешных, ублажати тя сице:
Радуйся, яко царицу земную оставила еси;
Радуйся, яко покрова Царицы Небесной сподобилася еси.
Радуйся, яко из пучины соблазн мира сего неврежденно изшла еси;
Радуйся, сеть искушений бесовских, яко паучину расторгла еси.
Радуйся, смирением, яко царскою порфирою одеянная;
Радуйся, благодатию Духа Святаго облагоуханная.
Радуйся, верою крепкою и живою вооруженная;
Радуйся, крестным знамением и молитвою огражденная.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 4
Буря гонений и искушений найде на тя, мати, егда игумения монастыря повелела еси убити собак, их же ты в своей хижине имела еси. Смиряя себе, с ними на голом полу возлегала еси и, наказуя себя за аромат духов во дворце, злосмрадие от них терпела еси. И покинув монастырь, исшла еси, возлагая упование свое на Бога, в скорби сердца взывая к Нему: Аллилуия.
Икос 4
Слышавши глас Апостольский: «Мы убо буи Христа ради. и аще кто мнится мудр быти в вас в веце сем, буй да бывает, яко да премудр будет» (1 Кор. 3, 18-19), блаженная Евфросиние, высокого ума и образования, всю мудрость человеческую в ничто вменила еси, восприяв на ся юродство Христа ради, смиренно терпящи поругания и осмения людския. Изумляясь сим подвигом твоим, возглашаем ти, сия:
Радуйся, яко Апостольскому наставлению последовала еси;
Радуйся, яко мудрость века сего в буйство12 вменила еси.
Радуйся, яко Премудрость Божию Христа возлюбила еси;
Радуйся, насмешкам и поруганием людским, яко царскими утварями себе украшала еси.
Радуйся, биение и оплевание, яко язвы Христовы на теле своем носила еси;
Радуйся, яко умерщвляя тело, на локтях в нощи почивала еси.
Радуйся, яко тяжелые вериги на себе возложила еси;
Радуйся, яко сим страсти плотския увядила еси.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 5
Боготечней звезде уподобилася еда, мати честная, проходя многия веси и селения, из Серпухова в село Колюпаново близ града Алексина переселилася еси, своим благочестием и душеполезными наставлениями приводя многих ко спасению, да славится всюду имя Святыя Троицы: Отца и Сына и Святаго Духа красным пением: Аллилуия.
Икос 5
Видевше людие града Алексина и окрестностей его ангелоподобное житие блаженной старицы и благодатныя дары прозорливости и исцеления недугов, Богом ей данные, потекоша к ней со своими скорбями и нуждами, с болезнями душевными и телесными. И получив помощь, славят свою благодетельницу тако:
Радуйся, яко дар благодатный прозрения от Бога прияла еси;
Радуйся, яко тем многих от пути нечестия отвратила еси.
Радуйся, целительнице язв душевных; радуйся, врачебнице болезней телесных.
Радуйся, скорбящих утешительнице;
Радуйся, о душах усопших усердная молитвеннице.
Радуйся, матерей детородящих скорое разрешение;
Радуйся, детей болящих врачевание.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 6
Проповедница Евангельских истин явилася еси блаженная, праведным житием своим показуя на себе в сии последние времена живой образ истиннаго христианства и подвижничества, поучающий и зовущий нас, грешных, оплетшихся земными пристрастиями и житейскими попечениями, взыскати спасения пути, ведущего в Царство Божие, идеже ангели и вси Святии немолчно поют Богу: Аллилуия.
Икос 6
Возсия свет Божией и спасительной благодати в душе юнаго купца, и благословением старицы Евфросинии, оставил все в мире сем, вступил в подвиг юродства Христа ради и подвижник изряден явился еси, блаженный Иоанн Тульский. Иныя же ея наставлением постригались в монашество и вселялись в святыя обители, доброй наставнице же своей благодарно взывали:
Радуйся, наставнице спасения;
Радуйся, подательнице святаго благословения.
Радуйся, пред Богом о нас теплая молитвеннице;
Радуйся, благочестия учительнице.
Радуйся, от козней вражиих души наши молитвою своею ограждающая;
Радуйся, в добродетелех христианских преуспевати нам помогающая.
Радуйся, нечестивых вразумительнице;
Радуйся, благочестивых покровительнице.
Радуйся, блаженная старице Евфросиние, Колюпановская похвало и всея земли Тулъския преславное украшение.
Кондак 7
Хотя скрыти свое духовное делание от человеческих взоров, юродствовала еси, блаженная. И часто видя ея юродство и слыша непонятные слова, глумились людие над нею. Она же, терпяще все Бога ради, благословляла имя Господне, воспевая: Аллилуия.
Икос 7
Новую благодать дарова тебе, мати, Господь: безвредно бо в зимний мраз и студень босая и в ветхой одежде ходила еси, праведнице святая, подвизая нас возглашати тебе со умилением:
Радуйся, яко естества уставы силою Божиею победила еси;
Радуйся, яко зимний мраз и летний вар терпела еси.
Радуйся, яко тело свое сими подвигами духу покорила еси;
Радуйся, теплотою Духа Святаго согретая.
Радуйся, пламенем любве божественныя воспламененная;
Радуйся, яко многострадальным житием своим мучеником уподобилася еси.
Радуйся, яко смирением своим главу змиеву попрала еси;
Радуйся, яко бесов прогонительнице явилася еси.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 8
Странно бысть людем мирским видети старицу, главу имущу острижену, тряпицею повязану, босую, в едином капоте, вервием подпоясанну, с медным крестом на груди, с палицею в руках. И ея же не бе достоин весь мир, бесчестием и поруганием оскорбляти, не ведуще ея духовнаго совершенства, ни еже Богу пети благоразумно: Аллилуия.
Икос 8
Вся еси и всем дивна и славна явилася еси, блаженная, подобно древним святым в последняя лета сия просияла еси богоугодным житием и благодатию, данною от Бога: недуги исцеляти, будущее яко настоящее прозирати. За вся сия воспеваем ти сицевая:
Радуйся, яко научением псалмопевца Давида сна очесем своим и веждома дремания не давала еси;
Радуйся, яко бодренно в полунощи Жениха Небеснаго ожидала еси. Радуйся, яко терпением своим Иову праведному соравнялася еси;
Радуйся, яко в болезни подобно Илии пророку враном питаема была еси.
Радуйся, яко преподобный Алексий, человек Божий, дом и родителей Бога ради оставила еси;
Радуйся, яко блаженной Исидоре подражала еси.
Радуйся, на гноище и сметище яко блаженный Христа ради юродивый Андрей возлегала еси;
Радуйся, яко подобно Василию Блаженному, зимой и летом босая ходила еси.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 9
Всякия болезни исцеляет святый кладезь, егоже своими руками святая ископала еси близ реки Оки, говоря всем: Берите воду из моего кладезя и здрави будете. Иже и доныне изливает свои студеные воды на врачевание недуг человеческих, во славу Божию и на радость православным людем, поющим о сем благодарно Богу: Аллилуия.
Икос 9
Витийство человеческое не может изрещи тесноты и величия подвига твоего, святая, так непостижимаго для нашего фарисейскаго разума, к земле приверженнаго. Един токмо Господь весть прославляти святыя своя: посему и ангелы своя в белоснежных одеяниях посла пред смертию звати тя в Небесная селения. И ныне, слыша их райское пение, преклонися милостиво и к нашим хвалениям убогим, ими же недоумевающе по достоянию восхваляти тя, зовем ти:
Радуйся, града нашего Алексина похвало и ограждение;
Радуйся, прибежище наше в скорбех и в болезнех утешение.
Радуйся, яко нам, грешным, водою источника своего исцеления подавающая;
Радуйся, яко чтущим память твою святую во всем помогающая.
Радуйся, яко юродством своим мудрецов века сего посрамила еси;
Радуйся, яко идеалы христианского благочестия в себе воплотила еси.
Радуйся, яко имя твое между праведными и святыми почитается на земли;
Радуйся, яко с ними ныне ликуеши на небеси.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 10
Спасти хотя душу свою, трудным путем подвижничества и юродства всю свою долгую, вековую жизнь шествовала еси, мати Евфросиние, дондеже достигла еси вечнаго Небеснаго блаженства, радостно зовуще Спасителю Богу: Аллилуия.
Икос 10
Стена, ограждающая от напастей, бед и болезней, всем к помощи и заступлению твоему прибегающим явилася еси, блаженная, при жизни и по смерти. Тем же и нас, насельников града Алексина, огради предстательством своим от враг видимых и невидимых, от скорбей и болезней, зовущих ти:
Радуйся, слепым прозрение подавающая;
Радуйся, хромым хождение исправляющая.
Радуйся, водами источника, кладезя своего, немощных врачующая;
Радуйся, от одра болезни многих возставляющая.
Радуйся, в скорбех и обстояниях бедствующим помогающая;
Радуйся, на спасения стези нас наставляющая.
Радуйся, яко и о нас, недостойных, к Богу молящаяся;
Радуйся, яко и нас от искушений бесовских ходатайством своим покрываеши.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 11
Пение благодарственное приносим Христу Богу нашему, даровавшему нам православную угодницу свою, скорую во всех скорбех помощницу и чудотворицу, поюще Ему: Аллилуия.
Икос 11
Светозарный светильник души своея имея выну горящим, мирно и тихо причастившись Пречистых Тайн Христовых, блаженная, отошла ко Господу. Небесным блаженством сиял по смерти святолепный лик старицы, и несказанное благоухание исходило от многострадальнаго тела ея. Множество народа с любовию и слезами провожало в последний путь праведницу Божию, вопиюще:
Радуйся, самопроизвольная мученице; радуйся, святая праведнице.
Радуйся, яко вся добрая дела своя в тайне совершала еси;
Радуйся, распятием плоти, уничижением и смирением страждущему на Кресте Христу подражала еси.
Радуйся, яко в храме Царицы Небесной телом опочила еси;
Радуйся, яко духом предстати Престолу Всевышняго сподобилася еси.
Радуйся, яко ныне венцем райским от Господа увенчана еси;
Радуйся, и нас, почитающих тя, пред Богом помянути не забывающая.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 12
Благодать, данную тебе от Бога, блаженная, сведуще, тебе просим и молим: не остави нас ходатайством своим, испроси нам грехов прощение, болезней исцеление, наветов вражиих прогнание, да спасшеся, прославим великое милосердие Божие, восклицая: Аллилуия.
Икос 12
Поюще дивнаго во святых своих Бога, ублажаем и свято чтим в безчисленном сонме святых Его блаженную старицу Евфросинию, прося ея молитв, помощи и благословения на вся труды и дела наша. Ты же услыши нас, мати, величающих тя сице:
Радуйся, дево святая премудрая; радуйся, невесто Христова пречудная.
Радуйся, Божия избраннице;
Радуйся, наша пред Богом предстательнице.
Радуйся, мужественно крест свой понесшая на земли;
Радуйся, ныне вечно с Господом радуешися на Небеси.
Радуйся, блаженная старице, всеми любимая;
Радуйся, на небеси и на земли славимая и блажимая.
Радуйся, блаженная старице Евфросиние, Колюпановская похвало и всея земли Тульския преславное украшение.
Кондак 13
О блаженная старице Евфросиние, не возгнушайся похвалами недостойными нашими, но приими малое моление сие наше и испроси у Господа вся благая на пользу душ и телес наших, да сподобимся и мы купно с тобою в вечной жизни воспевати Богу: Аллилуия.
Этот кондак читается трижды, затем 1-й икос «Ангелом хранителем. » и 1-й кондак «Избранной Богом от палат царских. ».
Акафист Ефросинии Колюпановской
Акафист Ефросинии Колюпановской
Избранной Богом от палат царских в Небесный Чертог Райский; блаженней старице Евфросинии, Христа ради юродивей, яко покровительнице и молитвеннице нашей хвалебное принесем пение.Ты же, о блаженная мати, яко имея дерзновение ко Господу, от всяких нас бед и болезней свободи, да с любовию зовем ти:
Радуйся, блаженная старице Евфросиние, Колюпановская похвало и всея земли Тульския преславное украшение.
Равноангельскаго жития взыскала еси, о блаженная мати, в юности твоея презревши красоту суетнаго мира сего и вся, яже в нем: богатство, славу и знатность оставила еси в царском дворце, взыскуя узкий и тернистый путь, ведущий в Царство Небесное. Подвигом юродства разум Христов стяжала еси, Того ради приими от нас похвалы сия:
Радуйся, Бога ради палаты царския оставила еси;
Радуйся, спасения ради вся земная презрела еси.
Радуйся, добровольную нищету Христа ради избрала еси;
Радуйся, богатство вечное и нетленное в Господе обрела еси.
Радуйся, блаженная старице Евфросиние, Колюпановская похвало и всея земли Тульския преславное украшение.
Видяше многомятежие мира сего и печали земныя, к премирным возвела еси ум твой, мати Евфросиние. С Саломией и Марфой оставила еси дворец Екатерины, тайно изыдоша из него; воспевающе призвавшему тя Господу хвалебную песнь: Аллилуия.
Разум, от Бога тебе данный, Евфросиние блаженная, в мнимом безумии скрыла еси, последующе Евангельским словам Спасителя «Кто Мне служит, Мне да последствует». На брезе пруда Царскосельского оставили есте многоценныя одежды своя трие фрейлины царицы: Евфросиния, Марфа и Саломия, — да забвена будет память о них. И облекшеся в нищетныя рубища, изыдоша странницы Божия на стези служения Господу, не имевшему где главы подклонити; сего ради зовем ти:
Радуйся, совлекшися одежд своих, ветхаго греховнаго человека в себе умертвила еси;
Радуйся, рубищным одеянием, яко ризою спасения облеклася еси.
Радуйся, для суетнаго мира умерла еси;
Радуйся, для вечныя жизни душею воскресла еси.
Радуйся, всем сердцем Бога возлюбила еси;
Радуйся, равноангельскому житию подражала еси.
Радуйся, предстоиши днесь Царице Небесной в лице дев святых;
Радуйся, блаженная старице Евфросиние, Колюпановская похвало и всея земли Тульския преславное украшение.
Силою, Богом данную ти свыше, иго благое Сладчайшаго Господа нашего Иисуса Христа с радостию подъяла еси; и облекшися в ангельский образ по благословению митрополита Платона в Серпуховский монастырь пришла еси, выну поющи Небесному Жениху Христу: Аллилуия.
Имущи велию любовь ко Господу, Евфросиние, плоть свою распяла еси со страстьми и похотьми. Кротким и смиренным житием любовь Христову стяжала еси. Сего ради и вселися в тя Дух Святый, наставляя и нас грешных ублажати тя сице:
Радуйся, царицу земную оставила еси;
Радуйся, покрова Царицы Небесной сподобилася еси.
Радуйся, из пучины житейскаго моря неврежденно изошла еси;
Радуйся, сеть искушений бесовских, яко паучину расторгла еси.
Радуйся, смирением, яко царскою порфирою одеянная;
Радуйся, благодатию Духа Святаго облагоуханная.
Радуйся, верою живою и крепкою вооруженная;
Радуйся, крестным знамением и молитвою огражденная.
Радуйся, блаженная старице Евфросиние, Колюпановская похвало и всея земли Тульския преславное украшение.
Бурю гонений и искушений воздвиже на тя исконный враг рода человеческаго, разжигая зависть и злобу в тех, кто кичится лжеименным разумом, и не заботится о том, чтобы уразумети истину. Но ты, о, блаженная мати, смирением и любовию победи, восстающаго на тя врага — диавола, возлагающа все упование на Бога; и нас в скорби сердца нашего научаеши выну взывати к Нему: Аллилуия.
Слышавши глас апостольский: «Мы убо буи Христа ради. и аще кто мнится мудр быти в вас в веце сем, буй да бывает, яко да премудр будет», последовала еси ему блаженная Евфросиние, высокаго ума и образования, всю мудрость человеческую в ничто вменила еси, смиренно терпящи поругания и осмеяния людския. Мы же, изумляющеся сим подвигом твоим, возглашаем ти таковая:
Радуйся, апостольскому наставлению последовавшая;
Радуйся, мудрость века сего в буйство, вменившая.
Радуйся, Премудрость Божию — Христа возлюбившая;
Радуйся, всякое поношение от мира, плоти и диавола претерпевшая.
Радуйся, биение и оплевание, яко язвы Христовы на теле своем носившая;
Радуйся, ночи на локтях в молитве провождавшая.
Радуйся, медныя вериги на рамена свои возложившая;
Радуйся, сим страсти плотския умертвившая.
Радуйся, блаженная старице Евфросиние, Колюпановская похвало и всея земли Тульския преславное украшение.
Боготечней звезде подобяся, на земли, течение твое светло совершила еси, святая праведная Евфросиние, лучи святости и потоцы милости всем изливая. Своим благочестием и душеполезными наставлениями, отвращая от пути греховнаго и приводя многих ко спасению, научаеши всех славити имя великаго Бога во Святей Троице славимаго, поя Ему: Аллилуия.
Видевше людие града Алексина и его окрестностей ангелоподобное житие блаженной старицы Евфросинии и благодатныя дары прозорливости и исцеления недугов от Бога низпосланные ей, потекоша к ней с болезнями душевными и телесными. И получивше благодатную помощь, приносят ти похвалы сия:
Радуйся, дар благодатный прозрения от Бога приявшая;
Радуйся, тем многих от пути нечестия отвратившая.
Радуйся, целительнице язв душевных;
Радуйся, врачебнице болезней телесных.
Радуйся, скорбящих утешительнице;
Радуйся, о душах усопших усердная ходатаице.
Радуйся, матерей детородящих скорое и безболезненное разрешение;
Радуйся, детей болящих врачевание.
Радуйся, блаженная старице Евфросиние, Колюпановская похвало и всея земли Тульския преславное украшение.
Проповедницей Евангельских истин, явилася еси блаженная, праведным житием своим показуя образ истиннаго христианства и подвижничества, поучающий нас любви и смирению; да вси взыскуем единаго на потребу — Царства Божия, идеже ангели и вси святии немолчно поют Богу победную песнь: Аллилуия.
Возсия божественная и спасительная благодать в душе юнаго купца Котельникова, юрод Христа ради и подвижник изряден явился еси блаженный Иоанн во граде Туле благословением старицы Евфросинии; и ины многи люди советом ея обрели тихое пристанище в иноческом подвиге, всегда благодарно взывая к ней таковая:
Радуйся, наставнице спасения;
Радуйся, подательнице святаго благословения.
Радуйся, пред Богом о нас теплая молитвеннице;
Радуйся, благочестия рачительнице.
Радуйся, от козней вражиих души наши молитвою своею ограждающая;
Радуйся, в добродетелех христианских преуспевати нам помогающая.
Радуйся, нечестивых вразумительнице;
Радуйся, благочестивых покровительнице.
Радуйся, блаженная старице Евфросиние, Колюпановская похвало и всея земли Тульския преславное украшение.
Хотяй Человеколюбец Господь явити милость Свою людем Своим, показа тя, мати Евфросиние, дивную подвижницу и чудную молитвенницу о нас недостойных, всегда кротко и с терпением переносяще человеческое непонимание подвига твоего, благодарне взываху Богу: Аллилуия.
Новую благодать дарова тебе, мати Евфросиние, Господь сохраняя та в зимний мраз, дабы мы слабые верою и немощные житием, взирая на тебя, обрели твердость и рачение в жизни христианстей, принося тебе похвалы сия:
Радуйся, естества уставы силою Божиею победившая;
Радуйся, зимний мраз и летний вар терпевшая.
Радуйся, тело свое суровыми подвигами духу покорившая;
Радуйся, теплотою Духа Святаго согретая и божественным пламенем любве воспламененная.
Радуйся, многострадальным житием мучеником уподобилася еси;
Радуйся, смирением главу змия древняго попрала еси.
Радуйся, бесов прогонительнице и козней их разрушительнице;
Радуйся, блаженная старице Евфросиние, Колюпановская похвало и всея земли Тульския преславное украшение.
Странно бе видети княжну Вяземскую старицей юродивей, яже вся оставиша в мире сем и в велицем терпении скорби и поношения носящей. Ныне же в горнем Иерусалиме пребывая, в радости поеши Богу: Аллилуйя.
Весь бе дивен и славен подвиг твой, блаженная мати, ибо подобно древним святым просияла еси в последняя наша времена богоугодным житием. Стяжала бо еси велию благодать от Бога: недуги исцеляти, будущее яко настоящее провозвещати и люди от пути греховнаго отвращати. За вся сия воспеваем ти сицевая:
Радуйся, яко научением псалмопевца Давида сна очесем своим и веждома дремания не дававшая;
Радуйся, яко в полунощи Жениха Небеснаго молитвенно ожидавшая.
Радуйся, яко терпением своим праведному Иову уподобившаяся;
Радуйся, яко великий пророк Илия в болезни враном питаемая.
Радуйся, яко Алексий, человек Божий родителей и дом Христа ради оставившая;
Радуйся, яко блаженной Исидоре подражавшая.
Радуйся, яко блаженный Христа ради юродивый Андрей на гноище и сметище возлегавшая;
Радуйся, яко блаженный Василий, зимой и летом босая ходившая.
Радуйся, блаженная старице Евфросиние, Колюпановская похвало и всея земли Тульския преславное украшение.
Всякое немощное человеческое естество с верою и любовию притекающее к источнику твоему близ реки Оки укрепляется; и всяк недуг исцеляется, нас же немощных духом воздвизает радостно пети хвалебную песнь Богу: Аллилуия.
Вития многовещанныя не могут изрещи тесноты и величия подвига твоего, мати Евфросиние, како ты «безумием» своим безумие мира сего обличила еси и немощию своею посрамила еси крепкия и мудрыя. Не ведают бо силы Божией и премудрости. Господь же, видя житие твое, в последняя дни твоя посла Ангелы своя звати та в селения Небесныя. И ныне наслаждаяся их райским пением, услыши нас, восхваляющих та:
Радуйся, градов русских похвало и ограждение;
Радуйся, прибежище наше в скорбех и утешение в болезнех.
Радуйся, водою источника твоего страждущим исцеления подавающая;
Радуйся, чтущим святую память твою во всем помогающая.
Радуйся, подвигом юродства «мудрых» века сего посрамившая;
Радуйся, образ христианскаго благочестия нам явившая.
Радуйся, с праведными и святыми почитаемая на земли;
Радуйся, с блаженными и юродивыми ликующая на небеси.
Радуйся, блаженная старице Евфросиние, Колюпановская похвало и всея земли Тульский преславное украшение.
Спасти хотя душу свою, мати Евфросиние, долгую вековую жизнь свою шествовала многотрудным путем подвижничества и юродства Христа ради. И ныне достигше тихой пристани — Христа, радостно вопиеши Ему: Аллилуйя.
Стена, ограждающая от напастей, бед и болезней, всем к помощи и заступлению твоему прибегающим явилася еси блаженная Евфросиние. Тем же и нас, прибегающих к тебе, огради предстательством твоим от врагов видимых и невидимых, от нашествия иноплеменников, от скорбей и болезней, из глубины души вопиющих ти:
Радуйся, слепым прозрение подавающая;
Радуйся, хромым хождение возвращающая.
Радуйся, водами кладезя своего немощных врачующая;
Радуйся, от одра болезни многих возставляющая.
Радуйся, в скорбех и обстояниях бедствующим помогающая;
Радуйся, на спасения стези нас наставляющая.
Радуйся, о нас недостойных присно Богу молящаяся;
Радуйся, от искушений бесовских ходатайством твоим ограждающая.
Радуйся, блаженная старице Евфросиние, Колюпановская похвало и всея земли Тульския преславное украшение.
Пение благодарственное приносим Христу Богу нашему, даровавшему нам великую угодницу Свою преподобную Евфросинию, скорую в скорбех помощницу и преславную чудотворицу, поюще Ему: Аллилуйя.
Светозарный светильник души твоея выну горящим видяще людие, сущия во тьме греховныя, к свету добродетельныя жизни устремляхуся. И взирая на мирное отшествие ко Господу и святозрачный лик старицы Евфросинии, небесным блаженством сияющий и благоухающий, прославиша Бога, дивнаго во святых Своих, и воспеваша сице:
Радуйся, светом Божиим православныя люди просвещающая;
Радуйся, благодатию Божиею во тьме греха сиявшая.
Радуйся, добровольная мученице и святая праведнице;
Радуйся, распятием плоти, уничижением и смирением страждущему на Кресте Христу подражавшая.
Радуйся, в храме Царицы Небесныя опочившая;
Радуйся, райским венцем от Господа увенчанная.
Радуйся, ангелов своим житием удивившая;
Радуйся, блаженная старице Евфросиние, Колюпановская похвало и всея земли Тульския преславное украшение.
Благодать обильно источаеши, Евфросиние блаженная на чтущих память твою и прибегающих к покрову твоему. Не остави нас, ходатайством твоим, испроси нам грехов прощение, болезней исцеление, наветов вражиих прогнание, да спасшеся твоим заступлением, прославим великое милосердие Божие, воспевающе Ему победную песнь: Аллилуия.
Поюще многая чудеса твоя, мати Евфросиние, восхваляем та и всеусердно молим: подай нам, святая праведнице Божия помощи и благословения на вся труды и дела наша, да благодарно величаем та сице:
Радуйся, дево святая премудрая;
Радуйся, невесто Христова пречудная.
Радуйся, Божия избраннице;
Радуйся, наша пред Богом предстательнице.
Радуйся, мужественно крест свой на земли понесшая;
Радуйся, спасение вечное сим улучившая.
Радуйся, блаженная старице, всеми любимая;
Радуйся, на небеси и на земли славимая и блажимая.
Радуйся, блаженная старице Евфросиние, Колюпановская похвало и всея земли Тульския преславное украшение.
О, блаженная старице Евфросиние, услыши недостойныя похвалы наши и приими малое сие моление наше, испроси у Господа нашего Иисуса Христа вся благая на пользу душ и телес наших, да сподобимся и мы купно с тобою в вечной жизни воспевати Богу: Аллилуйя.
О, блаженная старице Евфросиние, услыши недостойныя похвалы наши и приими малое сие моление наше, испроси у Господа нашего Иисуса Христа вся благая на пользу душ и телес наших, да сподобимся и мы купно с тобою в вечной жизни воспевати Богу: Аллилуйя.
О, блаженная старице Евфросиние, услыши недостойныя похвалы наши и приими малое сие моление наше, испроси у Господа нашего Иисуса Христа вся благая на пользу душ и телес наших, да сподобимся и мы купно с тобою в вечной жизни воспевати Богу: Аллилуйя.
Равноангельскаго жития взыскала еси, о блаженная мати, в юности твоея презревши красоту суетнаго мира сего и вся, яже в нем: богатство, славу и знатность оставила еси в царском дворце, взыскуя узкий и тернистый путь, ведущий в Царство Небесное. Подвигом юродства разум Христов стяжала еси, Того ради приими от нас похвалы сия:
Радуйся, Бога ради палаты царския оставила еси;
Радуйся, спасения ради вся земная презрела еси.
Радуйся, добровольную нищету Христа ради избрала еси;
Радуйся, богатство вечное и нетленное в Господе обрела еси.
Радуйся, блаженная старице Евфросиние, Колюпановская похвало и всея земли Тульския преславное украшение.
Избранной Богом от палат царских в Небесный Чертог Райский; блаженней старице Евфросинии, Христа ради юродивей, яко покровительнице и молитвеннице нашей хвалебное принесем пение.Ты же, о блаженная мати, яко имея дерзновение ко Господу, от всяких нас бед и болезней свободи, да с любовию зовем ти:
Радуйся, блаженная старице Евфросиние, Колюпановская похвало и всея земли Тульския преславное украшение.
О, мати блаженная Евфросиние! На земли юродивая, на небеси премудрая! Прошедши доблественно свой столетний путь земной, ныне с высоты небес призри на нас грешных в море житейском обуреваемых от плоти — страстьми и болезнями, от мира — досаждениями и соблазнами, от диавола — многочисленными кознями, и уже близ потопления есть кораблики душ наших, не имуще крепкаго якоря веры, надежду полагающе на свои силы и человеческую помощь, с угасшим светильником любви и благочестия. Не закосни, матушка Евфросиния, помощи нам не по достоинству нашему, но по милосердию, подобясь Всемилостивому Спасу нашему Иисусу Христу. Укрепи нас в вере, надежде и любви, хладных и черствых сердцем согрей своим участием, болезни наши уврачуй, скорби и печали отыми от нас, на скользком пути сем земном подаждь нам руку помощи, да укрепившись телом и душею, с терпением крест свой понесем, с упованием на Бога и твое скорое предстательство, и да сподобимся по смерти вечныя, блаженныя жизни, славяще Отца и Сына и Святаго Духа во веки веков. Аминь.
Евфросиния Колюпановская
Блаженная Евфросиния о себе никогда никому не рассказывала, но современники утверждали, что происходила она из древнего рода князей Вяземских, и была первой выпускницей знаменитого Смольного института благородных девиц в Санкт-Петербурге.
Евфросиния – ее монашеское имя. В миру она звалась Евдокия. Получив блестящее образование, обладая тонким умом и красотой, она привлекла внимание светского общества и стала одной из любимых фрейлин императрицы Екатерины II. Будущая подвижница дружила с семьями знаменитого Александра Васильевича Суворова и князя Юрия Долгорукова. Но однажды вместе с двумя другими фрейлинами, Марфой и Соломией, княжна Евдокия Вяземская решила тайно покинуть дворец и взять на себя крест подвижничества. Мы не знаем причин этого поступка: слишком ли вольные нравы придворной жизни, интриги или сплетни. Но в один из летних дней три фрейлины, воспользовавшись пребыванием двора в Царском Селе, оставили свои платья на берегу одного из прудов (пусть считают их утонувшими!), переоделись в одежды крестьянок и отправились странствовать. Евдокия побывала в нескольких монастырях: доила коров на скотном дворе, пекла просфоры. И только поборов в себе все человеческие слабости, испытав свой характер на прочность, в 1806 году она пришла в Москву к митрополиту Платону испросить благословение на особый подвиг юродства (мнимое безумие при полном здравии ума).
Увидев перед собой одаренную натуру, митрополит благословил княжну и под вымышленным именем “дуры Евфросинии” направил с собственноручным письмом в серпуховской Владычный монастырь к игумении Дионисии. Подвижница поселилась недалеко от обители, на месте монастырских погребов, в тесной избушке, взяв на себя тяжелейший крест одиночества, насмешек и лишений. Евфросиния ничего не готовила, не ходила на сестринскую трапезу, брала лишь хлеб да квас с монастырской кухни – этим и питалась.
В избе вместе с Евфросинией жили две кошки и три собаки – Милка, Розка и Барбоска. Любимцем старицы был ворон, с которым она разговаривала как с человеком. Однажды он спас ей жизнь. Дело было так. В ее келье случился пожар: кто-то из озорников, издеваясь над “дурочкой”, бросил в открытое окно пучок горящей соломы. Евфросиния стала тушить огонь и так обожглась, что слегла на шесть недель. Ворон не оставил ее: он приносил ей в клюве корочки хлеба, ягоды и воду, выхаживая больную хозяйку, в то время как люди забыли о ней.
Не зря пернатый питомец так заботился о своей хозяйке: он отвечал добром за добро. Вот что рассказывала одна из посетительниц, вместе с подругой ночевавшая в келье у старицы: “От чрезвычайно удушливого воздуха мы не могли уснуть. Вдруг в стекло кто-то постучал. Матушка подошла к окну, отворила и проговорила: “Что, нагулялся?” В это время в комнату влетел огромный ворон, каких мы никогда не видывали, и закаркал. Матушка принесла горшок каши, рассыпала ее на коленях и стала кормить ворона. А когда он перестал клевать, матушка набрала в рот каши, и он стал хватать ее изо рта, потом вспорхнул и вылетел вон. В полночь пропел петух, матушка перекрестившись со словами “Во имя Отца и Сына и Святого Духа” оправила лампаду и уже до рассвета молилась”.
В своей келье Евфросиния практически никогда не убирала, воздух в ней был настолько тяжелым, что однажды навестившая блаженную московская игумения спросила: “Матушка, зачем вы держите животных? Такой ужасный воздух”. На что Евфросиния с улыбкой ответила: “Это мне заменяет духи, которые я так много употребляла при дворе”. Животных своих блаженная очень любила, а звери и птицы отвечали ей такой же привязанностью. Стоило ей только выйти из своего жилища, как на голову и на плечи садились голуби и стаи галок сопровождали ее всюду.
Неизменной одеждой юродивой была власяница (рубашка толстого сукна серого цвета), а в лютые морозы – мужской тулуп. Ходила блаженная всегда босая. Волосы были острижены, голову она обматывала тряпицей, а на шее носила медные ожерелье и цепь, на которой висел большой медный крест. Под власяницей – тяжелые вериги (цепи), о которых никто не знал. Спала блаженная очень мало, лежа на полу вместе с собаками. А на вопросы, зачем она это делает, отвечала: “Я хуже собак”. Ночи ее были посвящены молитвенным бдениям. Строгая по отношению к себе, Евфросиния не могла спокойно смотреть на человеческое горе, на людские страдания и скорби. Во время жестоких напастей вымаливала она у Господа обильные дожди, щедрые урожаи и исцеления болящим.
Наступил 1812 год. Армия Наполеона подошла к Москве. Однажды французские офицеры увидели странную картину: блаженная собирала какие-то травки, корешки, камешки. Оккупанты стали издеваться над ней, оскорблять и бранить, а в ответ услышали обилчение на чистейшем французском языке.
Смирение и молитвенные труды открыли в Евфросинии дар прозорливости. Однажды по дороге в Серпухов заспорили две помещицы: как лучше обращаться с подчиненными. Сошлись на том, что обращаться нельзя ни строго – будут роптать, ни кротко – избалуешь. Заехали к старице. Блаженная побеседовала с ними о том о сем, а потом вдруг заметила: “Кротко, кротко”.
Рассказы о чудесах Евфросинии разнеслись по всей Центральной России. Но, как часто случается, земная слава повлекла за собой зависть, злобу и сплетни. Наговаривали на нее и монахини Владычного монастыря, и светские власти. Раздраженная на “странную” подвижницу новая игумения Владычного монастыря повелела убить трех ее собак. Евфросиния расплакалась – “собак убили – и меня убьют” – и переселилась из Серпухова в село Колюпаново. Местная помещица Протопопова полюбила старицу, построила ей новенькую светлую горницу, оштукатурила ее, деревья вокруг насадила. А блаженная поселила в этих хоромах. собак да кошек, индеек и цыплят, сама же облюбовала маленькую, душную каморку. И все четвероногие и пернатые обитатели небольшой комнатки находились в мире и согласии друг с другом.
Но и в маленьком Колюпанове не оставляли Евфросинию посетители. Шли отовсюду, просили молитвенной помощи, благодарили за исцеления.
Тяготясь людской славой, Евфросиния любила уходить за версту от Колюпанова в уединенное место рядом с Окой. В глубоком овраге с крутыми склонами, поросшими густым лесом, она предавалась тихой молитве. По дну оврага протекал небольшой ручеек, известный под названием речки Прошенки. В 40-х годах XIX столетия на склоне оврага подвижница собственными руками выкопала небольшой колодец, и, когда больные обращались к ней за помощью, говорила им: “Берите воду из моего колодезя – и будете здоровыми”.
В беседах со своим духовником иеромонахом Павлином (Просперовым) старица предсказывала, что в будущем в Колюпанове возникнет иноческая обитель.
Умерла Евфросиния 3 июля 1855 года в возрасте более 100 лет и была похоронена около местного деревянного храма.
В 1929 году большевики уничтожили эту церковь, а в 1996 году на ее месте был построен новый каменный храм в честь Казанской иконы Божией Матери. Теперь он стал монастырским. В этой церкви, с левой стороны, над могилой Евфросинии, поставлена мраморная рака.
Евфросинию Колюпановскую очень чтила Анастасия Ивановна Цветаева, родная сестра поэтессы Марины Цветаевой. Находясь в сибирской ссылке, Анастасия Ивановна собственными руками переписала ее житие, нарисовала портрет подвижницы и повесила его на стену. “Однажды, сильно болея горлом, живя одна в построенной из конюшни избушке, зимой, я мучилась острой болью и решила утром идти три километра – в больницу. Я молилась блаженной – и внезапно ощутила, что боль сразу прошла. И спал жар. Будь это от прорвавшегося нарыва в горле, был бы гной, но горло было чисто, я была здорова. Это было первое чудо в моей жизни от блаженной Евфросинии”, – рассказывала А. Цветаева.
По окончании ссылки, в 1959 году, Цветаева вместе с пожилой знакомой Татьяной Андрейчевой и ее внучкой Ритой поехала в Тульскую область искать могилку и источник подвижницы. “Усталые, но радостные, мы сели в Алексине на местный дребезжащий автобус и, сойдя по совету местных жителей у деревни Свинки, пошли пешком искать Колюпаново. Нас направили сначала к источнику, в широкую и тихую долину, где по звуку текущего из него ручья Рита нашла источник и привела нас к нему. Он истекал из узкого квадратного колодца, дно коего было усыпано медными и серебряными монетами. Над ними воды было с полметра. (Ни один озорной мальчишка их оттуда не выгреб – рассказы старших о старице Евфросиньи довлели, значит, и им!) Мы попили водички, лившейся струей в ручей. Ручей бежал в густых берегах, перебегал через дорогу, шедшую вдоль берега – и впадал в Оку”.
С тех пор А. И. Цветаева ездила на источник блаженной Евфросинии ежегодно. Однажды она вместе со своим другом поехала не той дорогой и… заблудилась. “Никак не могли найти дорогу, которая вела в долину, где был родник. Внезапно Александр Иванович остановился. “Знаете что? – сказал он. – Над нами все кружит жаворонок. Потом летит вперед – и снова возвращается. Как будто зовет. Пойдемте за ним!” И как только мы это сделали – жаворонок полетел вперед и вперед, затем повернул вбок – и мы вслед за летящей птицей вошли в утерянную долину”.
Уже в 1990 году Анастасия Ивановна сокрушалась: “Все предсказания старицы Евфросинии исполнились, кроме одного – что будет тут, в Колюпанове, обитель. С кончины старицы прошло 135 лет, а обители все нет. Но если 1000 лет перед Богом, как день един, то 135 лет подобны нескольким часам”. Но обетования святых никогда не бывают пустыми. Спустя пять лет, в 1995 году, близ чудотворного источника началось строительство Казанского монастыря.
А совсем недавно здесь произошло чудо. Родители слепого от рождения Саши привезли его на источник. В монастыре отслужили молебен о здравии и акафист блаженной Евфросинии, приложились к ее мощам, благословились у настоятельницы и отправились на источник. Мальчик троекратно окунулся в купель. “Вернулись домой из Колюпанова вечером, я положила ребенка в кроватку, включила свет – и он вздрогнул! – рассказывает Сашина мама. – Я показываю ему игрушку, а он улыбается…”
Преподобная Евфросиния (Евдокия), великая княгиня Московская
АКАФИСТ
ПРЕПОДОБНОЙ ЕВФРОСИНИИ, ВЕЛИКОЙ КНЯГИНЕ МОСКОВСКОЙ
Кондак 1
И збранной от рода державнаго угоднице Христовой Евфросинии, яко крепкой заступнице и молитвеннице нашей, похвальная восписуем ти, чтущия тя. Ты же, яко имущая дерзновение ко Господу, Того умоли избавитися нам бед и скорбей, и в будущем веце небесное улучити царствие, да зовем ти:
Радуйся, преподобная княгине Евфросиние.
Икос 1
А нгельское воистину безстрастие еще на земли стяжала еси, преподобная, нивочтоже вменяющи княжения славу, богатств обилие, вся мира красная, о юности и красоте телесней нерадивши, непрестанными же к Богу молитвами, бдением и постом плоть изнуривши и душу добродетельми украсивши. Сицевому равноангельному житию твоему удивляющеся, сия вопием ти, преподобная:
Радуйся, от младых лет спасения взыскавшая; радуйся в молитвах к Богу прилежавшая.
Радуйся, в напастех на Него единаго упование полагавшая; радуйся, в сане княжестем смирение сохранившая.
Радуйся, во власти державней кротость ко всем соблюдшая; радуйся, к нищим милосердие неоскудное показавшая.
Радуйся, в чертозе княжестем иночески пожившая; радуйся, в неговании двора царскаго постническое житие явившая.
Радуйся, преподобная княгине Евфросиние.
Кондак 2
В идящи преподобная в доме отчем заповедей Божиих усердное хранение и в благочестии преспеяние, от юности навыче о спасении душевнем паче всего ревновати и в теплых к Богу молитвах Ему воспевати: Аллилуиа.
Икос 2
Р азум во благочестии утвержден имущи преподобная, не земныя радости в супружестве взыскаше, но паче всех супругу в добродетелех подражаше и того к делом добрым подвизаше, со тщанием к почести вышняго звания течаше. Сицевое житие преподобныя похваляюще, возопиим к ней таковая:
Радуйся, Бога паче всех возлюбльшая; радуйся, в жизни славней нощи в молитвах пребывати не оставльшая.
Радуйся, во обилии благ земных постнической жизни навыкшая; радуйся, в мирстей жизни чистоту сердца сохраншая.
Радуйся, супружеств христианских удобрение; радуйся, жен благочестивых украшение.
Радуйся, во обилии благ живущим благочестия образ подавшая; радуйся, во славе сущим христианскаго жития правило показавшая.
Радуйся, преподобная княгине Евфросиние.
Кондак 3
С ила Вышняго присно невредиму тя сохрани, преподобная, егда смертоносная язва многи окрест тебе погубляше, и многажды в нахождениих врагов безбожных соблюдаше тя от меча их и пленения. Темже, Бога благодарящи, вопияла еси: Аллилуиа.
Икос 3
И мущи сердце милостивое и к людем страждущим удобь преклонное, во всех града и княжения напастех, в запалениих огненных, в нахождениих и губительствах вражиих первее к Богу обыкла еси, преподобная, с молитвою теплою прибегати и к той вся люди подвизати. Темже, почитающе твое теплое к Богу о людех ходатайство и скорую бедствующим помощь, вопием ти сицевая:
Радуйся, гнев Божий молитвами твоими утолявшая; радуйся, в бедах и напастех помощь Божию обретавшая.
Радуйся, крова лишенным пристанище уготовлявшая; радуйся, от врагов разоренным снабдение подававшая.
Радуйся, состраданием скорби бедствующих утолявшая; радуйся, милосердием нищету обнищавших отгонявшая.
Радуйся, душу ко всем милосерду имевшая; радуйся, во мнозех благотворениих любовь к людем показавшая.
Радуйся, преподобная княгине Евфросиние.
Кондак 4
Б уря скорбных помышлений обдержаше тя, преподобная, егда юный князь, блага ради людей своих, волею пойде в жилище ярящихся злонравных агарян, яко овча в ложа дивиих зверей, и паки, егда сын твой два лета проживе в пленении у безбожных врагов. Ты же, скорби сердца твоего пред Господем единым в молитвах теплых изливающи, Ему непрестанно взывала еси: Аллилуиа.
Икос 4
С лышавше иногда безбожнии агаряне твое, преподобная, из царствующаго града удаление, гнаша вслед тебе, в плен яти тя хотяще. Ты же, Богом сохраняема, избегла еси рук вражиих, и Бога благодарящи, многи храмы и обители иноческия воздвигла еси. Темже, ведуще твою теплую к Богу любовь, вопием ти сицевая:
Радуйся, непрестанными молитвенными хвалении Бога прославлявшая; радуйся, в непрестанную жертву благодарения Ему храмы многи создавшая.
Радуйся, приметатися во дворех Божиих возлюбившая; радуйся, в мирстей жизни высоту иноческаго жития познавшая.
Радуйся, во славе светлаго княжения суету мирскаго жития уразумевшая; радуйся, мира суету уразумевшим пристанище тихое во обителех уготовавшая.
Радуйся, спасения душевнаго присно желавшая; радуйся, спастися хотящих к жизни иноческой призывавшая.
Радуйся, преподобная княгине Евфросиние.
Кондак 5
Б оготечная звезда явилася еси, преподобная, в житии твоем, егда супружеских уз отрешившися, всецело Господу себе предала еси, постом и молитвами работающи Ему день и нощь и непрестанно вопиющи Ему: Аллилуиа.
Икос 5
В идящи, преподобная, себе по смерти мужа сиротствующу, возжела на служение единому Богу себе предати, обаче, воспитания ради чад, до времени в чертозех княжеских жити и о делех земных попечение имети понуждаема, умысли в тайне Богу работати, зельным пощением тело юное изнуряющи, людем же в светлых ризах и красну лицем себе являющи. Той единому Богу ведомыя подвиги почитающе, возопиим к ней таковая:
Радуйся, в тайне Богу послужившая; радуйся, сокровенно от людей Тому угодившая.
Радуйся, Давидски в полунощи на молитву восстававшая; радуйся, во дни бодрственно дела земная совершавшая.
Радуйся, псаломски утро в молениих предварявшая; радуйся, до нощи во обычных о чадех и людех попечениих пребывавшая.
Радуйся, яко пред Богом псаломски во вретищи и стенании душу твою смирила еси; радуйся, яко пред людьми евангельски во умащении главы и в светелости лица и одеяния себе являла еси.
Радуйся, преподобная княгине Евфросиние.
Кондак 6
П роповеднику премудрому согласующися, глаголала еси, преподобная, в сердцы твоем: всяческая в мире суета сует. Темже тихое от суеты убежище — обитель святую сию создала еси, еже бы в ней мира удалившися, в мире и безмолвии пети Богу: Аллилуиа.
Икос 6
В озсия в сердцы твоем, преподобная, светлая благодати луча, тайными молитвами и подвигами возжигаемая, еяже сияния не терпя древний враг, восхоте возмутити душу твою, наустив лукавыя люди хулы глаголати о житии твоем. Ты же клеветы слышащи, духом пребывала еси в Бозе утвержденна и помыслом не смущенна. Темже вопием ти, преподобная:
Радуйся, неправедное поношение без гнева терпевшая; радуйся, злокозненное хуление несмущенно понесшая.
Радуйся, за ревность о чистоте сердца в нечистоте жития оклеветаемая; радуйся, за зельное тела умерщвление в житии сластопитанном укоряемая.
Радуйся, от Бога единаго похвалы на суде Его желавшая; радуйся, славы токмо на небесех искавшая.
Радуйся твердое терпение во озлоблении соблюдшая; радуйся, смирением козни вражия расторгшая.
Радуйся, преподобная княгине Евфросиние.
Кондак 7
Х отяй Господь тайныя твоя в добродетелех подвиги ведомы людем соделати, попусти диаволу бурю воздвигнути на тя поношений и оклеветаний, да известно уведевше святое твое житие, прославят вси Бога, дивнаго в тайных рабех Своих, присно вопиюще Ему: Аллилуиа.
Икос 7
Н овую показа добродетели высоту преподобная Евфросиния, егда, видящи чад своих злыми о ней клеветами смущаемых, призва я тайно и часть одежд пред ними откры, яко видети бе мощно тело ея, от поста и зельных подвигов изсохшее и очернелое, и плоть костем прильпнувшу; и тако смущение от сердец их отгнавши, никомуже поведати виденное повеле. Таковей преподобныя добродетели дивящеся, возопиим к ней сицевая:
Радуйся, во глубине смирения подвиги твоя от всех скрывавшая; радуйся, в широте любве чадом твоим оныя явившая.
Радуйся, очищения ради своея души, поношение безчестия терпеливо понесшая; радуйся, избавления ради чад своих от греха осуждения, чистоту жития своего показавшая.
Радуйся, обиды от людей Судии Богу предавшая; радуйся, худыя помыслы чад своих во благо исправившая.
Радуйся, во уверение истины подвиги твоя им открывшая; радуйся, во избежание славы, уста их молчанием заградившая.
Радуйся, преподобная княгине Евфросиние.
Кондак 8
С транное видение плоти твоея, яко уже умершия, зряще сынове твои и жестокое твое житие уразумевше, страхом одержими, Богу, укрепившему тя в подвизех, вопияху прилежно: Аллилуиа.
Икос 8
В есь сонм злословящих людей хотяху чада твоя наказати, егда уведаша твоего жития чистоту и уразумеша велию злобу поношающих тя; ты же, яко незлобивая, никакоже попустила еси отмстити обидящим, от Бога единаго чающи оправдания своего. Темже вопием ти, преподобная:
Радуйся, сердцем кроткая; радуйся, духом незлобивая.
Радуйся, ко обидам терпеливая; радуйся ко обидящим негневливая.
Радуйся, в терпении обид Христу Богу подобящаяся; радуйся, от Бога единаго своего оправдания ожидавшая.
Радуйся, поношение терпением победившая; радуйся, ко обидящим любовь сохранившая.
Радуйся, преподобная княгине Евфросиние.
Кондак 9
В се естество Ангельское возвеселися, егда Архистратиг Небесных Сил, предстояй Престолу Божию, послан бысть к тебе, преподобная, ко исходу душу твою уготовати, и Богу, сице благоизволившему, вопияху: Аллилуиа.
Икос 9
В итии многовещанныя не возмогут по достоянию восхвалити твое ангельское безстрастие и чистоту ока душевнаго, яко, во плоти сущи, от Архистратига Божия посещения сподобилася еси и от него извещение о исходе из сего временнаго жития прияла еси. Мы же, таковую тебе от Бога данную благодать чтуще, вопием ти, преподобная:
Радуйся, безстрастием Ангелом соревновавшая; радуйся, Архангельскаго посещения сподобльшаяся.
Радуйся, сиянием Ангельскаго света осиянная; радуйся, благоуханием святыни от Архангела облагоуханная.
Радуйся, о изшествии из мира от Господа предызвещенная; радуйся, явлением Ангельским от всего земнаго отрешенная.
Радуйся, яко Архистратиг Божий явлением своим князя воздушных мытарств от тебе далече отгна; радуйся, яко своим благодатным посещением победу на диавола тебе дарова.
Радуйся, преподобная княгине Евфросиние.
Кондак 10
С пасти хотящи душу твою, преподобная, егда от Ангела весть о скором от жития сего исходе прияла еси, внити в созданную тобою обитель ускорила еси, да тамо в безмолвии работающи Богу, воспеваеши Ему: Аллилуиа.
Икос 10
С тена еси твердая и ограждение необоримое обители, тобою созданней, преподобная, еже и яви Господь, еще грядущей тебе во обитель: многи бо на пути недужныя исцелила еси и во обитель вошла еси не яко новоначальная, но яко славная чудотворица. Темже, прославляюще тя, вопием ти, преподобная:
Радуйся, явлением твоим слепцу исцеление обещавшая; радуйся, прикосновением ризы зрение тому подавшая.
Радуйся, болящих в житии твоем нужным снабдевавшая; радуйся, тридесяти недужным при вхождении во обитель исцеление даровавшая.
Радуйся, во обитель шедшая по смирению, яко новоначальная; радуйся, в тую вшедшая по благодати Божией, яко чудотворица прехвальная.
Радуйся, благодать Божию с собою во обитель вводящая; радуйся, вхождением своим украшение святолепное ей преподавшая.
Радуйся, преподобная княгине Евфросиние.
Кондак 11
П ение всеумиленное принесла еси, преподобная, благодарственная восписующи Господу, сподобльшему тя иноческое пострижение прияти, к нему же во всем житии душу твою предуготовляла еси, да мира сего отлучившися и ничимже земным смущаема, вопиеши Богу: Аллилуиа.
Икос 11
С ветозарная свеща иночествующим показася житие твое во обители, преподобная: аще бо и не многи дни во иночестве пожила еси, обаче всякия иноческия добродетели образ преизящный в себе явила еси. Темже, восхваляюще тя, сицевая вопием ти, преподобная:
Радуйся, вольнаго мира оставления преизящная наставнице; радуйся, правило усерднаго за вся люди моления.
Радуйся, совершеннаго своей воли отсечения премудрое наставление; радуйся, душевныя и телесныя чистоты светило изрядное.
Радуйся, умерщвления плоти образе преизящный; радуйся, мирнаго купножития наставнице.
Радуйся, умныя к Богу молитвы образе; радуйся, святаго на земли жития зерцало.
Радуйся, преподобная княгине Евфросиние.
Кондак 12
Б лагодати исполнена и благих дел, яко добре течение земное совершившая, в мире преставилася еси от земных к небесным, идеже веселящися предстоиши Господу и вопиеши Ему: Аллилуиа.
Икос 12
П оюще твоя многообразная людем благодеяния, восхваляем тя вси, преподобная мати Евфросиние, независтно подающую исцеления с верою к тебе прибегающим и вопиющим ти:
Радуйся, яко на небесех ныне пред Господем предстоиши; радуйся, яко о людех пред Богом выну предстательствуеши.
Радуйся, града твоего крепкое ограждение; радуйся, обители твоея незыблемое утверждение.
Радуйся, о благом преспеянии иночествующих тепле молящаяся; радуйся, о утверждении добре живущих в мире Бога просящая.
Радуйся, чтущих память твою пред Богом поминающая; радуйся, о прославляющих тя Бога молящая.
Радуйся, преподобная княгине Евфросиние.
Кондак 13
О прехвальная угоднице Божия, преподобная княгине Евфросиние! Приими смиренное сие хваление наше и твоим теплым предстательством у Царя Славы испроси нам в немощех исцеление, в добродетелех преспеяние, от врагов видимых и невидимых избавление, от вечныя муки свобождение и Царства Небеснаго наследие, да с тобою присно поем Богу: Аллилуиа.
Этот кондак читается трижды, затем читается 1-й икос: «Ангельское воистину. » и 1-й кондак: «Избранной от рода державного. ».
Молитва
О преподобная княгине Евфросиние, добляя в женах подвижнице, прехвальная угоднице Христова! Приими моление о нас, недостоиных, с верою и любовию к тебе припадающих, и теплым к Богу ходатайством испроси граду Москве и людем от бед и напастей сохранение, споспешествуй, яко чадолюбивая мати, чадом, тобою собранным, понести иго Христово во благодушии и терпении и добре подвизатися ко исправлению жития своего, еже ко спасению; в мире благочестно живущим испроси у Господа в вере твердость, во благочестии преспеяние и всем, с верою прибегающим к тебе и твоея просящим помощи и заступления, подавай всегда недугов исцеление, в скорбех утешение и во всем житии благопоспешение, наипаче же умоли Господа в мире и покаянии земное житие преити нам, мытарств горьких и мук вечных избавится и Царство Небесное твоим ходатайством получити, идеже ты со всеми святыми Господу предстоиши, да всегда славим Отца и Сына и Святаго Духа, ныне и в безконечныя веки веков. Аминь.
Тропарь, глас 8
П о земнем вдовстве Небесному Жениху себе уневестивши и в княжестем чертозе подвижнически поживши, послежде и чертог, и чад твоих Бога ради оставила еси, преподобная Евфросиние, и, вшедши во обитель, тобою созданную, во иночестем образе многи подвиги показала еси, и святое житие по благодати Божией блаженною кончиною увенчала еси. И ныне, предстоящи Христу Богу, моли спастися душам нашим.
Ин тропарь, глас 5
О т юности предызбранная Богом угоднице, оставльши светлый чертог княжеский, уклонилася еси во обитель, тобою созданную, и, пучину житейскаго моря преплывши, ныне со Ангелы песнословиши Христа Бога. Емуже непрестанно молися, преподобная, яко да сохранит выну обитель, тобою созданную, и дарует нам мир и велию милость.
Кондак, глас2
В ся красная мира сего, яко суетная, презревши и тело твое постом и бдением изнуривши, непрестанными молитвами Богу угодила еси, преподобная Евфросиние, и, дар исцелений от Него прияти сподобльшися, слепому прозрение и многим недужным исцеление даровала еси. Темже радостно взываем, глаголюще: слава Богу, прославляющему святыя Своя.
Величание
У блажаем тя, преподобная мати Евфросиние, и чтим святую память твою, ты бо молиши за нас Христа, Бога нашего.
Загрузка...